ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2017
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Չեխական Թերեզինում բացվեց Ցեղասպանության ուսումնասիրությունների կենտրոն(լուսանկարային շարք)

10 մայիսի, 2017 | 08:21

ՊՐԱՀԱ.- ՕՐԵՐ. Մայիսի 9-ին չեխական Թերեզին հայտնի հուշահամալիրում, որը Երկրոդ Համաշխարահային պատերազմի տարիներին եղել է նացիստական համակենտրոնացման ճամբար, պաշտոնապես բացվեց  Թերեզին Ցեղասպանության ուսումնասիրությունների կենտրոնը։ Կենտրոնի տնօրենն է ցեղասպանագետ Շիմոն Կրբեցը, գեղարվեստական տնօրենը Պավել Խալուպան, իսկ գիտական եւ մանկավարժական տնօրենը՝ ամերիկացի ցեղասպանագետ Պոլ Լեւինը։

Կենտրոնի հանդիսավոր բացումից հետո, ներկաները դիտեցին չինացի լուսանկարիչ Նյուեն Ֆուոնգ Տաոյի ՚՚Վերապրածները՚՚ եւ Ռոբին Բյոհնիշի ՚՚Հայաստան-լեռների, վանքերի եւ գինու՚՚ երկիր լուսանկարչական ցուցահանդեսները։

Այնուհետեւ ցուցադրվեցին վավերագրական ֆիլմեր, որին հետեւեցին Պրահայի Սմիխովի առեւտրային դպրոցի ուսանողների պատրաստած Աուշվիցի համակենտրոնացման ճամբարի վիրտուալ մոդելը։ Օրվա բանախոսը Պոլ Լեւինն էր, ով իր զեկուցմամբ անդրադարձավ Եվրոպայում եւ աշխարհում ցեղասպանությունների ուսումնասիրման ընդհանուր միտումներին՝ անդրադառնալով նոր սերնդի կրթության մեջ դրա կարեւոր դերին։ Նա նաեւ կարեւորեց կենտրոնի բացումը, որը մեծ նշանակություն կունենա ցեղասպանության խնդիրներով զբաղվող երիտասարդ գիտնականների համար։

Միջոցառման ծրագրում տպագրված էր նաեւ 2017 ապրիլի 25-ին Չեխիայի խորհրդարանի Պատգամավորների պալատի կողմից ընդունված ՝ Հայոց ցեղասպանության, Հոլոքոստի, եւ Օսմանյան կայսրությունում այլ ազգային եւ կրոնական փոքրամասնությունների ցեղասպանությունը ճանաչող բանաձեւը։

Կենտրոնի գլխավոր նպատակներից  է  լինելու ցեղասպանությունների կանխարգելումը։

Այնուհետեւ  գեղարվեստական տնօրեն Պավել Խալուպան ,,Լուստիգ Վագոն,,ում, որ տեղադրված էր Թերեզինի Հրետանային զորանոցների կենտրոնում, բացեց համերգային բաժինը՝ խոսքը տալով Չեխիայում Հայաստանի գործերի ժամանակվոր հավատարմատար, հյուպատոս Աննա Ավետիսյանին։ Վերջինս ներկայացրեց   ՀՀ դեսպան Տիգրան Սեյրանյանի խոսքը(վերջինս գտնվում էր Չեխիայից դուրս)՝  ուղղված ձեռնարկի մասնակիցներին։ Հայաստանի դեսպանն իր խոսքում կարեւորել էր ցեղասպանության ուսումնասիրման կենտրոնի բացման դերը եւ նաեւ շնորհակալություն հայտնել այն բոլոր չեխերին՝ այդ թվում նախագահ Միլոշ Զեմանին,նախկին արտգործնախարար Կարել Շվարցենբերգին, պատգամավոր Ռոբին Բյոհնիշին, ինչպես նաեւ  կենտրոնի տնօրեն Շիմոն Կրբեցին եւ Պոլ Լեւինին, որոնց դերն ու կատարած աշխաատնքը մեծ էր Չեխիայում Հայոց ցեղասպանության ճանաչման գործում։

Այնուհետեւ ներկաներին ողջունեց Չեխական երկաթուղիներ ընկերության գլխավոր տնօրենը, իբրեւ  ձեռնարկի գլխավոր հովանավորներից մեկը, եւ նշեց, որ նման կարեւոր հարցի համար Չեխական երկաթուղիները միշտ պատրաստ են աջակցել կենտրոնին։

Համերգային մասը կոմիտասյան անզուգական կատարումներով բացեց չեխաբնակ սոպրանո Վարինե Մկրտչյանը։ Բացօթյա բեմում նրա մատուցած կատարումները անջնջելի տպավաորություն թողեցին ներկաների վրա։

Այնուհետւ ելույթներ ունեցան նաեւ չինուհի Ֆենգ յուն Սոնգը, Տրոմբենիկ հրեական հայտնի խումբը, գնչուական Բախտալե Ապսա խումբը եւ  հայտնի կույր մեներգիչ Մարիո Բիհարին, հրեա ջութակահար Ալեքսանդր Շոներտը եւ Չեխական ռադիոյի մանկական երգչախումբը։

Կենտրոնի նպատակն է չեխ հասարակությանը ծանոթացնելու ցեղասպանությունների ծագման, առաջացման ու իրականացման պատճառների հետ, ինչպես նաեւ այն խնդիրների, թե ինչպես կարելի է ապագայում կանխարգելել նման ոճրագործությունները։

Մեզ հետ զրույցում Շիմոն Կրբեցը նշեց, որ նորաբաց կենտրոնում հիմնականում կկազմակերպվեն ցեղասպանություններին նվիրված ցուցահանդեսներ եւ դասախոսություններ։

2017 թվականի հուլիսի 10-16-ը Թերեզինի կենտրոնում կանցկացվի նաեւ ավանդական դարձած  ,,Գնացք Լուստիգ,, 6-րդ փառատոնը, որտեղ տեղի կունենա արդեն հայտնի ,,Աղոթք Կատերինա Հորովիցովայի համար,,  ներկայացումը՝ նվիրված ֆաշիստների կողմից դաժանորեն սպանված հրեաներին։

Թերեզինի ձեռնարկներին ներկա էին նաեւ Չեխիայի խորհրդարանի անդամներ, հայ համայնքի ներկայացուցիչներ՝  Չեխիայի հոգեւոր հովիվ Բարսեղ վարդապետ Փիլավչյանի գլխավորությամբ։

Հ.Ա.

ՕՐԵՐ

 


Առնչվող նյութեր
1. Հայոց ցեղասպանության թանգարան-ինստիտուտը հայտարարում է Ռաֆայել Լեմկինի անվան 2018թ. կրթաթոշակի ծրագրի մեկնարկը
2. Ինդիանան դարձավ Հայոց ցեղասպանությունը ճանաչող 48րդ նահանգը
3. Ցեղասպանությանը նվիրված չեխերեն գրքի շնորհանդեսը նոյեմբերի 14-ին
4. Պղծուած է Հայոց Ցեղասպանութեան նուիրուած յուշարձանը քանի մը օր առաջ
5. ,,Քրիստոնյաների աղետը,, գրքի երկրորդ քննարկումը Պրահայում
6. Հայերի, հույների ու ասորիների ցեղասպանությունը ներկայացվեց Պրահայի Դոմինիկյան եկեղեցու սրահում
7. Չեխահայ ձեռնարկատերը հաղթեց թուրք-գերմանական ընկերությանը Թուրքիայում
8. ,,Քրիստոնյաների աղետը,, գրքին նվիրված հանդիպում Պրահայում. Հայերի, ասորիների, հույների բնաջնջումը
9. Միլիարդատեր Բաբիշի ԱՆՈ շարժումը հաղթեց Չեխիայի խորհրդարանական ընտրություններում
10. Մարդու իրավունքների դատարանը մերժել է քննել Սիսի կաթողիկոսարանի վերադարձի հայցը

Մեկնաբանություն

Վերջին լուրեր
1.Սերգեյ Մինասյանը՝ Ռումինիայում Հայաստանի նոր դեսպան
2.Լեհաստանի հայ համայնքի պատմությանը նվիրված գիտաժողով Վարշավայում
3.Լեզվի տեսչության ապագան. բացահայտում է Սերգո Երիցյանը
4.ՅՈՒՆԵՍԿՕ-ն կնշի Կոմիտասի եւ Թումանյանի հոբելյանները
5.Հայոց ցեղասպանության թանգարան-ինստիտուտը հայտարարում է Ռաֆայել Լեմկինի անվան 2018թ. կրթաթոշակի ծրագրի մեկնարկը
6.Հայ արվեստն ուսուցանող առաջին հայկական խաղը՝ «Արվեստ» խաղ-գիրքը կթարգմանվի նաեւ այլ լեզուների
7.Թաթուլ Հաճյանը Պրահայում նվաճել է «Կրիստալ Սթար» միջազգային երաժշտական փառատոնի գլխավոր գավաթը
8.,,Կոմիտաս,, քառյակն ու շնորհալի հայ երեխաները ներկայացան ավստրիացի հանդիսականներին
9.Մեկ մլրդ. ԱՄՆ դոլարի ներդրում՝ Հայաստանի էներգետիկայի ոլորտում
10.Հենրիխ Մխիթարյանի շապիկը աճուրդին վաճառվել է 20 հազար ԱՄՆ դոլարով. կանադահայերը 530 հազար դոլար են նվիրել Հայաստան հիմնադրամին
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայաստանի տիկնիկային թատրոնը հաղթեց Պրահայի միջազգային փառատոնում
6.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
7.Հայ բժշկուհիները օդանավում փրկեցին չինուհու կյանքը
8.Չեխիայի խորհրդարանը ճանաչեց Հայերի ցեղասպանությունը
9.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2017
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: