ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սիրուշոն և Dorians-ը մեկ բեմում

15 մարտի, 2013 | 12:39

ԵՐԵՎԱՆ-Ապրիլի 6-ին` ժամը 19:00-ին, Մարզահամերգային համալիրի մեծ դահլիճում Սիրուշոն և Dorians ռոք խումբը հանդես կգան համատեղ համերգով: Այս անակնկալ նախաձեռնությամբ Սիրուշոն և Dorians-ն առաջին անգամ են միասին ներկայանում իրենց երկրպագուներին և հանրությանը:

«Միասին մեկ բեմում» համերգային ծրագրում համադրվում են ռոք և փոփ ոճերի, ինչպես նաև ազգային մեղեդիների ռիթմերը: Համերգը կուղեկցվի պարային և լուսային շոու ծրագրով: Արտիստները հանդես կգան իրենց ծրագրերով: Սիրուշոն ու Dorians-ը այս համերգով Հայաստանի երաժշտասերներին ոճերի համադրությամբ նոր մոտեցում են ներկայացնում:

Սիրուշոն բազմաթիվ ալբոմների հեղինակ է, ելույթ է ունեցել հայաստանյան և միջազգային բեմերում: Նա կներկայացնի ինչպես իր հին ու սիրված, այնպես էլ նոր ստեղծագործությունները՝ գեղեցիկ ու յուրահատուկ շոուի ուղեկցությամբ:

2008 թվականին Հայաստանում կազմավորված Dorians ռոք խումբը մի քանի տարում կարողացել է մեծ հեղինակություն ձեռք բերել: Խմբի համար սա ևս մեկ առիթ է հայրենիքում երկրպագուներին բարձրարվեստ երաժշտություն ներկայացնել:

Արտիստների միջև ստեղծագործական համագործակցության նկատմամբ արդեն մեծ հետաքրքրություն կա: Համերգի նախապատրաստման մասին YouTube-ում տեղադրված անակնկալ տեսահոլովակը արձանագրել է ավելի քան 18 000 դիտում 5 օրվա ընթացքում:

Համերգի կազմակերպիչ Deem Communications ընկերությունը և արտիստները ոգևորված են երկրպագուների դրական արձագանքով: Նրանք բարձրորակ երաժշտություն և իսկական տոն են խոստանում ապրիլի 6-ին: Համերգի տոմսերը վաճառքում կլինեն մարտի 20-ից հետո:

 Orer.eu


Առնչվող նյութեր
1. Հայտնի երգչուհի Սիրուշոն համագործակցում է բջջային app-ի՝ PicsArt-ի հետ
2. Black Sabbath-ի կիթառահար Թոնի Այոմին կոչ է արել քվեարկել Dorians-ի համար Եվրատեսիլի կիսաեզրափակչում
3. Dorians-ը գնում է ռոքելու “Եվրատեսիլ”-ը
4. Նորի՞ց Սիրուշոն
5. ՊռեԳոմեշ. մեծ աղմուկ ոչնչից

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: