ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռուսաստանը չի դավաճանի Աբխազիային և Հարավային Օսիային

25 փետրվարի, 2013 | 15:36

ՄՈՍԿՎԱ. – Ռուսաստանի արտգործնախարար Սերգեյ Լավրովն այսօր հայտարարել է, որ Մոսկվան պատրաստ է համագործակցել Թբիլիսիի հետ, սակայն ոչ «Աբխազիային ու Հարավային Օսիային դավաճանելու «հաշվին»», հաղորդում է Թերթ. amը:

 «Էներգետիկայի և այլ ոլորտներում մեր ընկերություններն առաջվա պես շարունակում են համագործակցել: Եթե կա մարդասիրական կապերն ու օդային հաղորդակցությունը զարգացնելու հետաքրքրություն, ապա մենք պատրաստ ենք զարգացնել համագործակցությունն այդ ոլորտներում, սակայն ոչ Հարավային Օսիայի և Աբխազիայի մեր եղբայրներին դավաճանելու գնով»,-Ռուսաստանի Դիվանագիտական ակադեմիայի պրոֆեսորադասախոսական կազմի և ուսանողների հետ հանդիպմանն ասել է  Լավրովը:

Ռուսաստանի արտգործնախարը մեկ անգամ չէ, որ նման հայտարարությամբ է հանդես գալիս. անցած տարվա հոկտեմբերին նա ասել էր, թե Մոսկվան շարունակելու է հարգել  Աբխազիայի և Հարավային Օսիայի անկախությունը՝ Թբիլիսիին խորհուրդ տալով կարգավորել հարաբերությունները Սուխումի և Ցխինվալի հետ:

Աղբյուրը հիշեցնում է, որ 2008 թ. վրաց–ռուսական պատերազմից հետո (պատերազմի արդյունքում Վրաստանն ընդհանրապես կորցրեց վերահսկողությունն ինչպես Հարավային Օսիայի, այնպես էլ Աբխազիայի նկատմամբ) Ռուսաստանը ճանաչեց Հարավային Օսիայի և Աբխազիայի անկախությունը։ Ռուսաստանի այդ քայլին ի պատասխան՝ պաշտոնական Թբիլիսին խզեց դիվանագիտական հարաբերությունները Մոսկվայի հետ։

Մոսկվան և Թբիլիսին ներկայում որոշակի քայլեր են անում՝ ռուս-վրացական դիվանագիտական հարաբերությունները վերականգնելու    ուղղությամբ:  Վրաստանի նորընտիր վարչապետ Բիձինա Իվանիշվիլին ռուս-վրացական հարաբերությունները կարգավորելու նպատակով նույնիսկ հատուկ հաստիք ստեղծեց կառավարությունում՝ Ռուսաստանի հետ հարաբերությունների կարգավորման հարցով Վրաստանի վարչապետի հատուկ ներկայացուցիչ: Իսկ ավելի ուշ հայտարարել էր, թե իրենք պատրաստ են վերականգնել երկաթուղային հաղորդակցությունը Ռուսաստանի հետ՝ Աբխազիայի տարածքով:

Անցած տարվա դեկտեմբերին Ժնևում (Շվեյցարիա) կայացավ Ռուսաստանի փոխարտգործնախարար Գրգիորի  Կարասինի և Ռուսաստանի հետ հարաբերությունների կարգավորման հարցով Վրաստանի վարչապետի հատուկ ներկայացուցիչ Զուրաբ Աբաշիձեի հանդիպումը: Օրակարգում՝ վրաց-ռուսական հարաբերությունների կարգավորումն էր:

Հանդիպումն ավարտվել էր առանց որևէ էական արդյունքի. երկրորդը նախանշված է 2013թ. մարտին՝  Պրահայում (Չեխիա):

 

Orer.eu

 

 


Առնչվող նյութեր
1. Հայերն Աբխազիայում
2. Մոսկվա-Բաքու հերթական պայմանավորվածություններ
3. Ռուսաստանի ու Բելգիայի արտգործնախարարները քննարկել են նաև Ղարաբաղի խնդիրը

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: