ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
26 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ուրախ կլինեմ եթե Իլհամ Ալիեւն էլ իր որդուն ուղարկի առաջնագիծ ծառայելու. Նիկոլ Փաշինյան

26 հուլիսի, 2018 | 13:56

Ռուսական «Էխո Մոսկվի» ռադիոկայանի համահիմնադիր, գլխավոր խմբագիր ու հաղորդավար Ալեքսեյ Վենեդիկտովը Երեւանում բացառիկ հարցազրույց է ունեցել ՀՀ վարչապետ Նիկոլ Փաշինյանի հետ: Խոսվել է հայ-ռուսական հարաբերությունների, Ռուսաստանի կողմից Ադրբեջանին զենք վաճառելու, ղարաբաղյան հակամարտության, վարչապետի որդու՝ առաջնագիծ մեկնելու, Պուտինի հետ ունեցած հանդիպումների մասին:

Վարչապետը պատմել է, որ իր համար մեծ պատիվ է ունենալ ժողովրդի սերն ու վստահությունը, այդ սերը զգալով մեծ պատասխանատվությամբ ծառայել հայ ժողովրդին ու Հայաստանին:

Վենեդիկտովը Ն. Փաշինյանից հետաքրքրվել է, թե ինչպես էր վերջինս պատկերացնում ՌԴ նախագահ Պուտինի հետ հանդիպումն ու շփումը:

Ի պատասխան, վարչապետը նշել է, որ Ռուսաստանի Դաշնության նախագահ Վլադիմիր Պուտինի հետ շփումն ու քննարկումները շատ ավելի հեշտ ու հաճելի էին, քան իրեն թվում էր.

«Ես, անկեղծ ասած, այդ ամենն ավելի բարդ էի պատկերացնում։ Ինձ համար շատ հաճելի անակնկալ էր այն, որ նա ուղիղ եւ անկեղծ մարդ է։ Ի՞նչն է ինձ գոհացնում մեր հարաբերություններում։ Այն, որ մենք ամենի մասին խոսում ենք ուղիղ ու անկեղծ։ Մոսկվա իմ վերջին այցից հետո ես ասել եմ, որ Հայաստանի ու ՌԴ-ի միջեւ հարաբերություններում չպետք է լինեն մութ անկյուններ։ Դա չի նշանակում, որ մենք միշտ ամեն հարցում համաձայն ենք լինելու միմյանց հետ, այլ նշանակում է՝ մենք պարզապես անկեղծ ենք լինելու շփման մեջ»,- ասել է Նիկոլ Փաշինյանը։

Զրույցի ընթացքում Վենեդիկտովը հետաքրքրվել է Պուտինի հետ հանդիպման ժամանակ Հայաստանի վարչապետի բարձրացրած հարցից՝ Ադրբեջանին զենք վաճառելու մասին, Փաշինյանը դրական պատասխան է տվել, հաստատել, որ նման խոսակցություն եղել է, սակայն չի ցանկացել բացել քննարկման ամբողջ մանրամասները։

Խոսելով ղարաբաղյան հակամարտության մասին, Ն. Փաշինյանը նշել է, որ այս պահին տարածաշրջանում լարված իրադրություն է. «Ադրբեջանը ագրեսիվ քաղաքականություն է վարում, կա պատերազմի մեծ հավանականություն, մենք պետք է պատրաստ լինենք այդ ամենին: Նաեւ ավելի վաղ ես նշել եմ, որ Ռուսաստանն ունի բավարար լծակներ՝ այդ ամենը թույլ չտալու համար, եւ ես չեմ կարող հավատալ, որ Ռուսաստանն այդ լծակները չի կիրառի»:

Խոսելով իր որդու՝ Աշոտ Փաշինյանի՝ Արցախում ծառայության մեկնելու եւ առաջնագծում ծառայության անցնելու մասին, վարչապետը փաստել է, որ շատերը դա կարող են ընկալել որպես ագրեսիվ դրսեւորում, մինչդեռ ընդհակառակը՝ դա խաղաղասեր քայլ է, որովհետեւ իր որդուն Արցախ ուղարկելով ինքը հաստատում է, որ չի ցանկանում այնտեղ պատերազմ լինի:

«Աստված մի արասցե, որ զոհվի իմ որդին, մեր մյուս հայրենակիցների որդիները, ադրբեջանցի շարքային քաղաքացիների որդիները։ Ես ուրախ կլինեի, որ Իլհամ Ալիեւն էլ ուղարկեր իր որդուն այնտեղ ծառայելու։ Որովհետեւ եթե նրա որդին այնտեղ ծառայի՝ ես դա կընկալեմ որպես խաղաղասեր քայլ, եւ մենք բոլորս համոզված կլինենք, որ պարոն Ալիեւը նույնպես չէր ցանկանա, որ իր որդին զոհվեր»,- ասել է ՀՀ վարչապետը։

Armtimes


Առնչվող նյութեր
1. Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
2. Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
3. Նիկոլ Փաշինյան. Մենք մեզ համար ազգովի բացել ենք երազանքները կյանքի կոչելու ժամանակաշրջան
4. Հայաստանում սկսվել է մի նոր գործընթաց, որը կտարածվի աշխարհում. ասել է Նիկոլ Փաշինյանը ֆրանսահայերին
5. Հայաստանի և Վրաստանի վարչապետների հանդիպում. առևտրաշրջանառությունը հասցնել 1 մլրդ ԱՄՆ դոլարի մակարդակի
6. «Բարեգործության տրամաբանությունը պետք է փոխարինենք աշխատանքի տրամաբանությամբ». ՀՀ վարչապետը Մոսկվայում հանդիպել է ռուսաստանաբնակ հայազգի գործարարներին
7. Ի՞նչ անել, որպեսզի մեր հարաբերությունները հետագայում էլ ավելի դինամիկ զարգանան. ասել է Փաշինյանը Պուտինին
8. Թումո կենտրոնի ղեկավարներին վարչապետը խոստացել է աջակցել տեղեկատվական և բարձր տեխնոլոգիաների զարգացմանը
9. Արա Բաբլոյանը Հայաստանի նախագահի ու վարչապետի հետ քննարկել է ներքաղաքական վիճակը
10. Վարչապետ Նիկոլ Փաշինյանի անունից` ի պատիվ ԳԴՀ կանցլեր Անգելա Մերկելի, տրվել է պաշտոնական ընթրիք

Մեկնաբանություն

Վերջին լուրեր
1.Սարմեն Բաղդասարյանը` Քուվեյթի Պետությունում Հայաստանի արտակարգ և լիազոր դեսպան
2.Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
3.Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
4.Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
5.«Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
6.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
7.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
8.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
9.Նորվեգիա. Հայկական խաչքարի օրհնություն և օծում Կրագերո քաղաքում
10.Հայրիկ Մուրադյանի «Հայրենի երգեր» ժողովածուն ներկայացվել է Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: