ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
23 հունիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Պեյո Յավորովին նվիրված միջոցառումներ Բուլղարիայում

15 հունվարի, 2018 | 22:31

Հունվարի 12-15-ը Բուլղարիայում ՀՀ դեսպան Արմեն Սարգսյանը մասնակցեց բուլղար մեծ բանաստեղծ Պեյո Յավորովի ծննդյան 140-ամյակին նվիրված մի շարք միջոցառումներին:

Սոֆիայի Բուլղարական մշակութային կենտրոնում տեղի ունեցավ Պեյո Յավորովին նվիրված՝ «Ես չեմ ապրում՝ այրվում եմ» վերտառությամբ նոր գրքի շնորհանդեսը, որին մասնակցեց և ողջույնի խոսքով հանդես եկավ Բուլղարիայում ՀՀ դեսպան Արմեն Սարգսյանը: Միջոցառմանը մասնակցեցին ճանաչված գրականագետներ Սերբիայից, Ռուսաստանից, Մեծ Բրիտանիայից: Հայաստանը ներկայացնում էին և ելույթներով հանդես եկան ՀՀ գրողների միության նախագահ Էդվարդ Միլիտոնյանը և «Ծիծեռնակ» մանկական ամսագրի գլխավոր խմբագիր, բանաստեղծ և մանկագիր Անուշ Վարդանյանը: Իրենց ակտիվ մասնակցությունը բերեցին Սոֆիայի հայ համայնքի ներկայացուցիչները:

Յավորովյան հանդիսությունները շարունակվեցին հունվարի 13-ին և 14-ին մեծ բանաստեղծի ծննդավայրում՝ Չիրպան քաղաքում, որտեղ դեսպան Արմեն Սարգսյանը ծաղկեպսակ զետեղեց Յավորովի հուշարձանին: Հանդիսավոր արարողությանը մասնակցեց և ողջույնի խոսքով հանդես եկավ Բուլղարիայի փոխնախագահ Իլիյանա Յոտովան:

Մասնակիցների թվում էին Պլովդիվում ՀՀ պատվավոր հյուպատոս Եղիազար Ուզունյանը, ինչպես նաև Պլովդիվից հատուկ այս առիթով ժամանած հայ համայնքային և սկաուտական կազմակերպությունների անդամները: Արարողության ավարտին տեղի ունեցավ հանդիսավոր նիստ և տոնական համերգ:
Հաջորդ օրը հայկական պատվիրակությունը մասնակցեց մեծ բանաստեծին նվիրված գիտաժողովին, ընթերցումներին և ցուցահանդեսներին:

Օրվա առիթով դեսպան Արմեն Սարգսյանը Բուլղարիայի գրողնեի միության “Словото днес” պարբերականին տվեց ծավալուն հարցազրույց:

Տեղեկանք. Հայ ժողովրդի մեծ բարեկամ, բուլղար նշանավոր բանաստեղծ Պեյո Յավորովի «Ես չեմ ապրում՝ այրվում եմ» ժողովածուում զետեղված են նրա ստեղծագործությունների 13 լեզուներով թարգմանությունները, որոնց շարքում առանձնահատուկ տեղ են զբաղեցնում ”Арменци” (Հայերը) ճանաչված բանաստեղծությունն ու դրա հայերեն թարգմանությունները՝ կատարված Գևորգ Էմինի, Սիլվա Կապուտիկյանի և Համո Սահյանի կողմից, ինչպես նաև Գուրգեն Բարենցի կողմից կատարված ռուսերեն թարգմանությունը: Գիրքը ներառում է նաև Էդվարդ Միլիտոնյանի ներածական խոսքը և «Հայերը» բանաստեղծության մասին Գ. Բարենցի պատմական ակնարկը:


Առնչվող նյութեր
1. Դեսպան Սարգսյանը քննարկել է Սոֆիայի և Երևանի միջև ուղիղ ավիաչվերթի վերաբացման հարցը:
2. Բուլղարիա-Հայաստան պատգամավորական խումբը նոր կազմ ունի
3. «Եթե մարդն իր արմատները մոռանա, կործանված է». Գևորգ Գրիգորյան
4. ՍՈՖԻԱ. Հուշատախտակ 300-ամյա հայկական եկեղեցու տեղում
5. «Զվարթնոց վերածննդի» հիմնադրամի երգի-պարի համույթը «Պլովդիվ 2017» միջազգային ֆոլկլորային փառատոնում
6. Բուլղարիա. Հիշատակի ձեռնարկներ Սոֆիայում, Պլովդիվում, Վառնայում, Բուրգասում, Սլիվենում
7. «Բուլղարների համաշխարհային ասոցիացիա»-ն ընդունել է Հայոց ցեղասպանությունը դատապարտող հռչակագիր
8. Վառնա. Վերականգնվում է Զորավար Անդրանիկի տունը՝ Հարություն Հովսեփյանի ջանքերով
9. Բուլղարիա. Հայ երաժիշտների ելույթները՝ նվիրված անկախության տոնին
10. Հայաստանը ներկայացնող զանգ` Սոֆիայի «Զանգեր» անունը կրող հուշահամալիրում

Մեկնաբանություն

Վերջին լուրեր
1.Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
2.«Արմաթ» տեխնոլոգիական ճամբար Հայաստանում՝ Գուգարք ճամբարում
3.«Սևան Ստարտափ Սամմիթ 2018»ը տեղի կունենա հուլիսին Սեւանում
4.«Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
5.Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
6.Մենք կարևորում ենք Արևելյան գործընկերության 20 արդյունք մինչև 2020 թվականը. ասել է Զոհրաբ Մնացականյանը Բրյուսելում
7.Նիկոլ Փաշինյանը հայ-չեխական կապերը քննարկել է Հայաստանում Չեխիայի դեսպանի հետ
8.Բրյուսելում կայացավ Հայաստան – Եվրամիություն գործընկերության խորհրդի առաջին նիստը
9.Փաշինյանը չի ընդունել Մանե Թանդիլյանի հրաժարականը. կուտակայինի շուրջ քննարկումները կշարունակվեն, նախարարը հանդես է եկել հայտարարությամբ
10.Բրյուսելում ստորագրվեց Բենիլյուքսի երկրների հետ ռեադմիսիայի համաձայնագիրը
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.Կարդինալ Դուկան անտուններին ճաշ տվեց իր նստավայրում, իսկ Պրահայի քաղաքապետը ձկնապուր բաժանեց Ստարոմեստսկա հրապարակում
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: