ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում

19 սեպտեմբերի, 2018 | 12:57

 Հանրային հեռուստաընկերության արբանյակային եթերով  հեռարձակվում է  «Ի՞նչ Կ’ըսեմ, Ի՞նչ Կ’ըսես»  հաղորդումը, որը նոր խոսք է Հանրային հեռուստաընկերության ծրագրային քաղաքականության մեջ։ Հաղորդաշարի ստեղծման, նրա նպատակների ու ապագայի մասին ենք զրուցում հաղորդման հեղինակ սիրիահայ  հեռուստալրագրող Սեւան Քէլէշեանի հետ։ 

  • Սիրելի Սեւան, որտե՞ղ ես ծնվել եւ ուսում­­ ստացել:
  •  Ծնած եմ Հալէպ, Սուրիա: Մանկապարտէզէս մինչեւ 12-րդ դասարան յաճախած եմ «Կիլիլեան» ճեմարան: Ուսմանս առումով բազմատեսակ մասնագիտութիւններ ընտրած եմ: Սկսած եմ տնտեսագիտութեան համալսարանով եւ աւարտած՝ հաղորդավարութեամբ: Թէեւ Սուրիոյ տնտեսագիտական համալսարանը ընդունուած եմ, բայց հայրենասիրական ոգին զիս մղեց «Համազգայինի Հալէպի Հայագիտական Հիմնարկ»։ Հայագիտական հիմնարկէն անցայ Հայաստանի Խաչատուր Աբովեանի անուան պետական մանկավարժական համալսարանի «Մանկավարժութիւն եւ հոգեբանութիւն» բաժինը, եւ բարձրագոյն կրթութիւնս ստացայ Երեւանի պետական համալսարանէն՝ աւարտելով լրագրութեան բաժինը:

Մէկ խօսքով, կտրած եմ ուսման բազմակողմակի ճանապարհ՝ անցնելով տնտեսագիտութենէն հայագիտութիւն եւ մանկավարժութենէն լրագրութիւն-հաղորդավարութիւն:

  • Ե՞րբ ես տեղափոխվել Հայաստան եւ ինչո՞ւ:
  • 2012-ին տեղափոխուեցայ Հայաստան։ Իսկ ինչո՞ւ տեղափոխուեցայ, այս հարցումը այն ատեն ալ շատ հարցուցին ինծի. շատեր կ’ըսէին. «խե՞նթ ես, ի՛նչ ես, երկու նախընտրած աշխատանքներդ ձգած՝ ու՞ր կ’երթաս»:  Եւ իրապէս երկու աշխատանքներս ալ շատ կը սիրէի, հայկական դպրոցի մէջ որպէս ուսուցչուհի, եւ ակումբի մէջ որպէս քարտուղարուհի (ակումբները հայ համայնքի մշակութային հարցերով զբաղուող մշակութային ու կուսակցական կեդրոններն են, «ի՞նչ կ’ըսեմ, ի՞նչ կ’ըսես» չըլլայ ): Երբ որոշեցի Հայաստան փոխադրուիլ, Սուրիոյ պատերազմը դեռ չէր սկսած: Իսկ ինչուին պատճառը հօրս տուած դաստիրակութեան կը վերագրեմ: Մանկութենէս անընդհատ լսած եմ, որ պէտք է Հայաստան փոխադուինք եւ հոն ապրինք, կը կարծեմ, որ այդ խօսքերն են, որ մղեցին զիս մտածելու Հայաստան տեղափոխուելու մասին։ Հակառակ որ վստահ էի, որ Հայաստան գալով շատ մը դժուարութիւններու պիտի հանդիպիմ: Եւ խոստովանիմ, որ իրապէս դժուար էր, մանաւանդ սկիզբի շրջանը։

 

  • Եթե դժվար էր,  ինչո՞ւ չվերադարձար։
  • Արդէն (ժպիտ) մէջս եղած հայրենասիրութեան կրնամ վերագրել (համեստօրէն) :

Իսկ եթէ աւելի լուրջ՝ չվերադարձայ, որովհետեւ ամբողջ մտքով ու սրտով որորշած էի հաստատուիլ Հայաստան: Հոս ամէն զիս տեսնողը կը հարցնէ«Կը սիրէ՞ք Հայաստանը, գո՞հ էք», ես ալ կ’ըսեմ «Գոհ ըլլլաս ու չըլլալս նշանակութիւն չունի: Կը սիրեմ Հայաստանը, ինչպէս որ կը սիրեմ տունս իր լաւ ու վատ կողմերով»։

  • Ուզու՞մ ես Հայաստանից մեկնել։ 
  • Հիմա արդէն չեմ ուզեր պատկերացնել կեանքս Հայաստանէն հեռու, քանի որ մէյ մը համտեսեցի այս երկրին ջերմութիւնը իր բոլոր չոր ու ցամաք կողմերով: Բայց ճիշդը եթէ ըսեմ, ինչքան ալ դժուար ըլլայ հոս կեանքը, փոխարէնը առկայ են շատ մը բարոյական արժէքներ, որոնք կը կարծեմ աշխարհի որեւէ անկիւն գոյութիւն չունին։

 

  • Արդեն ամիսներ շարունակ Հայաստանի Հանրային հեռուստատեությամբ եթեր է հեռարձակվում «Ի՞նչ Կ’ըսեմ, Ի՞նչ Կ’ըսես» հարղորդումը։ Ինչպե՞ս ծագեց գաղափարը։
  • Քանի որ ամէն վայրկեան ես ի՞նչ կ’ըսեմ ու ինչ կ’ըսեսներու մէջ էի: Հիմա է, որ ծիծաղով կը մօտենամ այս տարբերութիւններուն, բայց նոր եկած ժամանակս շատ կը նեղուէի. անընդհատ կը մտածէի, թէ ինչո՛ւ երկու հայեր դժուարաւ պիտի հասկնան զիրար, կամ սխալ հասկնան, կամ վիճաբանին, կամ նեղուին, կամ նեղուած հեռանան: Յամարօրէն կ’ուզէի պահել արեւմտահայերէն լեզուս ու մշակոյթս հայաստանեան միջավայրին մէջ: Օրինակի համար, երբ անեկդոտ կը պատմէի հայաստանցի նոր ընկերներուս՝ կը սպասէի որ խնդային, բայց փոխարէնը սառած դէմքեր կը տեսնէի. նոյնն ալ հակառակը, երբ իրենք պատմէին չհասկնալով ծիծաղին իմաստը, կը ձեւացնէի թէ հասկցեր եմ եւ պարզապէս կը ժպտէի: Բայց շատ կը նեղուէի ու ամէն անգամ կը սկսէի մեղադրել թուրքը, որ պատճառ դարձած է այս անհասկացողութիւններուն: Յետոյ սկսայ կամաց-կամաց հայաստանցիներուն պէս մտածել, «թեթեւ տանիլ» ամէն ինչ (ինչպէս որ սիրելի հայաստանցիները կ’ըսեն), եւ ուրախութիւն ու ծիծաղ տեսնել այս ամէնուն մէջ: Երբ դրական կողմէ սկսայ տեսնել այս ամէնը, ուզեցի բարձրաձայնել, եւ մէջտեղ եկաւ «ի՞նչ կ’ըսեմ, ի՞նչ կ’ըսես»-ը, որ դարձաւ կեանքիս ամենակարեւոր մասնիկներէն մէկը:

 

  • Ովքե՞ր են քո ծրագրի մասնակիցները, ինչպե՞ս ընդունվեց եւ ի՞նչ պայմաններով նկարեցիր:
  • Հեղինակային հաղորդումս է. ամբողջութեամբ իմ մտայղացումս եղած է: Նախ որպէս աւարտական աշխատանք նկարած եմ, յետոյ ալ հոս ու հոն ներկայացնելէ ետք,  համագործակցութեան որոշումի մը հասած եմ «Երկիր Մեդիա»-ին եւ «Գալուստ Կիւլպէնկեան»-ին հետ: Հաղորդումները հեռարձակուեցան առաջին ալիքի արբանեակայինով «Երկիր Մեդիա»-ի անուան տակ: Շատ դժուար էին պայմանները, նկարած եմ առանց գրողի (սցենարիստ), լրագրողի, կազմակերպողի, արտադրողի (պրոդյուսեր), եւ բեմադրիչի (ռեժիսոր): Ամէն ինչ միայն իմ պատասխանատութեանս տակ էր, չէք պատկերացներ ինչքան ծանր աշխատանք ստանձնած էի ուսերուս վրան, բայց հիմա արդէն կարօտցած եմ այդ օրերը:

 

  • -Այսինքն որեւէ մեկ հեռուստաընկերության հաղորդում չե՞նք կարող համարել:
  • Ոչ, ոչ, իմ հեղինակային հաղորդումս է, որ յամարօրէն՝ առանց յուսահատելու հասցուցի աւարտին: Չեմ կրնար անտեսել անշուշտ ոմանց մարդկային աջակցութիւնը, սկսած ընտանիքիս անդամներէն,ազգականներէս, ընկերուհիներէս, դերասանական խումբէն եւ նոյնիսկ անծանօթներէ, որոնք գնահատելով հաղորդման ուղղուածութիւնն ու նպատակը մինչեւ վերջ կեցան «Ի՞նչ Կ’ըսեմ, Ի՞նչ Կ’ըսես»-ի կողքին: Շատ մեծ էր անշուշտ հեռուստադիտողներուն ջերմ ու սիրալիր խօսքերուն ազդեցութիւնը։

 

  • Արեւմտահայերեն առաջին հաղորդումն է, որ նկարվել է Հայաստանում,  եթե չեմ սխալվում, դժվարությամբ ընդունեցին, թե՞…
  • Այո, համալսարանական օրերէս իսկ ամէն օր կը լսէի, որ սխալ մասնագիտութիւն ընտրած եմ։ Բոլորը կ’ըսէին, թէ արեւմտահայերէնով հաղորդում հայաստանեան ալիքները չեն նկարեր եւ չեն հեռարձակեր (մանաւանդ, երբ ծանօթ չունիս), ես ալ բոլորին կը պատասխանէի «ապրեցէք ու կը տեսնէք»: Ապրեցան ու տեսան: Երբեք պէտք չէ յոյսդ կորսնցնես, պէտք է վստահիլ Աստուծոյ, մնացածը արդէն ինքնըստինքեան կը լուծուի:

 

  • Քանի՞հաղորդում ես պատրաստել, եւ ի՞նչ ապագա է սպասվում այս ծրագրին։
  • 17 հաղորդում նկարած եմ, եւ քանի մը անգամ արդէն հեռարձակուած է: Հեռուստադիտողներուն ջերմ խօսքերն ու արձագանգները մեծապէս քաջալերեցին զիս մտածելու երրորդ եթերաշրջանի մասին: Հիմա այդ ուղղութեամբ կ’աշխատիմ։ Կ’ուզեմ կեանքի կոչել երրորդ եթերաշրջանը: Ձեւաչափը փոխած եմ. շատ հետաքրքրական ձեւաչափ մը մտածած եմ, եթէ կեանքի կոչուի, կը կարծեմ որ հեռուստադիտողները այս ձեւաչափն ալ պիտի հաւնին:

 

  • Այժմ  ինչպե՞ս պետք է լուծես ֆինանսական խնդիրը։
  • Արդէն հիմնական եւ միակ խնդիրը նիւթական խնդիրն է, կամ հեռուստաընկերութիւն մը պէտք է նկարէ, կամ՝ հովանաւորներու աջակցութեամբ պիտի իրականանայ: Յոյսով եմ, որ Աստուծոյ կամքով այս անգամ ալ կը լուծուի այս հարցը եւ մօտ օրէն կը սկսինք երրորդ եթերաշրջանի նկարահանումներուն:

 

  • Ինչպիսի՞արձագանքներ ես ստացել, ինչպիսի՞դրական ազդեցություն է ունեցել հաղորդումը հայաստանցի – սփյուռքահայ հարաբերությունների վրա։
  • Այս հաղորդման մասին մտածած առաջին իսկ օրէն մտավախութիւն ունէի, որ կրնար սխալ հասկցուիլ: Գիտէ՞ք նրբութիւն մը կայ՝ ես սփիւռքահայ եմ, եկեր եմ Հայաստան եւ տարբերութիւններու մասին կը խօսիմ: Կրնար ըլլալ որ մէկը ոտքի ելլէր եւ ըսէր. «Հայաստան եկեր ես եւ կը քննադատե՞ս, չե՞ս հաւնիր մեզ, կամ մեր սովորութիւնները», բայց քանի որ հաղորդման նպատակը բարի էր, եւ քննադատական միտումնաւորման նշոյլ անգամ չկար սրտիս մէջ՝ հեռուստադիտողը դրական ընդունեց: Իսկապէս շատ ուրախ եմ, ոչ թէ անձիս համար, ուրախ եմ, քանի որ հակառակ պարագային լարուածութիւն կրնար ստեղծուիլ երկու կողմերու միջեւ:

Օր մը փողոցէն անցորդ մը կեցուց զիս ու պատմեց, թէ ինչպէս սփիւռքահայու մը հետ իր ունեցած խնդիրը հարթած է հաղորդումս դիտելէն ետք: Այս է «ի՞նչ կ’ըսեմ, ի՞նչ կ’ըսես»-ին նպատակը եւ ուրախ եմ, որ կը ծառայէ իր նպատակին:

Մեր ճակատագիրը բաժներէ մեզ, տարբերութիւններ դրած է մեր միջեւ: Ինչո՞ւ չծանօթանանք այս տարբերութիւններուն, հարցը խուսաբելով կամ անտեսելով չի լուծուիր: Տարբեր չենք մենք, ունինք տարբերութիւններ, որոնք շատ անգամ կը խոչընդոտեն մեր համերաշխ ու միասնական ըլլալու նպատակը: Ուրեմն՝ խօսինք մեր տարբերութիւններուն մասին եւ տեղեկացուած ըլլալով դառնանք աւելի զօրաւոր ու միասնական:

ՕՐԵՐ

Լուսանկարը՝ Հ.Ասատրյանի


Առնչվող նյութեր
1. Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
2. Հայաստանում օրենքի առաջ բոլորի հավասարությունն արդեն իսկ հաստատված է.Նիկոլ Փաշինյան
3. Իշխան Թովմասյան. Մեկնելու եմ Հայաստան, այնտեղ շատ գործ կա անելու
4. Եվրոպայի ամենաերիտասարդ գործող նախարարը Հայաստանից է
5. Սփյուռքի նախարարը հանդիպել է Կիպրոսի Հանրապետության նախագահի արտերկրյա և հումանիտար հարցերով հանձնակատար Ֆոտիու Ֆոտիսի հետ
6. ՀԲԸՄ-ն խթանում է Հայաստանի և Սփյուռքի միջև նոր շփումները
7. Ռոբին Հայկ Գելիջի. Մենք ավելի շատ կարող ենք օգտակար լինել Նոր Հայաստանին
8. «Քայլ դեպի տուն» ծրագիր՝ օգոստոսի 10-24-ը կմասնակցեն 550 պատանիներ 26 երկրներից
9. «Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
10. Սփյուռքից դժգոհություններ են հայտնել Մանվել Գրիգորյանի ղեկավարած կառույցի հետ իրենց առնչությունների մասին. հայտնում է սփյուռքի նախարարությունը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: