ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Չեխական մամուլն անդրադարձել է Սրբոց Նահատակաց եկեղեցու պայթեցմանը

16 հոկտեմբերի, 2014 | 09:20
der-zor-church02 Չեխական հեղինակավոր IDnes.cz («Այսօր») համացանցային  պարբերականում հայտնի լրագրող Աննա Բարոխովան  հոկտեմբերի 13-ին հրապարակել է«Իսլամիստները ոչնչացրել են Հայոց ցեղասպանության

եկեղեցի-հուշահամալիրը, քանի որ այն չէր համապատասխանում իրենց կրոնին» հոդվածը (ստորև ներկայացվում է թարգմանաբար), որում մտահոգություն է
հայտնել Դեր Զորի Սուրբ Նահատակած եկեղեցու ավիրման առթիվ:

Նա անդրադարձել է նաև Հայոց ցեղասպանության հարցին, հղումներ զետեղելով այս
թեմայով նախկինում եղած հրապարակումներին: Ավելի վաղ՝ սեպտեմբերի 24-ին,
ՀՀ ԱԺ նախագահի տեղակալ Էդուարդ Շարմազանովի հետ հանդիպման ժամանակ, այս բարբարոսությունը խստորեն դատապարտվել է Չեխիայի հոգևոր առաջնորդ,
Պրահայի Արքեպիսկոպոս Դոմինիկ կարդինալ Դուկայի կողմից:

Սեպտեմբերի 27-ին Բռնոյի Տոմաշ Մասարիկի համալսարանի դասախոս, քաղաքագետ Տոմաշ Շմիդը հեղինակավոր «Lidové noviny» («Ժողովրդական լուրեր») օրաթերթում «Ուրիշ իսլամ. այն, որը մեզ համար վտանգավոր է՚՚ վերնագրով համանման
հոդված է հրատարակել:
Ստորեւ ներկայացնում ենք հոդվածը.

Իսլամիստները ոչնչացրել են Հայոց ցեղասպանության եկեղեցի-հուշահամալիրը,
քանի որ այն չէր համապատասխանում իրենց կրոնին

Իսլամական ծայրահեղականներն անցած ամիս ոչնչացրել են քրիստոնեական
եկեղեցի-հուշահամալիրը Սիրիայի Դեյր Զորում, որը սրբավայր էր հայերի
համար: Այդ եկեղեցի-հուշահամալիրի բակում գտնվում էին Հայոց
Ցեղասպանության նահատակների մասունքները: Ծայրահեղականներն իրենց
արարմունքն արդարացնում են այն իսլամին դեմ լինելու հանգամանքով:

BBC-ի տեղեկացմամբ, ծայրահեղականները նշել են, որ հուշ և գերեզման
պաշտելը իսլամին դեմ է: Իսլամիստ զինյալները խոստացել են, որ այդպիսի
հուշահամալիրներն այլևս պետք է ոչնչացվեն: Գրեթե վերջին մեկ ամսվա
ընթացքում ավիրվել են մահմեդականների, քրիստոնյաների և հրեաների մի շարք
հուշարձաններ:

Դեյր Զորում սեպտեմբերի վերջին ծայրահեղականների կողմից ոչնչացված
քրիստոնեական եկեղեցին հայկական համայնքի համար ուներ հատուկ
նշանակություն: Այն 20-րդ դարի առաջին ցեղասպանության հուշահամալիրն է,
որտեղ գտնվում էին Հայոց ցեղասպանության նահատակների մասունքները:
Սեպտեմբերի 21-ից սոցիալական ցանցում արդեն տեղադրվել էին ավերված
եկեղեցու մի շարք լուսանկարներ:

Այդ եկեղեցին գործում է նաև որպես գերեզմանատուն, ինչպես նաև
քրիստոնյաների հավաքույթի կենտրոն թե՛ Սիրիայի, թե՛ Լիբանանի քրիստոնյաների
համար: 2002 թվականից սկսած ապրիլի 24-ին երթեր էին կազմակերպվում դեպի
այդ եկեղեցի: Այդ հուշահամալիրի տարածքում թաղված են ավելի քան 1 միլիոն
հայկական և ասորեական քրիստոնյաներ, որոնք սպանվել են թուրք
մահմեդականների կողմից:

«Այդ վայրը հայերի համար ունի մոտավորապես այն նշանակությունը, ինչ
Օսվենցիմը՝ հրեաների համար» – գրել է «Ժողովրդական լուրեր» թերթի իր
մեկնաբանությունում քաղաքագետ Տոմաշ Շմիդը:

tomas smidՀուշահամալիրի ոչնչացումը մեծ արձագանք չգտավ: Կատարվածի մասին իր
քննադատությունը հայտնեց միայն Ֆրանսիայի արտաքին գործերի նախարարը: Նա
նշեց. «Ես դատապարտում եմ հայերի համար մեծ արժեք ունեցող հայկական
եկեղեցու ոչնչացումը Դեյր Զորում, քանի որ Ֆրանսիան ընդունում է բոլոր
կրոնները և հարգում հոգևոր արժեքները: Բոլոր հուշահամալիրները պետք է
զերծ նման հարձակումներից»,- մեջբերել է Արմենպրեսը:

Ավելի ուշ արձագանքել է նաև Մարդու իրավունքների գծով ՄԱԿ-ի գրասենյակը
(OHCHR): «Մենք դատապարտում ենք եկեղեցու և եկեղեցական այլ կրոնական
հաստատությունների ոչնչացումը: Կրոնական հաստատությունները հատուկ
պաշտպանության տակ են առնված միջազգային մարդասիրական օրենքով և պետք է
հարգվեն ու պաշտպանվեն բոլորի կողմից»,- ասված է հոկտեմբերի սկզբին
ՄԱԿ-ի իրավունքների հարցերով գրասենյակի խոսնակ Ռուպերտ Քոլվիլի
հայտարարության մեջ: Նա նաև ավելացրեց, որ Սիրիայի ղեկավարությունը
վերջին շրջանում ևս հարգանք չի տածում հուշարձանների նկատմամբ, և դրա
վառ օրինակներն են վերջին մի քանի ամիսների ընթացքում ոչնչացված մի շարք
պատմական և հնեաբանական հուշահամալիրներ:

Tert.am


Առնչվող նյութեր
1. Չեխական «Դոմեստիկ» ֆիլմը կցուցադրվի Երեւանում
2. Չեխիայում պարզում են՝ ինչպես է տեղական զենքը հայտնվել Ադրբեջանում՝ շրջանցելով էմբարգոն
3. «Զետոր» չեխական ընկերությունը ծրագրում է մտնել հայաստանյան շուկա
4. Յան Բարտոշեկ.«Այն, ինչ տեսանք լուսանկարներում, ամբողջությամբ հիշեցնում է ԴԱԻՇ-ի ձեռագիրը»
5. Միլոշ Զեման. Ամեն մարդ իր հայրենիքում պետք է ապրի
6. Գյումրիի մասին ֆիլմը ՝ ,,20 անքուն տարիներ,,ը Չեխական 2-րդ ալիքով
7. Օրենքով գող՚ Անդրանիկ Սողոյանի նկատմամբ Չեխական ոստիկանությունը կարող է հայտարարել միջազգային հետախուզում
8. Սոպրանո Վարինե Մկրտչյանը հիացրեց հանդիսատեսինˋ չեխական Սմիրիցեի միջազգային երաժշտական փառատոնում
9. Չեխական ,,Մարդը կարիքի մեջ,, կազմակերպությունը 500 հազար կրոն է հանգանակել Ուկրաինայի ընդդիմության օգնության համար
10. Դավիթ Չեռնիի հայտնի քանդակաշարքը բացվել է չեխական Մլադա Բոլեսլավ քաղաքում

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: