ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ջութակահարուհի Անի Բատիկյանը Քադոգան Հոլ հանրահայտ համերգասրահում

11 հուլիսի, 2017 | 12:55

2017թ. հունիսի 29-ին, Քադոգան Հոլ հանրահայտ համերգասրահում` «Լոնդոնի Ֆենիքս» նվագախմբի նվագակցությամբ, մենահամերգով հանդես եկավ միջազգային մրցույթների դափնեկիր, տաղանդաշատ հայ  ջութակահարուհի Անի Բատիկյանը։ Համերգի թեման էր «Արևելյան Եվրոպայի արվեստը և ազգային երաժշտությունը», իսկ երեկոն համալրվել էր այնպիսի ստեղծագործություններով, որոնք նպատակ ունեին պատկերելու ազգային պարերից և արվեստից ոգեշնչված կոմպոզիտորների աշխատանքները։

 

Համերգի ծրագիրը ներառում էր լեհ կոմպոզիտոր՝ Վիթոլդ Լյուտոսլավկու «Փոքր Սյուիթ»-ը, որի հիմքում հարավային Լեհաստանի պարային մեղեդիներն են, անուհետև Արամ Խաչատրյանի կոնցերտը՝ ջութակի և նվագախմբի համար, որում առկա են հայկական ազգային մեղեդիների թեմատիկ տարրեր, ինչպես նաև Մուսորգսկու «Գեղանկարները ցուցահանդեսում» գործը՝ Ռավելի փոխադրմամբ։

 

Համերգի ընթացքում տեղի ունեցավ նաև Անի Բատիկյանի ամուսնու, կոմպոզիտոր Ռոլանդ Ռոբերթսի ստեղծագործության պրեմիերան, որի ոգեշնչման աղբյուրն էր մեծանուն  ծովանկարիչ Հովհանես Այվազովսկու «Իններորդ ալիք» հայտնի նկարը։ Այն նվիրված էր գեղանկարչի 200 ամյակին, ինչն այս տարի նշվում է ողջ աշխարհում։

Բատիկյանի կողմից Խաչատրյանի ջութակի կոնցերտի կատարումը տպավորիչ էր և անթերի. այն ի ցույց դրեց Անիի անզուգական հմտությունները, հիասքանչ և խորունկ ջութակահարի  կատարողական արվեստն իր ողջ հմայքով։  Համերգի ողջ ընթացքում, Անին կլանել էր հանդիսատեսի ուշադրությունը՝ զմայելով իր հիասքանչ կատարմամբ և Մոնտանյանա ջութակի քաղցր հնչյուններով, որը ի դեպ արժե մոտ £900,000 ֆունտ ստերլինգ և տրամադրվել էր Ingles & Hayday, Sotheby-ի աճուրդի ջութակի մասնագետների կողմից։ Ռոլանդ Ռոբերթսի ստեղծագործությունը, որը գրված է ռուսական ռոմանտիկ ոճով և պարունակում է հայկական տարրեր, գեղեցիկ կերպով մատուցեց Այվազովսկու նկարի պատմությունը՝ հանդիսատեսին տանելով մի ճամփորդության, որտեղ հանդարտ ալիքները վերածվում էին փոթորկի և նավաստիները բախվում  էին հարվածող ալիքներին։

 

Սիմֆոնիկ օրկեստրը ազդեցիկ կերպով ներկայացրեց գործի գունեղ երանգները և ջութակի արտահայտիչ գեղեցկությունը։ Այվազովսկու ամենահայտնի գեղանկարն այժմ ունի իրեն նվիրված երաժշտական ստեղծագործություն։ Հանդիսատեսը գերագույն հաճույք ստացավ՝ ունկնդրելով այս ստեղծագործությունը, իսկ կոմպոզիտորն իր գործի կատարման ավարտին բեմ բարձրացավ՝ միանալով իր տիկնոջը։

 

1924թ. հիմնված «Լոնդոնի Ֆենիքս» նվագախումբը հմտությամբ և մեծ խանդավառությամբ ելույթ ունեցավ դիրիժոր Փարիկյանի ղեկավարությամբ։ Միջոցառման կազմակերպիչն ու հովանավորն էր Թեքեյան մշակութային միության լոնդոնյան մասնաճյուղը։

 

 

 

 


Առնչվող նյութեր
1. Լոնդոնում նշվեց «Գևորգ Թահթայան» կիրակնօրյա ազգային վարժարանի հիմնադրման 40-ամյակը
2. Վարդան Ուզունյանի 78-ամյակը նշվեց Երեւանում
3. Մեծ Բրիտանիայի հայկական համայնքը նոր խորհուրդ է ընտրել
4. ԱՆԳԼԻԱ. Հայաստանի Առաջին Հանրապետության 100–ամյակին նվիրված միջոցառում Լոնդոնում
5. Տոնական միջոցառում Լոնդոնում
6. Լոնդոն. The Daily Mail-ը հրապարակել է Մակեդոնացու կտակը՝ հին հայերենով
7. Հայաստանի և Մեծ Բրիտանիայի միջև դիվանագիտական հարաբերությունների հաստատման 25-ամյակ
8. Մանկագիր Նունե Սարգսյանն իր գրքերը կներկայացնի սփյուռքի հայկական դպրոցներում
9. Սիփան Օլահը եւ ,,Կոմիտաս,, երգչախումբը փայլեցին Բարոնուհի Քոքսի կազմակերպած Սուրբ Ծննդյան համերգին
10. ԱՆԳԼԻԱ.Հայաստանը մասնակցեց Պաշտպանության ակադեմիայի «Միջազգային օր» միջոցառմանը

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: