ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«ՊԱՀԸ ՃԱԿԱՏԱԳՐԱԿԱՆ Է, ԼՌԵԼՆ` ԱՆԹՈՒՅԼԱՏՐԵԼԻ». ԲՈՂՈՔԻ ԵՒ ՀԱՄԵՐԱՇԽՈՒԹՅԱՆ ՑՈՒՅՑ ԲԵՌԼԻՆՈՒՄ

23 օգոստոսի, 2016 | 08:06

haykakan renesansԱյսօր ամենատարբեր քաղաքներից հարյուրավոր գերմանահայեր էին եկել Բեռլին` ՀՀ դեսպանատան առջև իրենց բողոքի ձայնը բարձրացնելու հանուն Արցախի և ՀՀ անվտանգության ու բարօրության: Ցուցարարներն ունեին հստակ և հիմնավոր պահանջներ: Նրանք ցանկանում են Հայաստանը տեսնել առանց քաղբանտարկյալների, Արցախն իր տարածքային ամբողջականությամբ միացնել մայր հայրենիքին և ի վերջո օրինական իշխանության ձևավորում հայրենիքում: Ցուցարարների համոզմամբ վերջին պահանջը իրականություն կդառնա միայն գործող նախագահի հրաժարականից հետո:

Հավաքվածները նշում էին, որ ապրելով արտերկրում և ուշադրությամբ հետևելով դեպքերի զարգացմանը, չեն կարող անտարբեր մնալ հայրենիքում ստեղծված ներքին, ինչպես նաև արտաքին քաղաքական ճգնաժամի ու ահագնացող վտանգների հանդեպ։

Ընդունելով հայ ժողովրդի ցասումն ու ընդվզումը, համակրանք տածելով նրա արդար պայքարի ու պահանջների նկատմամբ, հավաքվածները կոչ են անում Գերմանիայում բնակվող բոլոր հայերին, միավորվել ու իրենց բողոքի ձայնը լսելի դարձնել ՀՀ կառավարող մարմիններին:

«Մենք խստորեն դատապարտում ենք ՀՀ ներկայիս իշխանությունների արտաքին, ինչպես նաև ներքին քաղաքականությունը բոլոր բնագավառներում, մասնավորապես վերջին օրերին խաղաղ ցուցարարների, անմեղ բնակչության և քաղաքական բանտարկյալների նկատմամբ բիրտ ուժի կիրառման անընդունելի գործելակերպն ու պահանջում անհապաղ ԱՐԴԱՐՈՒԹՅՈՒՆ»:

Ինչպես կազմակերպիչները մեզ հավաստիացրեցին, գերմանահայ համայնքի պատմության մեջ այսօրվա` օգոստոսի 21-ի ցույցը աննախադեպ է: Պատմության մեջ երբևիցե չի եղել, որ հայկական համայնքները հավաքվեն և ՀՀ-ի արտաքին և ներքաղաքական հարցերի շուրջ դիրքորոշում ճշտեն: Այսօրվա ցույցին մասնակցություն են բերել ութ կազմակերպություններ` Բիլեֆելդ, Աշաֆֆենբուրգ և Ֆրանկֆուրտ քաղաքների հայկական համայնքները, «Հայ ակադեմիականների միությունը», Համբուրգի «Կիլիկիա» երիտասարդական միությունը, «Եվրոպահայերի համագումարի» Գերմանիայի մասնաճյուղը, «Հայկական վերածնունդի» Գերմանիայի մասնաճյուղը և ԱՄՆ-ում գրանցված միջազգային ակադեմիան: Վերոնշյալները այն կառույցներն են, որոնց վարչությունները մեծամասամբ հայաստանցիներն են ղեկավարում:

Մեզ հետ զրույցում ցույցի համակարգող, «Հայ ակադեմիականների միության» նախագահ պարոն Ազատ Օրդուխանյանը նշեց, որ մնացած կառույցներն անտարբեր են: Որտեղ դասական սփյուռքն է, բացարձակ լռություն է կամ բոյկոտ: Զրուցակցիս հավաստմամբ նրանց մեծ մասը Հայաստանով հետաքրքրված չեն, կամ «հարյուր դոլար աղքատներին բաժնած եմ» նշանաբանով են ապրում, մի մասն էլ հայերեն չեն գրում ու կարդում և անտեղյակ են մնում ինֆորմացիայից: Այս ամենից ելնելով անհապաղ էր նման միջոցառումը և հարկավոր է օրակարգ մտցնել ՀՀ -ի հարցը:

«Համախմբվելու միտքը շատերի մոտ կար, հապաղելը կվնասի մեզ: Դասական սփյուռքը կանգնել է դիլեմայի առաջ: Եթե հարցը քննարկեն, նշանակում է իրենք վերազարթոնք կապրեն: Իսկ մենք ոչ միայն պահանջում ենք, այլ պարտավորվում ենք մեր ամբողջ ներուժը դնել հայրենիքում այդ կետերի լուծման համար: Նայել եմ նաև մյուս հայտարարությունները, դրանք ավելի շատ կոչեր են և պահանջներ: Դեսպանն այլ քաղաքում հանդիպում ունի, եթե դա հետաձգի և ցանկանա մեզ հետ հանդիպել, մենք պատվիրակությամբ կգնանք իր մոտ, եթե ոչ, մենք մեր նամակը կգցենք իրենց փոսի մեջ»,- մեզ հետ զրույցում նշեց Ազատ Օրդուխանյանը:

«Հայ ակադեմիական միության» անդամներից մեկն էլ, ով չի ցանկացել ներկայանալ, հատուկ այս օրվա համար մի ծաղրանկար է արել, այսինքն` այս շարժումն արդեն նաև արվեստ է մտել: Երաժիշտներն էլ այս օրերին փորձում են երաժշտություն և երգեր գրել: Ազատ Օրդուխանյանի գնահատմամբ, եթե ցույցն էլ տեղի չունենար, ապա շարժումն արդեն հաջողված էր, որովհետև մեծ թվով կազմակերպություններ են համախմբվել և հնարավոր է, որ սա համայնքային նոր ալիք առաջացնի: Ցույցի ավարտին մասնակիցներն ուղևորվեցին հայկական համայնքի գրասենյակ` քննարկելու իրենց հետագա անելիքները:

Գայանե Առաքելյան

Ամբողջական հոդվածը կարող եք կարդալ այս հասցեով՝ http://www.aravot.am/2016/08/21/727904/

Աղբյուր՝ http://www.armenianrenaissance.org/2016/08/21/13123/


Առնչվող նյութեր
1. Շտուտգարտում կայացան 8-րդ Հայ Մշակույթի Օրերը. բացառիկ ելույթներ եւ շնորհանդեսներ
2. Հայաստանին նվիրված ֆորում գերմանական Կարլսրուե քաղաքում
3. Բեռլինում վախճանվել է կինոբեմադրիչ Դոն Ասկարյանը
4. Գերմանիայի Հալլեի համալսարանի «Մեսրոպ» հայագիտական կենտրոնի 20-ամյա հոբելյանին նվիրված միջոցառում
5. Մահացել է Արայիկ Խանդոյանը՝ Միայնակ գայլը
6. Վարդան Մամիկոնյանի անմոռանալի համերգը Պրահայում. նա հիշեց նաեւ Ազնավուրին
7. Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
8. Գերմանիայում Հայաստանի դեսպան Աշոտ Սմբատյանի այցը Մանհայմ քաղաք
9. Սասնա Ծռերը աջակցում են վարչապետի արտակարգ գործողություններին
10. Բեռլին. Հայաստանի Հանրապետության 100-ամյակին և Երևանի 2800-ամյակին նվիրված համերգ

Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: