ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 հունվարի, 2019
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռումինիա. Գեռլան եւ Իջևանը կդառնան քույր քաղաքներ, Կլուժ նահանգն ու Արմավիրի մարզը կհամագործակցեն

14 փետրվարի, 2018 | 20:07

Փետրվարի 8-ից 10-ը Ռումինիայում ՀՀ դեսպան Սերգեյ Մինասյանն այցելեց Ռումինիայի Կլուժ նահանգի Կլուժ-Նապոկա և Գեռլա (նախկինում՝ Արմենոպոլիս) քաղաքներ, որտեղ ունեցավ մի շարք հանդիպումներ և մասնակցեց տարբեր միջոցառումների:

Փետրվարի 8-ին Կլուժ-Նապոկայի արվեստի թանգարանում տեղի ունեցավ Ռումինիայի Հայոց միության տեղական մասնաճյուղի երկարամյա ու անխոնջ նվիրյալ Միրչա Տիվադարի մեծարման ու պարգևատրման արարողությունը, որին մասնակցում էին ՌՀՄ նախագահ Վարուժան Ոսկանյանը, Կլուժի նահանգային խորհրդի փոխնախագահ Իշտվան Վակարը, ՌՀՄ տեղական մասնաճյուղի նախագահ Կարեն Շեբեշին, Կլուժ-Նապոկա քաղաքի Բաբեշ-Բոյայի համալսարանի Հայագիտության ինստիտուտի տնօրեն, դոկտ. պրոֆ. Լուչիան Նաստասե-Կովաչը, համայնքի և տեղական ԶԼՄ-ների ներկայացուցիչներ:

Նույն օրը դեսպան Մինասյանը Կլուժի փոխնահանգապետ Իշտվան Վակարի հետ այցելեց Կլուժ նահանգի Արվեստի դպրոցում բացված Հայաստանի մասին պատմող լուսանկարների ցուցահանդես:

Փետրվարի 9-ին դեսպան Մինասյանը հանդիպում ունեցավ Բաբեշ-Բոյայի համալսարանի ռեկտոր, ակադեմիկոս, պրոֆ. Իոան-Աուրել Պոպի հետ` քննարկելով համալսարանի Հայագիտության ինստիտուտի գործունեության ակտիվացման, այնտեղ հայոց լեզվի և պատմության դասընթացների կազմակերպման, ԵՊՀ հետ համագործակցության աշխուժացման հնարավորությունները: Զրուցակցին ողջույններ փոխանցելով ԵՊՀ ռեկտորի անունից՝ դեսպան Մինասյանը ռեկտոր Պոպին հրավիրեց հաջորդ տարվա մայիսին այցելել Հայաստան` ԵՊՀ 100-ամյակին նվիրված միջոցառումներին մասնակցելու նպատակով:

Կլուժի նահանգային խորհրդում ՀՀ դեսպանը հանդիպում ունեցավ փոխնահանգապետ Իշտվան Վակարի հետ` քննարկելով Ռումինիայի Կլուժ նահանգի և Հայաստանի Արմավիրի մարզի միջև համագործակցության խորացման, տնտեսական ոլորտում ծրագրերի իրականացման հնարավորությունները, այդ թվում տեղեկատվական տեխնոլոգիաների բնագավառում:

Նույն օրը ՀՀ դեսպանը հանդիպումներ ունեցավ տեղական ռադիո-հեռուստաընկերությունների ղեկավարների, ԶԼՄ-ների ներկայացուցիչների հետ` քննարկելով հայաստանյան լրատվամիջոցների հետ համագործակցության հնարավոր ասպեկտները: ՀՀ դեսպանը TVR հեռուստաալիքին տվեց ընդարձակ հարցազրույց, որը եթեր կհեռարձակվի օրերս: ՀՀ դեսպանն այցելեց նաև Տրանսիլվանիայի Ազգագրական թանգարան, որտեղ ավանդաբար կազմակերպվում են հայկական երեկոներ, ցուցահանդեսներ, տարբեր միջոցառումներ և զրույց ունեցավ թանգարանի տնօրեն Թուդոր Սալաջեանի հետ:

Փետրվարի 10-ին դեսպան Մինասյանն այցելեց Գեռլա քաղաք, որտեղ հանդիպեց տեղի հայ կաթոլիկ համայնքի ներկայացուցիչներին, եղավ Սուրբ Երրորդության հայ կաթողիկե տաճարում (1776թ.), որը համարվում է աշխարհում ամենամեծ հայ կաթոլիկ տաճարը:

Գեռլայում Հայաստանի դեսպանը հանդիպում ունեցավ քաղաքապետ Իոան Նեսելեանի հետ` քննարկելով Գեռլա և Հայաստանի Իջևան քույր-քաղաքների միջև հետագա համագործակցության ծավալման հնարավորությունները:

orer.eu


Առնչվող նյութեր
1. Եվրոպայի հնագույն հայոց գաղութում արդեն 1000 տարի ղողանջում են հայկական եկեղեցիների զանգերը
2. Սպիտակի երկրաշարժի 30-րդ տարելիցին նվիրված միջոցառում Բուխարեստում
3. Ռումինական բանակի հայազգի գեներալ Հակոբ Զատիկի հիշատակի արարողություն
4. Դեսպան Մինասյանի հանդիպումը Ռումինիայի Ազգային Պաշտպանության նախարարությունում
5. Դեսպան Սերգեյ Մինասյանը մասնակցեց «Eastern Partnership Think Tank Forum»-ին
6. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
7. Ռումինիայում նշվեց Կոնստանցայի Ս. Աստվածածին եկեղեցու ուխտի օրը
8. Բուրգասում բացվեց Վազգեն Վեհափառի անվան թանգարանը
9. Բոտոշան. Հայաստանին ու Ռումինիային նվիրված ցուցահանդես
10. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը

Մեկնաբանություն

Վերջին լուրեր
1.ԱՆԹԻԼԻԱՍԻ ՄԷՋ ԽՈՐՀՐԴԱԿՑԱԿԱՆ ՆԻՍՏԵՐ՝ ՀԱՅ ՄԱՄՈՒԼԻ ՏԱՐԻ ՀՌՉԱԿՈՒՄԻՆ ԱՌԻԹՈՎ
2.«Սրընթաց հեղափոխությունները տեղի են ունենալու նաև մեր ամենօրյա կյանքում». Նախագահ Արմեն Սարգսյան
3.Լենա Նազարյանը, Ալեն Սիմոնյանը եւ Վահե Էնֆիաջյանն ընտրվել են ՀՀ ԱԺ նախագահի տեղակալներ
4.Դեսպան Վարուժան Ներսեսյանն իր հավատարմագրերը հանձնեց ԱՄՆ նախագահին
5.Սահակ Սարգսյանը Սևծովյան տնտեսական համագործակցության կազմակերպությունում ՀՀ մշտական ներկայացուցիչ
6.Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
7.Արարատ Միրզոյանը միաձայն ընտրվեց 7-րդ գումարման ԱԺ նախագահ
8.Մեկնարկել է ՀՀ ԱԺ յոթերորդ գումարման առաջին նստաշրջանի աշխատանքը
9.Մեր ժողովուրդը մեծ սպասումներ ու ակնկալություններ ունի բարեփոխումների. Գարեգին Բ Ամենայն Հայոց կաթողիկոս
10.«Եղե՛ք ընդդիմախոսներ, բայց երբեք հակառակորդներ: Թիրախավորե՛ք խնդիրները, այլ ոչ թե անձերին»:- Հանրապետության նախագահ Արմեն Սարգսյանի ելույթը 7-րդ գումարման Ազգային ժողովի առաջին նիստում
Դիտել բոլորը
© ORER.CZ 2003-2012, ORER.EU 2012-2019
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: