ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ուշագրավ համերգների և դասախոսությունների շարքը հայկական երաժշտությունը հասցրեց Ասիա՝ կամրջելով դարավոր ժողովրդական ավանդույթները

11 սեպտեմբերի, 2018 | 20:03

 

Երաժշտությունն իրավամբ գերագույն համամարդկային լեզուն է, որն ի չիք է դարձնում աշխարհագրական հեռավորություններն և մերձեցնում մշակույթները: Այս ամառ հայկական և ասիական ժողովրդական ավանդույթները ներդաշնակորեն միահյուսվեցին՝ Չինաստանում և Ճապոնիայում տեղի ունեցած մի շարք համերգների և ուշագրավ դասախոսությունների միջոցով:

Organized by the AGBU Performing Arts Department and Arev Arts Ensemble and Foundation, a concert titled “East and West Music” featured well-known musicians from Armenia, Japan, Spain and the United States.

Կազմակերպված լինելով ՀԲԸՄ կատարողական արվեստների բաժնի կողմից (ԿԱԲ)` այս միջոցառումները տարածեցին հայկական մշակույթը Հեռավոր Արևելքում և խթանեցին մշակութային համագործակցությունը: «Այս շրջագայությունը հայկական ժառանգությունը համաշխարհային լսարանին հասցնելու և նոր ծագող տաղանդներին աջակցելու մեր առաքելության ևս մեկ դրսևորում էր», – ասաց դաշնակահար և ՀԲԸՄ ԿԱԲ տնօրեն Հայկ Արսենյանը:

The Cadillac Shanghai Concert Hall and the AGBU Performing Arts Department hosted a sold-out concert titled “Sounds of the Silk Road: From Armenia to China” in Shanghai, China.

Համերգների ու դասախոսությունների շարքը մեկնարկեց մայիսի 28-ին Չինաստանի Շանհայ քաղաքում ՀԲԸՄ և Cadillac Shanghai համերգասրահի կողմից հյուրընկալված համերգով՝ լեփլեցուն դահլիճում: «Մետաքսի ճանապարհի հնչյունները. Հայաստանից մինչև Չինաստան» խորագիրը խոսում էր չին-հայկական կապերի էության մասին, որոնք գալիս են միջնադարից, երբ Մետաքսի ճանապարհը զարկ տվեց երկու ազգերի միջև առևտրին: «Տարիներ շարունակ ապրելով Շանհայում՝ ես հասկացել եմ, որ Հայաստանն ու Չինաստանը բազմաթիվ նմանություններ ունեն: Երկու երկրներն էլ ունեն դարավոր պատմություն, հսկայական մշակութային ժառանգություն և հրաշալի ավանդական երաժշտություն», – ասաց համերգի գեղարվեստական ղեկավար Աստղիկ Պողոսյանը, ով նաև Շանհայի սիմֆոնիկ նվագախմբի նախագահի օգնականն է: «Կարևոր է, որ մենք շարունակենք առաջ տանել և ներկայացնել մեր մշակույթը այլ երկրներում, որովհետև հայկական մշակույթն առաջարկելու այնքան բան ունի, և մենք պետք է անենք ամեն ինչ, որ այն հասանելի լինի հնարավորինս մեծ թվով մարդկանց: Հուսով եմ, մենք դա Ասիայում անելու ավելի շատ հնարավորություններ կունենանք»:

 

Հայաստանը, Չինաստանը, Ֆրանսիան, Ինդոնեզիան, Մալայզիան և Միացյալ Նահանգները ներկայացնող երաժիշտները կատարեցին մի յուրօրինակ ծրագիր՝ միաձուլելով հայկական և չինական ժողովրդական մեղեդիները, որոնք կատարվեցին կամ որպես առանձին հատվածներ կամ որպես միքսեր՝ արևմտյան դասական կամ ավանդական չինական երաժշտական գործիքներով: «Առաջին անգամ է, որ ավանդական չինական գործիքով այլ երկրի ժողովրդական երաժշտություն եմ նվագում», – ասաց գուժենգահար Լյու Յու Քսիանը: «Ես շատ երջանիկ եմ և հպարտ նման հնարավորություն ունենալու և այս մշակույթին ծանոթանալու համար»:

Yas Tarumi, a duduk player from Japan, joined pianist and PAD Director Hayk Arsenyan to play traditional and classical Armenian music at Waseda University.

Այս համերգով նաև նշանավորվում է Շանհայի երաժշտական կոնսերվատորիայի և ՀԲԸՄ միջև բեղմնավոր համագործակցության շարունակությունը, որը մեկնարկել է 2015թ., երբ կոնսերվատորիայի ուսանողները կազմակերպեցին ավանդական հայկական երգի կատարումը Քարնեգի համերգասրահում (NYSEC) ՀԲԸՄ արվեստագետ-կատարողների 8-րդ համերգի ժամանակ:

 

Շրջագայությունը շարունակվեց «Արևելքի և Արևմուտքի երաժշտությունը» խորագրով համերգով, որը տեղի ունեցավ հունիսի 1-ին Ճապոնիայի մայրաքաղաք Տոկիոյի Ցունոհազու Կումին սրահում: Համերգը կազմակերպվել էր ՀԲԸՄ և Arev Arts անսամբլի և հիմնադրամի կողմից, և այն Ճապոնիայում Հայաստանի դեսպանության կողմից Տոկիոյում պարբերաբար անցկացվող հայկական մշակույթի շաբաթվա մաս էր կազմում: Այս մշակութային միջոցառումը հայկական ժառանգությանը հայացք ձգելու հնարավորություն ընձեռեց Ճապոնիայի լսարանին. մի երկիր, ուր հայերը պատմականորեն զգալի ներկայացվածություն չեն ունեցել, և միայն վերջերս է փոքրիկ համայնք ձևավորվել: «Վերջին մի քանի տարիներին Ճապոնիայում Հայաստանի դեսպանությունը Տոկիոյում հայկական մշակույթի շաբաթներ է կազմակերպում: Հայաստանը և սփյուռքը ներկայացնող արվեստագետները, երաժիշտներն ու արհեստագործները, ինչպես նաև Հայաստանի ճապոնացի բարեկամները ցուցադրում են իրենց արվեստն ու կատարում մշակույթների կամրջի դեր՝ նշանավորելով երկու երկրների միջև բարեկամական կապերը: Մենք ուրախ ենք, որ այս տարի ՀԲԸՄ կատարողական արվեստների բաժինը մեր կարևոր գործընկերն էր», – նշեց Ճապոնիայում Հայաստանի դեսպան Հրանտ Պողոսյանը: Նա շարունակեց՝ նշելով, որ ի շնորհիվ փայլուն կատարումների ու դասախոսությունների, տեղացիները հնարավորություն ունեցան ավելի լավ ընկալելու հայկական մշակույթը:

 

Երեկոյին մասնակցեցին հանրահայտ երաժիշտներ Հայաստանից, Ճապոնիայից, Իսպանիայից և Միացյալ Նահանգներից, ովքեր նվագեցին դաշնամուր, ջութակ և կոտո (ճապոնական քնար): «Հուսով եմ, որ ՀԲԸՄ կատարողական արվեստի բաժնի հետ մեր համագործակցությունը կշարունակվի և հայկական մշակույթը Ճապոնիայում ներկայացնելու ավելի շատ հնարավորություններ կընձեռի», – ասաց Arev Arts անսամբլի և հիմնադրամի տնօրեն և հիմնադիր Կարեն Իսրայելյանը:

 

Համերգներին հաջորդեցին Արսենյանի դասախոսությունները, նախ՝ Հոնգ Կոնգի Համալսարանում, ապա՝ Տոկիոյի Waseda Համալսարանում, որը մեծությամբ երկրորդ համալսարանն է Ճապոնիայում: Նա անդրարձավ հայկական պատմությանը, մշակույթին, երաժշտությանը և ՀԲԸՄ տարբեր ծրագրերին, այդ թվում՝ ՀԲԸՄ երաժշտական Հայաստան ծրագրին: Ճապոնացի դուդուկահար Յաս Տարումին միացավ Արսենյանին՝ Waseda համալսարանում կատարելով ավանդական և դասական հայկական երաժշտություն: «Սա մեր երաժշտությունն ու մշակույթը Ասիայի ժողովրդին ներկայացնելու հիանալի հնարավորություն էր՝ մեր ժողովրդական մեղեդիների յուրօրինակ մեկնաբանություններով», – եզրափակեց Արսենյանը:

Հայկական Բարեգործական Ընդհանուր Միությունը (ՀԲԸՄ) սփյուռքի հնագույն, համաժողովրդական և համահայկական կազմակերպությունն է: Հիմնված լինելով 1906 թվականին՝ ՀԲԸՄ-ի գլխամասային գրասենյակը գտնվում է Նյու Յորքում: ՀԲԸՄ-ը կրթական, մշակութային և մարդասիրական ծրագրերի միջոցով պահպանում և զարգացնում է հայկական ինքնությունն ու ժառանգությունը՝ յուրաքանչյուր տարի ազդեցություն ունենալով աշխարհով մեկ սփռված շուրջ 500,000 հայերի կյանքի վրա:

 

ՀԲԸՄ-ի և իր աշխարհասփյուռ ծրագրերի մասին հավելյալ տեղեկություն ստանալու համար կարող եք այցելել՝ www.agbu.org:

 


Առնչվող նյութեր
1. Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
2. Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
3. Նոր հնարավորություներ՝ Հայաստանի ֆրանսախոսների համար
4. ՀԲԸՄ-ն սգում է հայ ժողովրդի հպարտություն Շառլ Ազնավուրի կորուստը
5. Ամենայն Հայոց Կաթողիկոսը և ՀԲԸՄ նախագահը քննարկեցին հայրենական կյանքին և Սփյուռքին վերաբերող հարցեր
6. ՀԲԸՄ-ը նոր թափով պիտի սկսի հասարակական-տնտեսական ծրագիրներու իրականացումը
7. Հ.Բ.Ը.Մ.-Ը ՈՒՍՈՒՄՆԱԿԱՆ ԴՐԱՄԱՇՆՈՐՀՆԵՐ ԿԸ ՏՐԱՄԱԴՐԷ ԼՈՅՍ ՀԻՄՆԱԴՐԱՄԻ ԼՈՒԾԱՐՄԱՆ ՊԱՏՃԱՌՈՎ ՏՈՒԺԱԾ ՈՒՍԱՆՈՂՆԵՐՈՒ
8. ՀԲԸՄ-ն խթանում է Հայաստանի և Սփյուռքի միջև նոր շփումները
9. Creative Armenia-ն և Հայկական Բարեգործական Ընդհանուր Միությունը հայտարարում են նորարար տաղանդավոր արվեստագետներին օժանդակող ծրագրի մեկնարկը
10. ՀԲԸՄ-ն ներկայացնում է անհրաժեշտ էլեկտրոնային գրքեր ու հավելվածներ Հայաստանի մասին

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: