ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
26 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սկևռայի մեծագույն սրբությունը երկրպագության համար կդրվի Մոսկվայի հայկական եկեղեցում

14 ապրիլի, 2017 | 08:18

Ապրիլի 16-ին, Տիրոջ հրաշափառ Հարության տոնին, հուրախություն հավատացելոց և ի նորոգություն  մեր հավատքի,  առաջին անգամ դուրս կբերվի Սկևռայի մեծագույն սրբությունը։

Skevra1 ekghetsiՀրաշագործ մասնատուփը  Հայոց Հայրապետի օրհնությամբ  Սուրբ Էջմիածնից Մոսկվա է բերվել Եզրաս Սրբազանի խնդրանքով ՝ որպես մեկնարկ Ռուսաստանի և Նոր Նախիջևանի թեմի հիմնադրման 300-ամյակին նվիրված միջոցառումների։

Համաքրիստոնեական մեծագույն այս սրբությանը հպվելու և երկրպագելու, դրանց օրհնաբեր զորությանը հաղորդ դառնալու համար Մոսկվայի Սուրբ Պայծառակերպություն եկեղեցին  բաց է բոլոր ազգությունների հավատացյալ զավակների համար։

Սրբազան մասունքարանը առաջնորդանիստ Մայր տաճարում կպահվի մինչև ապրիլի 24-ը։

Պատմական ակնարկ

Կիլիկյան Հայաստանի  նվիրական  մասնատուփում ամփոփված են  20-ից ավելի համաքրիստոնեական և հայազգի սրբերի՝ Պողոս, Պետրոս, Թադեոս, Բարդուղեմեոս առաքյալների, Գրիգոր Լուսավորչի, Հովհան Ոսկեբերանի, Նիկողայոս Սքանչելագործի, Բարսեղ Կեսարացու,Գրիգոր Աստվածաբանի  մասունքները։

Skevra2 ezras srbazan1283 թվականին եպիսկոպոս Կոստանդին Պահեսնացին փնտրում և հավաքում է սրբերի մասունքները, որոնց համար Կիլիկիայի Հեթում թագավորի հրամանով 1293 թ․-ին պատրաստվում է եռափեղկ պահարան ՝ մասնատուփ։ Փայտակերտ հիմնամասը պատված է արծաթե ոսկեզօծ բարակ թիթեղներով՝ 63 սմ երկարությամբ։Մասնատուփի աջ և ձախ թերթերի յուրաքանչյուր կողմում ներկայացված են առաքյալների, մարգարեների և եկեղեցու հայրերի պատկերները։ Արտաքին դռների  գլխավոր պատկերն է Ս․Կույսի Ավետումը, վերևում՝ Ս․Հովհաննես է, ներքում՝ Ս․Դավիթը։                                                              Մասնատուփի գտնվելու վայրը մոտ 5 դար անհայտ է եղել։ Ըստ պատմական աղբյուրների՝ երբ Սկևռա վանքն այլևս չի գործել, մասունքարանն անհայտ ճանապարհներով հայտնվել է Եվրոպայում։1880 թ․-ին ռուս դիվանագետ, կոլեկցիոներ Ալեքսանդր Բազիլևսկին այն գնել է իտալացի մի հնավաճառից։ 5 տարի անց Ալեքսանդր 3-րդ կայսերը  մասնատուփը գնում է Սանկտ Պետերբուրգի Կայսերական Էրմիտաժի համար։                                                                                            2000 թվականին Եզրաս վարդապետ Ներսիսյանի /այժմ Ռուսաստանի և Նոր Նախիջևանի թեմի առաջնորդ/ ջանքերով, Սանկտ Պետերբուրգի Ս․Կատարինե եկեղեցու վերաօծման առիթով  հայ և ռուս Եկեղեցիների առաջնորդներ Գարեգին 2-րդի և երջանկահիշատակ Ալեքսի 2-րդի ներկայությամբ, սրբությունը փոխանցվում է Հայ Եկեղեցուն։Այժմ այն պահվում է Մայր Աթոռ Սուրբ Էջմիածնում և ամեն տարի Վեհափառ Հայրապետի գահակալության տարեդարձի առիթով դուրս է  բերվում հավատացյալների  երկրպագության համար։

Ռուսաստանի և Նոր Նախիջևանի հայոց թեմի մամլո դիվան

 


Առնչվող նյութեր
1. «Հայ Առաքելական Սուրբ Եկեղեցու գործունեությունը Հայաստանի Առաջին Հանրապետության տարիներին» աշխատությունը լույս է տեսել Սուրբ Էջմիածնում
2. Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
3. ՀՅԴն Իր Ամբողջական Զօրակցութիւնն Է Յայտնում Հայաստանեայց Առաքելական Սուրբ Եկեղեցուն
4. Նախագահ Սարգսյանը հանդիպել է հայտնի հնդիկ գործարար Մուկեշ Ամբանիի հետ
5. Հուլիսի 7-ին հավատացյալների երկրպագության համար դուրս բերվեց Աստվածամուխ Սուրբ Գեղարդը
6. Վարչապետը ժամանել է Արցախ. Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի
7. Գարեգին Բ Կաթողիկոսը և ՀԲԸՄ նախագահը խոսել են ներհայաստանյան քաղաքական վերջին զարգացումների մասին
8. Հայ Եկեղեցուոյ Մէջ Ծագած Տագնապներ Փողոցին Մէջ Չէ, որ Կը Լուծուին Այլ Կրօնական Հաստատութեան Երդիկին Տակ. ՌԱԿ-ի կոչը
9. Մոսկվայում բացվել է մարշալ Համազասպ Բաբաջանյանի կիսանդրին
10. Նիկոլ Փաշինյանն այցելել է Ռուսաստանի և Նոր Նախիջևանի թեմի Առաջնորդանիստ Սուրբ Պայծառակերպություն եկեղեցի

Մեկնաբանություն

Վերջին լուրեր
1.«Ապիլայֆ»ը երեք գյուղերում կզարգացնի մեղվաբուծությունը
2.Սարմեն Բաղդասարյանը` Քուվեյթի Պետությունում Հայաստանի արտակարգ և լիազոր դեսպան
3.Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
4.Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
5.Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
6.«Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
7.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
8.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
9.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
10.Նորվեգիա. Հայկական խաչքարի օրհնություն և օծում Կրագերո քաղաքում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: