ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Պրահայում ներկայացվեց հայկական կոնյակը

22 նոյեմբերի, 2013 | 17:36

Ararat Dinner b_21.11.13ՊՐԱՀԱ- Նոյեմբերի 21-ին Պրահայի Grand Hotel Bohemia հյուրանոցի շքեղ դահլիճում 8 տասնյակից ավելի հյուրերի ներկայությամբ տեղի ունեցավ ,,Արարատ,, կոնյակի համտեսի միջոցառումը՝ Պեռնո Ռիկարի Չեխիայի Յան Բեխեր ընկերության կազմակերպությամբ։ Հանդիսավոր միջոցառմանը ներկա էին ընկերության նախագահ Անտոնի Սխոֆիլդը եւ մյուս բարձրաստիճան պաշտոնյաները։ Միջոցառման պատվավոր հյուրերն էին Չեխիայում Հայաստանի դեսպան Տիգրան Սեյրանյանը, Պեռնո Ռիկարի ,,ԱՐԱՐԱՏ,, Երեւանի կոնյակի գործարանի տնօրեն Արա Գրիգորյանը եւ նրա տեղակալները։ Վերջինիս այդ պաշտոնում շուտով կփոխարինի ընկերության Ղազախստանի ներկայացուցիչ Արտակ Դավթյանը, ով նույնպես ներկա էր միջոցառմանը։

Հանդիսավարի բացման խոսքից հետո ,,Արարատ,, կոնյակի դեսպան Մարինա Բադալյանը ներկայացրեց Հայաստանում կոնյակի արտադրության սկզբնավորման շրջանը, խոսեց հետագա զարգացման եւ այսօր թողարկվող արտադրատեսականու մասին՝ զուգահեռաբար ցուցադրելով արխիվային եւ ժամանակակից կադրեր գործարանի պատմությունից։ Նա ներկայացրեց համտեսի համար դրված ,,5 աստղանի,, , ,,Ախթամար,, եւ ,,Նաիրի,, կոնյակների համային եւ գունային տարբերությունները։ Մասնավորապես հայտնի դարձավ նաեւ, որ տարեկան արտադրվող 4,5 միլիոն լիտր Ararat Dinner_21.11.13կոնյակի միայն 7 տոկոսն է իրացվում Հայաստանում, մնացյալ 92-93 տոկոսը արտահանվում է աշխարհի 33 երկիր։ Ամենամեծ սպառողներից մեկը Ռուսաստանն է։ Սլովակիայում այն իրացվում է տարեկան 12 հազար լիտր , իսկ Չեխիայում` ավելի քիչ։ Այս մասին տեղեկացանք ընկերության Չեխիայի ներկայացուցիչներից։

Միջոցառման վերջում բեմ հրավիրեցին նաեւ ,,ԱՐԱՐԱՏ,, Երեւանի կոնյակի ararat Marinaգործարանի տնօրեն Արա Գրիգորյանին, ով ջերմորեն ողջունեց ներկաներին, պատասխանեց վարողի հարցերին եւ շնորհակալություն հայտնեց Պրահայի գործընկերներին նման միջոցառման համար։ ,, Մենք լիահույս ենք, որ ,,Բեխերովկան,, եւ ,,Արարատը,, դեռ երկար ճանապարհ կանցնեն միասին,- ասաց նա։

Հիշեցնենք, որ չեխական ,,Բեխերովկա,, եւ հայկական ,,Արարատ,, ապրանքանիշերը պատկանում են Պեռնո Ռիկար ֆրանսիական ընկերությանը։

ararat nkarՄիջոցառման ողջ ընթացքում դահլիճում թեւածում էր հայկական երաժշտություն, իսկ ժամանակ առ ժամանակ ավազի վրա նկարչուհի Լիդիան պատկերում էր տարբեր նշաններ, իսկ վերջում նաեւ Երեւանի կոնյակի գործարանի շենքը։

Foto: Lukáš Janičina a Orer

Օրեր եվրոպական ամսագիր

Orer.eu


Առնչվող նյութեր
1. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Հայկ Մարությանն ընդունել է Չեխիայի դեսպանին
4. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
5. Հայաստանի դեսպանը շնորհավորել է չեխ ժողովրդին 100-ամյա հոբելյանի առիթով
6. Պրահայում նշվում է Չեխոսլովակիայի հիմնադրման 100 ամյակը
7. Չեխիան հարգում է հակամարտության կողմերին զենք-զինամթերք չվաճառելու պայմանավորվածությունը. դեսպան Միկիսկա
8. Հոկտեմբերի 12-ին հայկական թեմայով դասախոսություն Ստրահովի գրադարանում
9. Բացառիկ հայկական ցուցահանդես՝ չեխական հրաշագեղ դահլիճում
10. Չեխական եւ Չեխոսլովակիայի կինոյի օրեր Երեւանում

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: