ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ջոն Մալկովիչը կբացի Արամ Խաչատրյան փառատոնը. կհնչի նաեւ Սերժ Թանկյանի սիմֆոնիան

11 հոկտեմբերի, 2017 | 07:18

Այսօր «Արամ Խաչատրյան» համերգասրահում  արգենտինական գրականություն եւ  Գրիգոր Նարեկացի կկարդա ամերիկյան օսկարակիր դերասան, պրոդյուսեր եւ ռեժիսոր Ջոն Մալկովիչը: Նրա ելույթով կբացվի Արամ Խաչատրյան 5-րդ միջազգային փառատոնը։ 

Դերասանը ժամանել է Հայաստան Հայաստանի երիտասարդական նվագախմբի գեղարվեստական ​​ղեկավար եւ գլխավոր դիրիժոր Սերգեյ Սմբատյանի հրավերով:

Ջոն Մալկովիչը եւ Սերգեյ Սմբատյանը արդեն համագործակցության մեծ փորձ ունեն: Նրանք 2015 թ.-ին և 2016 թ.-ին միասին   հանդես են եկել Սեուլում եւ Բուենոս Այրեսում: Սերգեյ Սմբատյանի ջանքերով հայաստանցիները հնարավորություն կունենան ծանոթանալու աշխարհահռչակ դերասանի աշխատանքին:

Ջոն Մալկովիչը Հայաստանի պետական երիտասարդական նվագախմբի հետ կներկայացնի հատված Էռնեստո Սաբատոյի «Հերոսների և գերեզմանների մասին» նովելից՝ նշանավոր կոմպոզիտոր Ալֆրեդ Շնիտկեի դաշնամուրի և նվագախմբի համար գրված կոնցերտի ուղեկցությամբ:

Համերգային ծրագիրը հետաքրքիր ձեւաչափով է ներկայացվելու. այն կներառի երաժշտություն, գրականություն, ընթերցանություն եւ դերասանի կատարողական հմտություններ:

Երեկ  Սերգեյ Սմբատյանի ուղեկցությամբ Մալկովիչը  եղավ Հայոց ցեղասպանության թանգարանում, ծաղիկներ խոնարհեց անմար կրակի մոտ։    

ՀՑԹԻ փոխտնօրեն Լուսինե Աբրահամյանը աշխարհահռչակ հյուրին ծանոթացրեց Հայոց ցեղասպանության պատմությանը՝ վավերական մանրամասներով։ Շրջայցից հետո Ջոն Մալկովիչը գրառում կատարեց Պատվավոր հյուրերի հուշամատյանում. «Ցավոտ դաս. Ջոն Մալկովիչ»։

ՀՑԹԻ տնօրենի պաշտոնակատար Սուրեն Մանուկյանը հոլիվուդյան դերասանին նվիրեց Հայկ Դեմոյանի «Հայոց ցեղասպանության լուսաբանումը համաշխարհային մամուլի առաջին էջերին» և Հայկ Դեմոյանի ու Լուսինե Աբրահամյանի համահեղինակած «Ավրորայի ճանապարհը. Հայոց ցեղասպանությունը վերապրածի ոդիսականը» գրքերը, այնուհետև ուղեկցեց դեպի Հայոց ցեղասպանության հուշահամալիր:

Դեռեւս նախօրեին մամուլի ասուլիսի ժամանակ հայտնի դերասանը ասաց. «Զարմանում եմ, թե ինչպես կարող է մարդն իր նմանի հանդեպ այդքան դաժան լինել: Ես այդ ոճիրի մասին կարդացել եմ «Կորուսյալ դրախտ» գրքում, որտեղ պատմվում է Զմյուռնիայի կոտորածների մասին»։

American actor, director and producer John Malkovich paid a visit to the Armenian Genocide memorial complex

Իր հերթին, Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը՝ խոսելով Արամ Խաչատրյանի 5-րդ միջազգային փառատոնի մասին ասել է.  «Յուրաքանչյուր տարի մենք երաժշտասեր հանրությանը նոր ստեղծագործություններ են:ք ներկայացնում, համաշխարհային պրեմիերաներ, իսկ այս տարի կատարելու ենք Սերժ Թանկյանի «Օրկա» սիմֆոնիան»:  

Ինչպես նշում է haydzayn.am-ը, Թանկյանի մեծարժեք սիմֆոնիայի կատարումը, ըստ Սմբատյանի, երիտասարդ  երաժիշտների համար խթանող նշանակություն կունենա: «Շատ կարևոր  է հասկանալ, թե ինչ երաժշտություն ես կատարում, դասական երաժշտության կողքին մենք կատարում ենք ջազ, ռոք, ինչը թույլ են տալիս նմանատիպ նախագծերը: Ուստի,  տարբեր երաժշտական ճաշակ ունեցող հանդիսատեսը կարող է այս փառատոնի շրջանակներում գտնել իրեն հոգեհարազատ երաժշտություն»:

Սմբատյանը նաև նշեց, որ բազմամիլիոնանոց լասարան ունեցող  աշխարհահռչակ դերասան Ջոն Մալկովիչի՝ Հայաստանում գտնվելն ու փառատոնին մասնակցելը փաստում է, որ փառատոնն իսկապես  հաջողվել է:

Իսկ դասական երաժշտության սիրահարները Խաչատրյանի միջազգային փառատոնի շրջանակներում կունկնդրեն բազմաթիվ սիմֆոնիկ և կամերային համերգներ, այդ թվում նաև պրեմիերաներ:

Կներկայացվեն,  ինչպես արդեն նշեցինք Սերժ Թանկյանի «Օրկա» սիմֆոնիան, «Խաչատրյանը և ջազը» համերգային նախագիծը: Հանդես կգան հայտնի դաշնակահարներ Գլորիա Քամփաները, Լևոն Կարապետյանը, ջութակահարներ Դավիդ Նեբելը, Մարկ Բուշկովը և այլն:

Հիշեցնենք, որ Խաչատրյանի 5-րդ միջազգայն փառատոնը նվիրված է Հովհաննես Այվազովսկու 200-րդ ամյակին:

ՕՐԵՐ

 


Առնչվող նյութեր
1. Էմանուել Ճգնավորյանն ու Սերգեյ Բաբայանը OPUS KLASSIK-ի հաղթողներ
2. Իվետա Մուկուչյանի համերգը “Պաչա Բարսելոնայում”
3. Նախագահ Արմեն Սարգսյանն ընդունել է Սերժ Թանկյանին եւ Կարին Հովհաննիսյանին
4. «Արշակի երգի» համաշխարհային պրեմիերան հուլիսի 6-ին Տաթեւի վանական համալիրում
5. Կյանքից հեռացել է Նադեժդա Սարգսյանը
6. Սերժ Թանկյանը ֆիլմի եւ երաժշտական փառատոնի ծրագրեր է ներկայացրել մշակույթի նախարարին
7. Նիկոլ Փաշինյանն ընդունել է Քշիշտոֆ Պենդերեցկուն և նրա տիկնոջը
8. Հայաստանի սիմֆոնիկի եւ Նարե Արղամանյանի տպավորիչ համերգը Վիեննայի Մյուզիքվերեյնում
9. Սերժ Թանկյան. ,,Կներեք, որ ֆիզիկապես ուշացա հեղափոխությունից, բայց հոգեպես այստեղ էի,,
10. Դու մեր հայրը չես, և մենք քո զավակները չենք․ Սերժ Թանկյանը՝ Սերժ Սարգսյանին

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: