ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Սայաթնովյան Վարդատոնը՝ ժողովրդական սիրո և բարեկամության տոնահանդես

01 հունիսի, 2015 | 09:44

sayat nova georgia 2015Թբիլիսիի Սուրբ Գևորգ առաջնորդանիստ եկեղեցու հրապարակում կրկին սայաթնովյան Վարդատոն էր, 101-րդ Սայաթնովյան Վարդատոնը: Ամենայն Հայոց բանաստեղծ Հովհաննես Թումանյանի, նկարիչ Գևորգ Բաղինջաղյանի և բանաստեղծ Իոսեբ Գրիշաշվիլու նախաձեռնությամբ սկիզբ դրված սայաթնովյան «Վարդատոնը» Թբիլիսիի բնակչության սիրված և նվիրական տոներից մեկն է, որին մասնակցում է քաղաքի բազմազգ հասարակությունը և ամեն տարվա վերջին կիրակի օրը, չսպասելով հայտարարության ու հրավերքի, գալիս է՝ վարդերով զարդարելու մեծ սիրերգակի ու բանաստեղծի գերեզմանը, ով նվիրվելով իր սիրելի քաղաքի պաշտպանությանը, հանգչում է հայոց հինավուրց եկեղեցու բակում, գալիս է վերստին ըմբոշխնելու անմահ բանաստեղծ-երգչի խոհա-փիլիսոփայական, սիրային ու խրատական երգերի ու բանաստեղծությունների հմայքը:

Այդպես էր նաև այս անգամ. 2015 թվականի մայիսի 31-ին սայաթնովյան «Վարդատոնը» մեկնարկեց Թբիլիսիի Սուրբ Էջմիածին եկեղեցում կիրակնօրյա Սուրբ Պատարագով, որին ներկա էին Վրաստանում ՀՀ դեսպանության խորհրդական Կարեն Մելիքյանը, Տեր Տաճատ ավագ քահանա Դավիդյանը, հյուրեր, հավատացյալներ: Հավարտ Սբ. Պատարագի, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը հավուր պատշաճի քարոզի խոսք ասաց օրվա խորհրդի՝ Եղիա մարգարեի հիշատակության մասին,արժևորեց sayat nova erg2015 sayat nova churchառաջիկա՝ Սուրբ կույսեր Հռիփսիմեի, Գայանեի և Շողակաթի տոները:

Այնուհետև Թեմի առաջնորդը, հյուրերը և հավաքված հասարակությունը ուղղվեց դեպի Սուրբ Գևորգ առաջնորդանիստ եկեղեցու հրապարակ, միանալու Սայաթնովյան «Վարդատոնին» մասնակցելու նպատակով Վրաստանի և Հայաստանի Հանրապետության տարբեր շրջաններից ու քաղաքամայր Երևանից ժամանած հյուրերին, Վրաստանի իշխանության պաշտոնյաներին, հայ համայնքի ներկայացուցիչներին:

Վարդատոնն իրենց ներկայությամբ պատվել էին Թբիլիսիի Սակրեբուլոյի նախագահ Գիորգի Ալիբեգաշվիլին, Վրաստանի խորհրդարանի անդամ Ռուսլան Պողոսյանը, Վրաստանի հաշտեցման և իրավահավասարության հարցերով առաջին փոխնախարար Քեթևան Ցիխելաշվիլին, «Վրաստան» թերթի խմբագիր Վան Բայբուրթյանը, մայրաքաղաքի Կրծանիսի շրջանային վարչության նախագահ sayat nova tovmas poghosianԳիորգի Կոպալեիշվիլին, համայնքային այրեր:

Վարդատոնյան հանդեսի բեմահարթակում տեղեր էին զբաղեցրել բանաստեղծ-թարգմանիչ Գիվի Շահնազարը, ՀՀ գրողների միության քարտուղար Պետրոս Դեմիրճյանը, բանաստեղծ Գագիկ Դավթյանը, Վրաստանի գրողների միության քարտուղար Մաղվալա Գոնաշվիլին, Վրաստանի հայ գրողների «Վերնատուն» միության նախագահ Ժորա Սնխչյանը, Թբիլիսիի Պետրոս Ադամյանի անվան հայպետդրամայի թատրոնի գեղարվեստական ղեկավար Արմեն Բայանդուրյանը, Վրաստանի հայերի միության նախագահ Հենրիխ Մուրադյանը:

Ժողովրդական տոնական հանդիսությունը կազմակերպել էին Վիրահայոց թեմի «Հայարտուն» կենտրոնը, Վիրահայերի միությունը , Թբիլիսիի Պետրոս Ադամյանի անվան հայկական պետական դրամատիկական թատրոնը, Վրաստանի հայ գրողների «Վերնատուն» միությունը, Վրաստանի հայերի միությունը՝ աջակցությամբ Հայ Առաքելական Սուրբ Եկեղեցու Վիրահայոց թեմի, Վրաստանում ՀՀ դեսպանության, Թբիլիսիի քաղաքապետարանի և Հայաստանի Հանրապետության ու Վրաստանի մշակույթի նախարարությունների:

Միջոցառումը սկսվեց Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի օրհնությամբ և բարեմաղթանքով: Սրբազան Հայրը երախտիքի խոսքեր ուղղեց Վրաստանի և քաղաքամայր Թբիլիսիի իշխանություններին, ում աջակցությամբ Սայաթնովյան Վարդատոնը դարձել է իսկական ժողովրդական այնպիսի տոնահանդես, որը հարիր է բազմազգ ու բազմակրոն այս քաղաքին: Թբիլիսիի Սակրեբուլոյի նախագահ Գիորգի Ալիբեգաշվիլին, խոսելով Սայաթ-Նովա հանճարի մասին, կարևորեց մշակույթների, լեզուների ու դավանանքի այն բազմազանությունը, որը զարգանում է այս երկրում, դառնալով միասնության, բարեկամության և հանդուրժողականության անփոխարինելի գանձ: Նա կարևորեց այն կամուրջները, որ կառուցվում են սիրո, փոխադարձ հարգանքի և բազմազանության ամրակուռ հենքի վրա:

Ողջույնի և շնորհավորանքի խոսքով ելույթ ունեցան հայ և վրացի գրողներ, բանաստեղծներ, համայնքային առաջնորդներ, ովքեր մեծարեցին այն ժողովրդին, ով աշխարհին տվել է Սայաթ-Նովա աշուղին, արժևորեցին այն քաղաքը, որտեղ ապրել և ստեղծագործել է Սայաթ-Նովա հանճարը, խոնարհվեցին այն տոնահանդեսին, որը արդեն 101 տարի շարունակ աշխարհին հիշեցնում է 300-ամյա ու միշտ արդիական Սայաթ-Նովային:

Տոնահանդեսի համերգային մասը բացեց ավանդաբար «Վարդատոնին» մասնակցող Հայաստանի Հանրապետության Հանրային ռադիոյի աշուղական երգի Սայաթ-Նովա պետական վաստակավոր համույթը, պրոֆեսոր Թովմաս Պողոսյանի ղեկավարությամբ: Կրկին սերն ու բարեկամությունն էր իշխում Թբիլիսիի հինավուրց Մեյդանում, կրկին սայաթնովյան երգն ու տաղն էր տարածվում հայերեն և վրացերեն՝ «Հայարտուն» կենտրոնի անհատ կատարող Իռեն Ավակյանի, Աննա Պողոսովայի, Նինա Կարապետյանի, «Տարոն» պարային համույթի, դուդուկահարների և դհոլահարների խմբերի, «Քսովրելեբի» համույթի, երգիչներ Հենրիխ Պետրոսյանի, Սոփո Խանչալյանի, Գևորգ Պետրոսյանի, Մայիս Հունանյանցի, «Անի», «Վանք», «Ջեյրան» պարային խմբերի, Պետրոս Ադամյանի անվան հայպետդրամայի թատրոնի դերասաններ Սամվել Էլբակյանի, Ռոբերտ Աղաջանյանի, Ռոբերտ Հովհաննիսյանի, Հայաստանի և Վրաստանի տարբեր վայրերից ժամանած Սայաթ-Նովայի բառ ու բանը ասմունքողների, անմահ աշուղի տաղերը կատարողների կողմից:

Վերջում, «Վարդատոն-2015»-ը ամփոփեց Վիրահայոց թեմի մշակույթի բաժնի տնօրեն, «Հայարտուն» կենտրոնի ղեկավար Լևոն Չիդիլյանը բազում տարիներ այն պահելու և սերունդներին փոխանցելու պատգամով:

Ուրախ երգ ու պարով, գեղեցիկ ասմունքով «Վարդատոն-2015»-ը դարձավ ժողովրդական մեծ տոն, որի ուղենիշը միասնության, սիրո և բարեկամության գովերգումն էր:

Հայարտուն

Վիրահայոց թեմ


Առնչվող նյութեր
1. Հայաստանի և Վրաստանի վարչապետների հանդիպում. առևտրաշրջանառությունը հասցնել 1 մլրդ ԱՄՆ դոլարի մակարդակի
2. Ինչքանո՞վ են ՀՀ նոր իշխանությունները գիտակցում Ջավախքի ռազմավարական նշանակությունը
3. Մենք վճռական ենք հայ-վրացական դարավոր եղբայրական հարաբերությունները բոլորովին նոր մակարդակի բարձրացնելու. Նիկոլ Փաշինյան
4. Նիկոլ Փաշինյանը և Գիորգի Կվիրիկաշվիլին հանդես են եկել ԶԼՄ ներկայացուցիչների համար հայտարարությամբ
5. Թբիլիսիում բացվել է Հայաստանի Առաջին Հանրապետության 100-ամյակին նվիրված հուշատախտակ և տեղի ունեցել պաշտոնական ընդունելություն
6. Նախագահ Սարգսյանը հանդիպել է վիրահայ համայնքի ներկայացուցիչների հետ
7. Հայաստանի նախագահը մասնակցել է Վրաստանում կազմակերպված բարձր մակարդակի քննարկմանը
8. Վրաստանի Առաջին Ժողովրդավարական Հանրապետության 100-ամյակին նվիրված հանդիսավոր արարողություն Թբիլիսիում
9. Արմեն Սարգսյանը հանդիպել է Վրաստանի նախագահին եւ վարչապետին
10. Սերժ Սարգսյան. Հայերի համար Վրաստանն առանձնահատուկ գրավչություն ունի

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: