ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 հունվարի, 2019
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռումինիայում նշվեց Կոնստանցայի Ս. Աստվածածին եկեղեցու ուխտի օրը

22 հոկտեմբերի, 2018 | 09:00

Հոկտեմբերի 21-ին մեծ շուքով նշվեց Կոնստանցայի Ս. Աստվածածին եկեղեցու ուխտի օրը: Այդ առիթով ծուխի հոգևոր հովիվ արժ. Տ. Օշական քահանա Խաչատչյանի և տեղի ծխական խորհրդի հրավերով շուրջ 200 ուխտավորներ էին ժամանել Ռումանիոյ հայոց թեմի մի շարք ծուխերից ու համայնքներից, ինչպես նաև Բուլղարիայի Շումեն քաղաքից:

Առավոտյան ձեռամբ Ռումանիոյ հայոց թեմի առաջնորդ գերշ. Տ. Տաթև եպս. Հակոբյանի մատուցվեց Ս. Պատարագ, հավարտ որի, ծուխի արժանավոր զավակներից մեկը, հայտնի թատերագետ և մշակութային գործիչ Անահիտ Տավիտյանն արժանացավ Առաջնորդական օրհնության գրի և գնահատանքի, որում մասնավորապես ասված է. ,,Անահիդ Տավիտիանն այն անձնվեր հայորդիներից է, ով մշտապես և ամենուր բարձր է պահում հայի անունն ու պատիվը` հպարտության զգացողություններ ծնելով մեզանից յուրաքանչյուրի հոգում:

Անուրանալի և անգնահատելի է այն վաստակը, որ 30 և ավելի տարիներ շարունակ ունեք Կոնստանցա քաղաքի թատրոնի և, ընդհանրապես, մշակույթի և արվեստի զարգացման գործում: Ձեր անմնացորդ նվիրումը, պրոֆեսիոնալիզմը և կատարելության հասնող պատասխանատու վերաբերմունքն իր պտուղներն է տվել և շարունակում է տալ` զարգացնելով ու աշխուժացնելով տեղի մշակութային կյանքը: Դուք արժանի հետնորդն եք նշանավոր Տավիտիան ընտանիքի` շարունակելով Ձեր նախնիների հայրենանվեր ու ազգանվեր գործը: Ուրախ ենք, որ չնայած Ձեր բազմազբաղ լինելուն, կյանքի և ընտրած ասպարեզի պարտադրած պարտականություններին, գործուն մասնակցություն եք բերում նաև Կոնստանցայի հայ եկեղեցու և հայ համայնքի հավաքական կյանքից ներս ընթացող իրադարձություններին՝ Ձեր կնիքը դրոշմելով ազգային և եկեղեցական ասպարեզի մեջ’’:

Պատարագի ավարտից հետո եկեղեցու ընդարձակ պարտեզում կատարվեց մատաղօրհնություն և Սրբազանն իր օրհնությունը բաշխեց մատաղը պատրաստողներին, ներկա հավատավոր բազմությանը՝ քաջալերելով ու ոգեշնչելով բոլորին իրենց հետագա ծրագրերի իրականացման ճանապարհին՝ կարևորելով յուրաքանչյուր անհատի առաքելությունն ու նվիրական աշխատանքն իր կյանքի ընթացքում:

Պահպանելով հարյուրակներ ի վեր եղող ավանդությունը, այսօր էլ մատաղի պատրաստության ողջ գործընթացը Կոնստանցայում կազմակերպվում ու կատարվում է եկեղեցու պարտեզում, տեղի հայ համայնքի արժանավոր հայորդիների ձեռամբ: Օրհնությունից հետո մատաղը բաժանվեց ներկա ուխտավորներին:

Այնուհետև հյուրերը և բոլոր ներկաները շարժվեցին Իբիս հյուրանոցային համալիր, որի ընդարձակ ,,Պրեստիժ’’ սրահում Տաթև Սրբազանի օրհնությամբ, Տ. Օշականի ջանքերով և Ռումինահայոց միության Կոնստանցայի մասնաճյուղի հովանավորությամբ կազմակերպվել էր լուսանկարների ցուցահանդես` նվիրաված տեղի հայ համայնքի եկեղեցական ու մշակութային ակտիվ կյանքին 1930-ականներից մինչև 1990-ական թթ.: Ցուցահանդեսը բաղկացած էր չորս ցուցադրություններից` ,,Կոնստանցայի հայկական դպրոցը’’, ,,Կոնստանցայի հայ համայնքի մշակութային ու թատերական կյանքը’’, ,,Դրվագներ Կոնստանցայի հայ համայնքի կյանքից’’ և ,,Կոնստանցայի Ս. Աստվածածին եկեղեցու մատաղօրհնության և ուխտի օր,,: Բոլոր լուսանկարները Տ. Օշականի նախաձեռնությամբ տրամադրվել էին հենց տեղի հայ համայնքի ներկայացուցիչների կողմից, իրենց ընտանեկան արխիվներից, ինչի արդյունքում փաստորեն ի մի էր բերվել 20-րդ դարի Կոնստանցայի հայ համայնքի ակտիվ կյանքի բոլոր դրվագները` թատրոն, պարախումբ, երգարվեստ, հայկական դպրոց, մատաղօրհնություն և այլն:

Տոնական օրվան նվիրված բոլոր միջոցառումները լուսաբանելու էին եկել Ռումինիայի Հանրային հեռուստաընկերությունը Բուխարեստից, ինչպես նաև տեղական մամուլի ու ռադիոյի ներկայացուցիչները:

Ցուցահանդեսից հետո տոնական տրամադրությունը շարունակվեց միևնույն սրահին կից, ուր Ռումինահայոց միության Կոնստանցայի մասնաճյուղի կողմից պատրաստվել էր ճաշկերույթ և սիրո ճաշ:

 

Ռումանիոյ հայոց թեմի մամլո դիվան


Առնչվող նյութեր
1. Եվրոպայի հնագույն հայոց գաղութում արդեն 1000 տարի ղողանջում են հայկական եկեղեցիների զանգերը
2. Սպիտակի երկրաշարժի 30-րդ տարելիցին նվիրված միջոցառում Բուխարեստում
3. Ռումինական բանակի հայազգի գեներալ Հակոբ Զատիկի հիշատակի արարողություն
4. Դեսպան Մինասյանի հանդիպումը Ռումինիայի Ազգային Պաշտպանության նախարարությունում
5. Դեսպան Սերգեյ Մինասյանը մասնակցեց «Eastern Partnership Think Tank Forum»-ին
6. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
7. Բուրգասում բացվեց Վազգեն Վեհափառի անվան թանգարանը
8. Բոտոշան. Հայաստանին ու Ռումինիային նվիրված ցուցահանդես
9. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը
10. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում

Մեկնաբանություն

Վերջին լուրեր
1.Թուրքիան ցեղասպանության իրականացման հավանականությամբ երկրների տասնյակում է
2.ՅԱՆ ԳԻԼԱՆԸ ՇԱՐՈՒՆԱԿՈՒՄ Է ԱՋԱԿՑԵԼ ԳՅՈՒՄՐԻԻ ԵՐԱԺՇՏԱԿԱՆ ԴՊՐՈՑԻՆ
3.Հայերը, հայկական բիզնեսն աշխարհում ամենուր են, ինչի շնորհիվ համագործակցության ներուժը անհամեմատ մեծանում է
4.Չեխ ուսանող Յան Պալախի ողբերգական մահվան 50-րդ տարելիցը
5.ԱՆԹԻԼԻԱՍԻ ՄԷՋ ԽՈՐՀՐԴԱԿՑԱԿԱՆ ՆԻՍՏԵՐ՝ ՀԱՅ ՄԱՄՈՒԼԻ ՏԱՐԻ ՀՌՉԱԿՈՒՄԻՆ ԱՌԻԹՈՎ
6.«Սրընթաց հեղափոխությունները տեղի են ունենալու նաև մեր ամենօրյա կյանքում». Նախագահ Արմեն Սարգսյան
7.Լենա Նազարյանը, Ալեն Սիմոնյանը եւ Վահե Էնֆիաջյանն ընտրվել են ՀՀ ԱԺ նախագահի տեղակալներ
8.Դեսպան Վարուժան Ներսեսյանն իր հավատարմագրերը հանձնեց ԱՄՆ նախագահին
9.Սահակ Սարգսյանը Սևծովյան տնտեսական համագործակցության կազմակերպությունում ՀՀ մշտական ներկայացուցիչ
10.Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
Դիտել բոլորը
© ORER.CZ 2003-2012, ORER.EU 2012-2019
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: