ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ռազմիկ Փանոսեանը նշանակուած է Հայկական Համայնքներու բաժանմունքի տնօրէն

25 հունվարի, 2013 | 15:59

ԼԻԶՊՈՆ – «Գալուստ Կիւլպէնկեան» Հիմնարկութիւնը այսօր յայտարարեց Դոկտ. Ռազմիկ Փանոսեանի նշանակումը որպէս Հայկական Համայնքներու բաժանմունքի տնօրէն Լիզպոնի մէջ։ Ան պիտի ստանձնէ իր պաշտօնը 1 Փետրուար 2013ին։

Փանոսեան իր դոկտորական աւարտաճառը պաշտպանած է Լոնտոնի Տնտեսութեան եւ Քաղաքական Գիտութեան Դպրոցին մէջ (London School of Economics and Political Science), ուր նաեւ դասաւանդած է։ Բազմաթիւ հրատարակութիւններ ունի հայկական նիւթերու վերաբերեալ, ինչպէս նաեւ հայ ազգային ինքնութեան նուիրուած ու մասնագիտական ջերմ գնահատականի արժանացած հատոր մը։ Ան լայն փորձառութիւն կուտակած է աւագ կառավարման մէջ, ներառեալ՝ բազմամիլիոն տոլարնոց ծրագիրներու եւ միջազգային զարգացման նպաստներու (grants) պարագային։ Երկար տարիներ ծառայած է որպէս Քաղաքականութեան, Ծրագիրներու եւ Ծրագրումի տնօրէն՝ Մոնթրէալ գտնուող գանատական կառավարական կազմակերպութեան մը։ Աշխատած է Միացեալ Ազգերու Կազմակերպութեան Զարգացման Ծրագրին համար։ Կը խօսի անգլերէն, ֆրանսերէն եւ հայերէն։

«Կ՝ընդունիմ այս պաշտոնը խայտանքով ու խոնարհութեամբ», ըսաւ Փանոսեան։ «Ասիկա Սփիւռքի ամենէն կարեւոր պաշտօններէն մէկն է։ Պատրաստ եմ շարունակելու իմ նախորդներուս աշխատանքը եւ ա՛լ աւելի ամրացնել ու ընդարձակել «Գալուստ Կիւլպէնկեան» Հիմնարկութեան գործը՝ կեդրոնացած ու համակարգուած ձեւով,աշխարհասփիւռ հայ համայնքներուն հետ»։

Մարթին Եսայեան՝ Հայկական Համայնքներու բաժանմունքին պատասխանատու հոգաբարձու եւ Հիմնարկութեան հիմնադիր Գալուստ Կիւլպէնկեանի թոռնորդին, ըսաւ. «Մեծ գոհունակութիւն կը պատճառէ ինծի, որ Դոկտ. Փանոսեանը Հայկական

Համայնքներու բաժանմունքին տնօրէնը նշանակուած է։ Ան բացառիկ փորձառութեամբ կու գայ այս պաշտօնին եւ մեզի կը բերէ անհրաժեշտ միջազգային ու համադրական հեռանկար։Նշանակումը հետեւած է միջազգային փնտռտուքի մը, որուն ընթացքին բազմաթիւ արժանի թեկնածուներ ընդգրկուած էին»։

Orer.eu


Առնչվող նյութեր
1. Ռազմիկ Փանոսեան.,,Ռուսիոյ մէջ ահազանգային վիճակի մէջ է ձուլումի ընթացքը,,
2. Արեւմտահայերէնով «Ուիքի ճամբար»ը Փորթուկալի մէջ. Օգոստոս 17էն մինչեւ Օգոստոս 26
3. «Գալուստ Կիւլպէնկեան» թարգմանական մատենաշար. Թարգմանուելիք գիրքերու ցանկը ու կոչ թարգմանիչներու
4. «Գալուստ Կիւլպէնկեան» Հիմնարկութիւնըհայաստանեան ծրագրերու խորհրդատու կը նշանակէդոկտ. Համազասպ Դանիէլեանը
5. Անի Կարմիրյան. Արեւմտահայերէնը կրնայ անգամ մը եւս դառնալ հաղորդակցութեան եւ մշակոյթի լեզու մը
6. «Գալուստ Կիւլպէնկեան» թարգմանական մատենաշար
7. «Գալուստ Կիւլպէնկեան» Հիմնարկութեան Հայկական Համայնքներու Բաժանմունքի Յայտարարութիւնը
8. «ՀԱՅԵՐԸ 2115ԻՆ» ՌԱԶՄԱՎԱՐԱԿԱՆ ՍԵՄԻՆԱՐ

Մեկնաբանություն

Վերջին լուրեր
1.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
2.Ին՞չ եփել այսօր՝ քաղաքական կաթսայում. հայացք Երեւանից
3.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
4.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
5.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
6.Րաֆֆի Հերմոն Արաքսին՝ սփյուռքի նախարարության պատվոգիր
7.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
8.Արեւմտյան Հայաստանի Ազգային ժողովի (Խորհրդարանի) 2-րդ գումարման պատգամավորների ընտրությունները կայացան. 101 պատգամավոր 45 երկրից
9.Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր
10.ՀՀՇ-ի, ՀՀԿի ճանապարհով չգնաք, որպեսզի բումերանգի պես այն չխփի պետությանը. Րաֆֆի Հովհաննիսյանը՝ ՔՊ-ին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: