ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սմբատ Բունիաթյանի «Ով է Աստծո նման» վիպակի շնորհանդեսը սեպտեմբերի 11-ին

07 սեպտեմբերի, 2018 | 09:47

Լույս է տեսել արձակագիր արձակագիր, թարգմանիչ և դրամատուրգ Սմբատ Բունիաթյանի «Ով է Աստծո նման» վիպակը (Երևան, 2018)։ Գրքի շնորհանդեսը տեղի կունենա սեպտեմբերի 11-ին ժամը 19-ին ՆՓԱԿ-ում/ հասցե. Երեւան, Փեվստոս Բուզանդի փողոց, շենք 1/3)։ 

Հեղինակի մասին.

Սմբատ Բունիաթյանը ծնվել է 1965 թվականի օգոստոսի 28-ին, քաղաքամայր Երևանում:

Բարձրագույն կրթություն է ստացել Երևանի Պետական համալսարանի բանասիրական ֆակուլտետում։

Մասնակցել է Արցախի պաշտպանական գործողություններին։

Հայաստանի գրողների միության անդամ է։

Հեղինակն ունի տպագրված երեք գիրք և մեկ պիես։

  • «Արևաշապիկ» (պատմվածքներ)։
  • «Բառեր» (թանկաներ)։
  • «Ժողովող» (թարգմանություն)։
  • «Երջանկության երկու ժամը» (դրամա)։

Վս. Գարշինի «Չորս օր» պատմվածքի թարգմանության համար արժանացել է «Համազգային» հայ կրթական և մշակութային միության «Տարվա լավագույն թարգմանություն» մրցանակին։

«Ով է Աստծո նման» վիպակում ստեղծել է յոթ նոր բառ.

1.Ապիմաստուն 2.Թռուցկազրույց 3.Արեգաչ 4.Մերկասարսուռ 5.Արևաշապիկ 6.Դիմասլաց 7.Բաշնարձակ

Հեղինակն ինքն է խմբագրում է իր գրքերն ու ստեղծագործությունները։

Սմբատ Բունիաթյանը ժամանակակից հայ գրականության նշանավոր հեղինակներից է։ Ունի ինքնատիպ, զուտ հեղինակային գրելաոճ։ Գրում է զտարյուն հայերենով։ Նրա ստեղծագործությունները հետաքրքիր-հաջողված են նաև  հեղինակային նորարարության շնորհիվ։ Դասական արձակի չափանիշներ «խախտելով»՝ հեղինակը արձակ բանաստեղծությունների սինթեզով է հրամցնում պատմողական խոսքը, ինչը առանձնահատուկ հմայք է հաղորդում՝ բացահայտելով հուզական նրբերանգներ, որոնք խոհափիլիսոփայական շերտեր են բուն ստեղծագործության ենթատեքստում։

«Ով է Աստծո նման» վիպակը բացահայտում է համամարդկային և զուտ անձնական խնդիրներ, որոնք ընդմիշտ առկա են մարդ-Աստված փոխհարաբերություններում։

Վիպակի առանցքը Մարդն է։ Գործողությունները ծավալվում են Նյու Յորք քաղաքում, անցած դարի կեսերին, երբ ԱՄՆ կառավարությունը քսանամյա պատերազմ էր վարում ընդդեմ կոմունիստական գաղափարախոսության՝ գործողությունների թատերաբեմ դարձնելով Վիետնամը։

Կողք-կողքի են անմնացորդ սերն ու պարտք վճարելու մեծահոգությունը, կրոնական մոլեռանդությունն ու երեխայի ճակատագիրը… Այնինչ հանգամանքներն են իշխում մարդ արարածի վրա՝ անխուսափելիորեն ծնելով հարցեր, որոնք  երբեմն մնում են չլսված։ Ո՞վ է Աստծո նման…

orer.eu


Առնչվող նյութեր
1. «Արտավազդ և Կլեոպատրա» գրքի շնորհանդեսը Սոֆիայում
2. Վարանդի Բերդա-«Քաղաքը» գրքի շնորհանդեսը Երեւանում
3. Սոֆիայում տեղի ունեցավ հանդիպում արձակագիր Նարինե Աբգարյանի հետ
4. Էրիխ Մարիա Ռեմարկի «Արևմտյան ճակատում նորություն չկա» վեպի հայերեն թարգմանության շնորհանդեսը
5. Հանդիպում գրող Կիմա Կիրակոսյանի հետ
6. «Հրանտ Մաթեւոսյան» կենտրոն-թանգարանը պատրաստ կլինի 2020 թվականին՝ մեծ գրողի 85-ամյա հոբելյանին
7. Գրախոսական. Արամ Քերովբեան. Ձայն յանապատի. եկեղեցական երաժշտութեան բարեկարգումը ԺԹ. դարու վերջաւորութեան
8. Մեծ ասելիք՝ փոքր ծավալում. Վարդգես Դավթյանի ժողովածուները
9. Վանաձորցի երիտասարդ դրամատուրգը Հայաստանը ներկայացրեց Գերմանիայում
10. Լիպարիտ Սարգսյանի ծննդյան 80-ամյակը

Մեկնաբանություն

Վերջին լուրեր
1.Վահագն Աթաբեկյանը՝ Լիբանանում Հայաստանի դեսպան
2.Սամվել Մկրտչյանը՝ Լեհաստանում Հայաստանի դեսպան
3.Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
4.Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
5.Սարիկ Անդրեասյանի «Չներվածը» ներկայացվեց Պրահայի հանդիսատեսին
6.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
7.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
8.Գագիկ Ղալաչյանը՝ Ղազախստանում Հայաստանի դեսպան
9.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
10.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: