ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Պոլսոյ Մէջ Հազարաւորներ Յարգանքի Տուրք Մատուցեցին Հրանդ Տինքին

20 հունվարի, 2016 | 19:40

dink polisՊՈԼԻՍ, ԵՐԵՒԱՆ, «Ակօս», «Նիուզ».- Երեքշաբթի, Յունուար 19ին, Հրանդ Տինքի սպանութեան 9րդ տարելիցին, Տինքի յիշատակը վառ պահելու համար հաւաքուած հազարաւոր քաղաքացիներ իրենց յարգանքի տուրքը մատուցեցին անհանդուրժողութեան զոհին՝ անոր հիմնած եւ խմբագրած «Ակօս» թերթի շէնքին դիմաց, ուր ան 9 տարի առաջ սպաննուեցաւ։

Ներկաներու շարքին էին Թուրքիոյ խորհրդարանի հայազգի երեսփոխաններ Սելինա Տողան եւ Կարօ Փայլան, քրտամէտ Ժողովուրդներու ժողովրդավարութիւն կուսակցութեան համանախագահ Սալահետտին Տեմիրթաշ, Թուրքիոյ խորհրդարանի անդամ եւ քրտամէտ կուսակցութեան պատուոյ նախագահ Սապահաթ Թունճել եւ այլ քաղաքական գործիչներ։

Շիշլիի մէջ գտնուող շէնքին վրայ փակցուած էր «Ախպարի՛կ, կարօտով, զայրոյթով, յամառօրէ՛ն հոս ենք» գրութեամբ ցուցանակ մը:

Տինքի յիշատակութեան նուիրուած Պոլսոյ նախաձեռնոութիւններուն համար ապահովական խիստ միջոցառումներ որդեգրուած էին «Ակօս»ի խմբագրատան շուրջ. երբ յիշատակութեան քայլարշաւը սկսած է, Թաքսիմէն դէպի Բանկալթը՝ շրջակայ բոլոր փողոցները փակ եղած են։

Տինքի յիշատակին նուիրուած միջոցառումներ կայացած են նաեւ Թուրքիոյ քանի մը այլ քաղաքներու մէջ:

Այս առիթով Հրանդի ընկերները հրապարակած են յայտարարութիւն մը, որուն մէջ կ՛ըսուի.

«Հոս ենք՝ կարօտով:

Կը կարօտնանք Հրանդ Տինքին, որ իւրաքանչիւր մարդու լեզուին, հաւատքին եւ խօսքին հետ հաւասարապէս կը վերաբերէր:

Հոս ենք՝ զայրոյթով:

Հրանդ Տինքը մեզմէ խլած եւ երեխաները մարդասպան դարձուցած խաւարը արդէն իսկ 9 տարիէ ի վեր կը շարունակէ մարդասպաններ ծնիլ: Այդ խաւարը տարածուած է երկրի շուրջբոլորը, եւ ամէն օր նոր մահագոյժ կը տարածուի: Կը ճանչնանք եւ գիտենք: Մեր զայրոյթը հաստատ է, կատարուածները մեր միտքին մէջ կը մնան:

Հոն ենք՝ յամառօրէն:

Արդէն 9 տարիէ ի վեր յամառօրէն հոս ենք՝ խաւարը տարածել փափաքողներուն դէմ: Հրանդ Տինքի հիւսած եւ իր կեանքով վճարած խաղաղութեան ու ճշմարտութեան արձագանգելու եւ անոր ձայնակցելու համար, մէկ անգամ եւս, Յունուար 19ին՝ ժամը 14:30ին, Հրանդի սպանութեան վայը՝ «Ակօս»ին դիմացն ենք»:

Միացեալ յայտարարութիւն մը տարածած են նաեւ Թուրքիոյ հայկական «Նոր Զարթօնք» կազմակերպութիւնը, քրտամէտ Ժողովուրդներու ժողովրդավարական կուսակցութիւնը եւ շարք մը այլ հասարակական կազմակերպութիւններ ու անհատներ: Յայտարարութեանց մէջ մասնաւորապէս շեշտուած է, որ «Տինքի սպանութիւնը, վստահաբար, Հայոց Ցեղասպանութեան հետ չառերեսուելու հետեւանք է»:

Միւս կողմէ, Տինքի սպանութեան 9րդ տարելիցին, Թուրքիոյ մէջ հակահայ նոր արարք մը տեղի ունեցած է։ Արդարեւ, Պոլսոյ Սկիւտար թաղամասին մէջ գտնուող Գալֆայեան հայկական դպրոցի պատին վրայ գրուած է «տառապանք՝ հայերուն» գրութիւնը:

Սկիւտարի ոստիկանութիւնը այս գծով հետաքննութեան սկսած է:

http://asbarez.com


Առնչվող նյութեր
1. «ՈՎ ՄԱՐԴԿԱՅԻՆ ԱՐԴԱՐՈՒԹԻՒՆ…» ԹՈՒՐՔԻԱՆ «ՄՏԱՀՈ՜Գ» Է ԿՈՏՈՐԱԾՆԵՐՈՎ…
2. ԹՈՒՐՔԻԱ. ԿԻՆՈՌԵԺԻՍՈՐ-ԱՐՏԱԴՐՈՂ՝ ԱՐԱՄ ԳՅՈԻԼՅՈՒԶԸ ՈՉ ԵՎՍ Է
3. Ոստիկանները բաց են թողել Կարո Փայլանին
4. Արա Գյուլերի թանգարան Թուրքիայում
5. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
6. Կարո Փայլանն ու Մարգար Եսայանը ընտրվեցին Թուրքիայի խորհրդարանի անդամ
7. Թուրքիայում համացանցով կարող ես պարզել նախնիներիդ ազգությունը
8. Պոլսոյ Կուսակալութիւնը Անվաւեր Նկատեց Պատրիարքի Տեղապահին Ընտրութիւնը
9. Ֆէթհիէ Չեթինի խօսքը Հրանդ Տինքի 11րդ Տարելիցին առթիւ
10. Թուրք պատգավորների հերթական հարձակումը Փայլանի վրա

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: