ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռուսաստանի մէջ օրակարգի նիւթ դարձած է Մոսկուայի 1921ի դաշնագիրը յետս կոչելու հարցը

10 փետրվարի, 2016 | 08:36

Այս դաշնագրով Կարսն ու Արտահանը, ներառեալ՝ Արարատը յանձնուած էին Թուրքիոյ

Ռուսական «Իզվեստիա» թերթը կը գրէ, թէ 1921ին Թուրքիոյ եւ Ռուսաստանի միջեւ կնքուած Մոսկուայի բարեկամութեան եւ եղբայրութեան դաշնագիրը յետս կոչելու տրամադրութիւններ կը տիրեն:

Արդարեւ, Համայնավար կուսակցութենէն երկու երեսփոխան՝ Վալերի Ռաշքին եւ Սերկէյ Օպուհով նախագահ Փութինին եւ Արտաքին գործոց նախարար Լաւրովին նամակ յղելով այդ դաշնագրին ջնջումը պահանջած են:

Անոնցմէ Օպուհով, «Իզվեստիա»յին յայտնած է, թէ «Այս շրջանին երբ Ռուսաստանի նկատմամբ՝ Russian-State-Duma յարձակողական կեցուածքը կը շեշտուի, հարկ է վերատեսութեան ենթարկել ռուս-թրքական այն բոլոր դաշնագրերը, որոնք նպաստաւոր չեն Ռուսաստանին»:

Ըստ «Իզվեստիա»յի, համայնավար երեսփոխաններուն այս նախաձեռնութիւնը զօրակցութիւնը կը վայելէ նաեւ «Արդար Ռուսաստան» կուսակցութեան: Վերջինիս երեսփոխաններէն Օլեկ Փահոլքով ալ յայտարարած է, թէ Մոսկուայի դաշնագիրը խոտոր կը համեմատի Ռուսաստանի շահերուն:

Լրատւութեան մէջ կ՚ըսուի նաեւ, թէ հակառակ անոր, որ այդ դաշնագրով կը ճշդուէր Ազէրպայճանի, Հայաստանի եւ Վրաստանի հետ Թուրքիոյ հիւսիս-արեւելեան սահմանը, նշեալ երկիրները մաս չեն կազմած դաշնագրին:

Այս դաշնագրով Կարսը եւ Արտահանը, ներառեալ՝ Արարատը, յանձնուած էին Թուրքիոյ, իսկ Պաթումը՝ Վրաստանին:

Ըստ քաղաքագէտ Ստեփան Սաֆարեանի, պէտք չէ լուրջի առնել նման նախաձեռնութիւններ եւ մանաւանդ պէտք չէ միջամուխ ըլլալ ռուս-թրքական տագնապին: Ըստ Սաֆարեանի, եթէ Ռուսաստան իսկապէս ուզէր Թուրքիոյ վնաս հասցնել Հայկական հարցին շահարկումով՝ նախ եւ առաջ պատժելի դարձուցած կ՚ըլլար Հայոց ցեղասպանութիւնը: Քաղաքագէտին կարծիքով, Հայաստան բնաւ պէտք չէ ոգեւորուի ռուս-թրքական տագնապով, ոչ ալ ռուս խորհրդարանականներու զգացական քայլերով, որոնց նպատակը ոչ մէկ ձեւով Հայոց շահերը պաշտպանելն է:

Միւս կողմէ, «168 Ժամ» թերթը կը տեղեկացնէ, թէ համայնավար երեսփոխաններու այս նախաձեռնութենէն անմիջապէս ետք ռուսական լրասփիւռները հաղորդեցին, թէ նախագահ Փութինի հրահանգով՝ անակնկալ ստուգումներ տեղի պիտի ունենան երկրին հարաւային բոլոր զօրամասերուն, ինչպէս նաեւ Գիւմրիի թիւ 102 ռուսական ռազմակայանին մէջ, որոնք ահազանգային վիճակի մէջ են: Ըստ Ռուսաստանի Պաշտպանութեան նախարարութեան, հետապնդուած նպատակն է ստուգել երկրին հարաւային շրջաններու ռուսական օդային պաշտպանութեան համակարգին պատրաստութիւնը:

«Հայկական Ժամանակ» ալ կը գրէ, թէ ամենայն հաւանականութեամբ այսուհետեւ Մոսկուա մօտէն պիտի հետեւի Հայաստանի օդային տարածքին՝ թրքական օդուժին կողմէ բռնաբարումի պարագաներուն, ինչպէս պատահած էր արդէն 2015 Հոկտեմբեր 6ին եւ 7ին: Թերթը կը գրէ, թէ ռուսական բանակի այս ստուգումները պէտք է դիտել որպէս ապագայ զարգացումներու նախապատրաստութիւն։

՚Նոր Յառաջ ՚ Փետրուար 11ի թիւին


Առնչվող նյութեր
1. Ին՞չ եփել այսօր՝ քաղաքական կաթսայում. հայացք Երեւանից
2. Սա մեզ կանգնեցնելու խղճուկ փորձ է, բայց չենք ընկճվելու. ՀՔԾ պետը՝ հրապարակված ձայնագրության մասին
3. ԻՆՍՏԻՏՈՒՑԻՈՆԱԼ ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆԸ (ՀՀՄ)
4. Արա Բաբլոյանը Հայաստանի նախագահի ու վարչապետի հետ քննարկել է ներքաղաքական վիճակը
5. Գերմանիայի կանցլեր Անգելա Մերկելի առաջին այցը Հայաստան
6. Հիմնադրվել է «Սասնա Ծռեր» կուսակցությունը
7. Միլան Շտյեխ. Չեխիան միշտ պատրաստ է երկխոսության մեջ լինել Հայաստանի հետ
8. Անընդունելին եւ ընդունելին՝ քարոզչական պատերազմին մէջ. Րաֆֆի Տուտագլեան
9. Խորհրդարանական արտահերթ ընտրություններից առաջ՝ սահմանադրական փոփոխություններ եւ անցումային արդարադատության մարմիններ. ասել է Ն. Փաշինյանը հանրահավաքում
10. Նազարէթ Սրմաքեշ. Նիկոլ Փաշինեանի խաղաղ յեղափոխութեան 100 օրուայ առիթով

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: