ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
10 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սերգեյ Խաչատրյան.,,Ես միանում եմ ձեզ և ուղարկում իմ ուժն ու եռանդը»

21 ապրիլի, 2018 | 22:12

Աշխարհահռչակ ջութակահար Սերգեյ Խաչատրյանը իր ֆեյսբուքյան էջում  սատարել է արդարության պայքարի ելած ժողովրդին։ Նա մասնավորապես գրել է.

,,Նախ և առաջ ջերմորեն ողջունում եմ ձեզ, իմ ժողովուրդ։
Ուզում եմ խորհին շնորհակալություն հայտնել ձեզ բոլորիդ։ Դուք այս դժվար օրերին, չնայած բոլոր խոչընդոտներին, կայուն կանգնած եք և պաշտպանում եք ձեր իրավունքները երազելով մի նոր, պայծառ Հայաստանի մասին։
Ես հպարտանում եմ ձեզանով, տեսնելով թե ինչ ազատություն եք կրում ձեր սրտերում։ Խոնարվում եմ ձեր խիզախության, միասնականության և ձեր սիրո առջեւ դեպի հայրենիքը։ Շատ բարձր գնահատում եմ պ. Փաշինյանի կոչը՝ խաղաղ կերպով հասնել նպատակին։ Գիտեմ որ շատ դժվար է լինելու այդ գիծը տանել մինչև վերջ, բայց իմ սիրելի ժողովուրդ, ամեն օր հետևելով ձեր հավաքներին, ես հասկանում եմ, որ եթե ինչ որ մեկը կարող է փոխել իրականությունը, ուրեմն  դա անպայման դուք եք։
Ձեր ամենամեծ ուժը դա սերն է դեպի հայրենիքը և հավատը դեպի նոր ապագա։
Ցավոք սրտի, մեր ազգից շատ մարդիկ կորցրել են իրենց հավատն ու հույսը, միգուցե հասկանալի պատճառներով։ Ոմանք չեն հավատում, որ հնարավոր են փոփոխություններ մեր երկրում, ոմանք չեն հավատում հեղափոխությանը, ոմանք էլ չեն հավատում Նիկոլ Փաշինյանին։
Այդ բոլոր մարդկանց ես ուզում եմ ասել՜.
Ժողովուրդ ջան, եթե նույնիսկ չեք հավատում Նիկոլ Փաշինյանին, ապա անհնարին է որ չհավատաք ձեր հազարավոր երիտասարդներին։ Եվ ոչ միայն երիտասարդներին, այլ նայեւ՝ ձեր ժողովրդին, որոնք ամեն օր ձեր կողքով անցնելիս փորձում են համոզել, հույս տալ, նոր շունչ տալ փոփոխության համար։
Իրենց անկեղծության մեջ չի կարելի կասկածել։
Բազմիցս ասվել է, սա անձի պայքար չէ, սա մեր ազգի պայքարն է։
Չնայած ես ձեզանից ֆիզիկապես հեռու եմ, բայց իմ ուշքն ու միտքը դուք եք, ամեն օր ձեզ հետևում եմ։
Ես միանում եմ ձեզ և ուղարկում իմ ուժն ու եռանդը։
Մյուս համերգիս հայտարարելու եմ, որ իմ արվեստը նվիրում եմ իմ ժողովրդին, որոնք պայքարում են այսօր փողոցներում։
Դուք մեր հույսն եք։
Եվ թող ձեր և մեր բոլորիս երազանքը շուտ իրականանա։
Իմ համար դուք արդեն հաղթել եք ձեր էությամբ։

Սերգեյ Խաչատրյան և ընտանիք։


Առնչվող նյութեր
1. Հայաստանի ԱԺ արտահերթ ընտրությունների քվեարկությանը մասնակցել է ընտրողների 48.63 տոկոսը
2. Արտահերթ խորհրդարանական ընտրություններ Հայաստանում
3. Միքայել Զոլյան. Ոչ մեկին չի հաջողվել Հայաստանում բռնապետություն կառուցել
4. Թավշյա հեղափոխության ապագան. Ստեփան Գրիգորյանի բացառիկ հարցազրույցը ՕՐԵՐ-ին
5. «Լեռնային Ղարաբաղ. Կովկասի սև այգին» .Ֆրանսիական “GEO” ամսագրում լույս տեսավ Արցախին նվիրված հոդվածաշար
6. Հայաստանի դպրոցներում կներդրվի Աշխարհատեղեկատվական համակարգը
7. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
8. 52 տարի` օգտակար լինելու ցանկությամբ
9. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
10. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: