ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սա մեզ կանգնեցնելու խղճուկ փորձ է, բայց չենք ընկճվելու. ՀՔԾ պետը՝ հրապարակված ձայնագրության մասին

11 սեպտեմբերի, 2018 | 18:50

ՀՀ Հատուկ քննչական ծառայության պետ Սասուն Խաչատրյանը վստահ է՝ համացանցում իր և Ազգային անվտանգության ծառայության տնօրեն Արթուր Վանեցյանի գաղտնալսված հեռախոսազրույցի ձայնագրության հրապարակումն իրենց կանգնեցնելու խղճուկ փորձ է, որը չի հաջողվի: Ինչպես հաղորդում է «Արմենպրես»-ը, այս մասին Խաչատրյանն ասաց հրավիրված մամուլի ասուլիսի ժամանակ:

«Հրապարակվել է իմ և ԱԱԾ տնօրենի խոսակցությունը, որում քննարկել ենք Մարտի 1-ի գործի վերաբերյալ որոշ հարցեր: Վանեցյանը մտահոգություն ուներ այն հանգամանքի հետ կապված, թե արդյոք ճիշտ է, երբ անձն առանց ձերբակալվելու ներկայացվում է դատարան, և դատարանի կողմից պետք է քննության առնվի միջնորդությունն այն պայմաններում, երբ անձն ազատության մեջ է: Ես խոսել եմ ձերբակալման հիմքերի մասին, ներկայացրել եմ, թե ինչ պայմաններում է դա իրականացվում»,- նշեց ՀՔԾ պետը:

Խաչատրյանն, անդրադառնալով ՀԱՊԿ գլխավոր քարտուղար Յուրի Խաչատուրովին կալանավորելու մասին՝ Վանեցյանի հետ խոսակցությանը, հայտնեց, որ ինքը պարզապես տեղյակ է պահել ԱԱԾ պետին, որ արդեն միջնորդություն ներկայացվել է, և ինքն այդ մասին արդեն ասել է վարչապետին:

«Վարչապետը բազմիցս նշել է, որ երբևէ արգելք չի լինելու այս կամ այն անձի նկատմամբ կալանք կիրառելու համար, ինչը և կիրառվել է Խաչատուրովի դեպքում: Կարծիք եմ հայտնել, որ այս գործում կալանքի կիրառումը կարող է շատ արդյունավետ լինել»,- նկատեց նա:

Սասուն Խաչատրյանն ասաց, որ բառեր չի գտնում՝ մեկնաբանելու ձայնագրությունը հրապարակելու քայլը: «Սա խղճուկ փորձ է մեզ կանգնեցնելու, բայց հավատացած եղեք, չենք ընկճվելու, անելու ենք մեր գործը»,- հայտարարեց նա:

YouTube–ում հրապարակվել էր ձայնագրություն, որը վերագրվում էր Ազգային անվտանգության տնօրեն Արթուր Վանեցյանին և Հատուկ քննչական ծառայության պետ Սասուն Խաչատրյանին: Ձայնագրության մեջ խոսվում է Մարտի 1-ի գործի ու դրանում ՀՀ երկրորդ նախագահ Ռոբերտ Քոչարյանի, ՀԱՊԿ գլխավոր քարտուղար Յուրի Խաչատուրովի, պաշտպանության նախկին նախարարներ Միքայել Հարությունյանի, Սեյրան Օհանյանի ներգրավման, նրանց պատասխանատվության ենթարկելու անհրաժեշտության մասին: ԱԱԾ պետ Արթուր Վանեցյանը ասուլիսում հաստատեց, որ հեռախոսազրույցը տեղի է ունեցել իր և Խաչատրյանի միջև:


Առնչվող նյութեր
1. Ին՞չ եփել այսօր՝ քաղաքական կաթսայում. հայացք Երեւանից
2. Ինչպե՞ս ընտրել դատարանների անկախացման լավագույն մեխանիզմը. հանդիպում-քննարկում
3. ԻՆՍՏԻՏՈՒՑԻՈՆԱԼ ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆԸ (ՀՀՄ)
4. Արա Բաբլոյանը Հայաստանի նախագահի ու վարչապետի հետ քննարկել է ներքաղաքական վիճակը
5. Գերմանիայի կանցլեր Անգելա Մերկելի առաջին այցը Հայաստան
6. Հիմնադրվել է «Սասնա Ծռեր» կուսակցությունը
7. Միլան Շտյեխ. Չեխիան միշտ պատրաստ է երկխոսության մեջ լինել Հայաստանի հետ
8. Անընդունելին եւ ընդունելին՝ քարոզչական պատերազմին մէջ. Րաֆֆի Տուտագլեան
9. Խորհրդարանական արտահերթ ընտրություններից առաջ՝ սահմանադրական փոփոխություններ եւ անցումային արդարադատության մարմիններ. ասել է Ն. Փաշինյանը հանրահավաքում
10. Նազարէթ Սրմաքեշ. Նիկոլ Փաշինեանի խաղաղ յեղափոխութեան 100 օրուայ առիթով

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: