ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռազմիկ Փանոսյանը սփյուռքի նախարարի հետ քննարկել է հայոց լեզվի ուսուցման հարցերը

07 հուլիսի, 2015 | 17:41

 razmik panosian hranush hakobianՀուլիսի 7-ին ՀՀ սփյուռքի նախարար Հրանուշ Հակոբյանն ընդունեց Գալուստ Գյուլբենկյան հիմնադրամի հայ համայնքների բաժանմունքի տնօրեն Ռազմիկ Փանոսյանին:

Զրույցի ընթացքում նախարարը հյուրին տեղեկացրեց վերջերս Ֆրանսիայի Ալֆորվիլ քաղաքում բացված հայկական վարժարանի մասին, որին ներկա էին Հայաստանի և Ֆրանսիայի վարչապետեր Հովիկ Աբրահամյանը  և Մանյուել Վալսը,  Ֆրանսիայի ԱԺ նախագահ Կլոդ Բարտոլոնը, խորհրդարանի պատգամավորներ, նախարարներ Հայաստանից, երկու երկրների դեսպանները, Ալֆորվիլի քաղաքապետը, ֆրանսահայ համայնքի ներկայացուցիչներ, սրբազան հայրեր:

Ռազմիկ Փանոսյանը, կարևորելով Սփյուռքում նոր դպրոցների ստեղծումը, նշեց, որ մեծապես հետաքրքրված է հայ մանուկների և երիտասարդների կրթության հարցերով և այդ նպատակով մասնակցել է Երևանի Թումո ստեղծարար տեխնոլոգիաների կենտրոնում տեղի ունեցած տեղեկատվական տեխնոլոգիաների հիմնախնդիրներին նվիրված գիտաժողովին, որին ներկա էին հայոց լեզվի և տեղեկատվական տեխնոլոգիաների մասնագետներ: Քննարկման գլխավոր թեման առնչվում էր հայոց լեզվի, մասնավորապես արևմտահայերենի ուսուցումը տեղեկատվական տեխնոլոգիաների կիրառմամբ: Նա նշեց, որ գիտաժողովի ընթացքում քննարկվել է արևմտահայերեն գրագրության ծրագիր ստեղծելու գաղափարը:

razmik panosian1Նախարար Հակոբյանը ողջունեց այդ գաղափարը, կարևորելով հայոց լեզվի պահպանման և հայրենաճանաչության խնդիրները: Նա առաջարկեց գիտաժողովում ներկայացված ծրագրերը համատեղ քննարկել և մասնագիտական եզրակացություններ տալ, թե դրանցից ո՞րն նպատակահարմար կյանքի կոչել:

Նախարարը հյուրին ներկայացրեց նաև Սփյուռքի նախարարության կողմից իրականցվող «Ամառային դպրոց», «Արի տուն», ինչպես նաև արևմտահայերենից  արևելահայերեն և հակառակը փոխարկիչ ծրագրերը (www.translator.am, ISMA լեզվային ծառայությունների համացանցային ծրագիր), որոնց նպատակը սփյուռքահայության համար հայոց լեզվի ուսուցման ու հայրենաճանաչության ապահովումն է:

Երկուստեք շեշտվեց, որ ուծացման վտանգին դիմակայելու համար անհրաժեշտ է կիրառել ժամանակակից հնարավորություններ և տեխնոլոգիաներ, որոնք ընկալելի և ընդունելի լինեն նոր սերնդի համար:

Քննարկվեց նաև Հայաստանի ԲՈՒՀ-երում սփյուռքագիտությամբ զբաղվող ուսանողների համար կրթաթոշակ հիմնելու և նրանց ուսումն ավելի արդյունավետ դարձնելու հնարավորությունները:


Առնչվող նյութեր
1. «Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
2. Սփյուռքից դժգոհություններ են հայտնել Մանվել Գրիգորյանի ղեկավարած կառույցի հետ իրենց առնչությունների մասին. հայտնում է սփյուռքի նախարարությունը
3. Մենք մեր թիմով արեցինք այն, ինչ հնարավոր էր և ինչ կարող էինք. Հրանուշ Հակոբյան
4. Ռազմիկ Փանոսեան.,,Ռուսիոյ մէջ ահազանգային վիճակի մէջ է ձուլումի ընթացքը,,
5. ՀՀ սփյուռքի նախարարության պաշտոնական կայքում բացվել է «Հետադարձ կապ» բաժինը
6. Պորտուգալիա. Արեւմտահայերէնի ամառնային ուսուցչական աշխատանոց՝ յաջորդ քայլերը
7. «Բարեգործությունը լուռ պետք է ըլլա, երբ գործ մը ընեք, լավ ըրեք այդ գործը, իմացեք՝ ուր պետք է հասնինք», – սովորեցնում էր մեծ հայը` Գալուստ Գյուլբենկյանը
8. ՄԱԿ-ի նոր գլխավոր քարտուղար կդառնա պորտուգալացի Անտոնիո Գուտերեսը՝ Գյուլբենկյան հիմնադրամի խորհրդի անդամը
9. Ամառնային աշխատանոց 2016՝ Արեւմտահայերէն վերաշխուժացման միջոցներ ու մեթոտներ
10. «Գալուստ Կյուլպենկյան» հիմնարկության հայկական համայնքների բաժանմունքը կշարունակի աջակցել սիրիահայերին

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: