ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Շնորհակալություն, Միքայել

31 մայիսի, 2017 | 20:42

 

,,Վերջապես երազանքս կատարվեց եւ ես եկա Պրահա,,-այս խոսքերով սկսեց մայիսի 28-ին Չեխիայի մայրաքաղաքի գրադարանի դահլիճում  չեխահայության հետ հանդիպումը  անվանի դերասան ու ռեժիսոր, պրոդյուսեր, Հայաստանի ժողովրդական արտիստ Միքայել Պողոսյանը։ Հանդիպումը վերածվեց կարոտի ու հայրենասիրության մի գեղեցիկ զրույցի, որի վերջակետը դրեց ,,Thank you, հայրիկ,, ֆիլմի ցուցադրությունը (սցենարի հեղինակը, պրոդյուսերը եւ գլխավոր դերակատարներից մեկը Միքայել Պողոսյանն է, ռեժիսորը՝ Հրաչ Քեշիշյանը)։

Ձեռնարկի սկզբում Չեխիայի հայության հոգեւոր հովիվ Բարսեղ վարդապետ Փիլավչյանի  օրհնության խոսքից ու Չեխիայում Հայաստանի դեսպան Տիգրան Սեյրանյանի մայիսի 28-ի խորհրդին անդրադառնալուց եւ բարեմաղթանքներից հետո, կազմակերպիչներին իր շնորհակալանքի խոսքը հայտնեց սիրված դերասանը։

Ֆիլմի ուղերձը համահունչ էր օրվա զրույցին ու տրամադրությանը՝ հայություն, հայկական աշխարհ, հայրենիք, հայրենադարձություն եւ, իհարկե, արվեստ ու մշակույթ։

Պատասխանելով ներկաների հարցերին, Միքայել Պողոսյանը նշեց նաեւ, որ հաճախ է իր արտասահմանյան ուղեւորությունների ընթացքում հանդիպում երեւանցիների, իր քաղաքի կարոտն առնում նրանցից, եւ համոզված է, որ գալու է այն օրը, երբ բոլոր  կհավաքվեն Երեւանում։ ,,Երեւանը պատրաստում ենք Ձեր գալուստին,,-ասաց նա ու անդրադարձավ ներկա վիճակին, նշելով, որ դրա համար մեղավոր են բոլորը։

,,Գիտակցենք, որ դժվար օրեր միշտ լինում են, ամեն մեկս փորձենք մեր սկզբունքներից ելնելով, աջակցել, որպեսզի  հայրենիքը դառնա բոլորի երազած երկիրը,,-շեշտեց Միքայել Պողոսյանը։ Նա նաեւ անդրադարձավ վերջերս Երեւանի ավագանու ընտրություններում իր թեկնածության հետ կապված խոսակցություններին, նշեց, որ թեեւ ընտրվել էր, բայց հրաժարվեց մանդատից, քանի որ ինքը չի կարող որեւէ կուսակցության մեջ մտնել եւ քաղաքական շահարկումներն իր համար չեն։

Անվանի արվեստագետը խոսեց կինոյում իր վերջին դերակատարումների, թատրոնի ու դերասանական  երիտասարդ  տաղանդավոր սերնդի մասին։ Վերջին ֆիլմը՝ ,,Լորիկը,, որի նկարահանումներն արդեն ավարտվել են, շուտով կներկայացվի հանդիսատեսի դատին։  Ֆիլմն այն մասին է, թե ինչպես կարելի է մարդկանց արվեստի միջոցով բուժել։

Միքայել Պողոսյանի եռագրության երրորդ ֆիլմը՝ ,,Thank you, հայրիկ,,ը ներկաները դիտեցին կլանված եւ արցունքոտ աչքերով դուրս եկան դահլիճից։ Ֆիլմը հուզել էր նաեւ Միքայելին, ով չթաքցրեց, որ այն առաջին անգամ դիտեց իբրեւ հասարակ հանդիսատես, ու զգալով դահլիճի անմիջական արձագանքներն, ինքն էլ ապրեց ֆիլմի բոլոր դրական ազդեցությունները։

Արվեստագետը մեծ է այնքանով, թե որքանով  է նրան հաջողվում  մարդկանց մեջ արթնացնել զգացմունքներ, հուզել նրանց հոգեկան աշխարհը, եւ ամենակարեւորը ներկայի ու ապագայի մասին մտորելու առիթներ պարգեւել։ Համոզված եմ, որ ֆիլմը բոլորին մտորելու առիթներ տվեց, ավելին, օրվա հերոսին մոտեցող հանդիսականները  միայն ասում էին ՝ ,,Շնորհակալություն, Միքայել,, կամ ,, Thank you, Միշա,,։

Այսօր Միքայել Պողոսյանի ծննդյան օրն է։ Շնորհավորում ենք մեր տաղանդավոր հայրենակցին եւ մաղթում ստեղծագործական անվերջանալի վերելքներ, նոր նախագծեր եւ իհարկե, նոր հանդիպումներ ոչ միայն սփյուռքում, այլեւ Երեւանում։

Հ. Ասատրյան

Պրահա

ՕՐԵՐ


Առնչվող նյութեր
1. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
2. Բացառիկ հայկական ցուցահանդես՝ չեխական հրաշագեղ դահլիճում
3. Հայկական գանձերի աննախադեպ ցուցահանդես ՝ Պրահայի Ստրահովի գրադարանի Աստվածաբանական դահլիճում
4. Հոգեհանգստյան կարգ տեղի ունեցավ Պրահայի Սուրբ Հոգի եկեղեցում, իսկ ՀՀ դեսպանությունում ցավակցություններ գրանցվեցին սգո մատյանում
5. Չեխահայ Նշան Ավետիսյանը մասնակցում է Ֆրիդեկ Միստեկի տեղական ընտրություններին
6. Վիկտոր Աղաթելյանը դարձավ Չեխիայի թիվ մեկ բռնցքամարտիկ
7. Պրահա. «Կադանս»ի առաջին համերգն հոյակապ էր, նույնիսկ կոտրված ջութակը չխանգարեց
8. Կարինե Արթունին վերանորոգել է Պրահայի քաղաքապետարանի հին աշտարակի զինանշանները
9. Կյանքից հեռացավ հայ ժողովրդի մեծ բարեկամ պրոֆ. Էվժեն Կինդլերը
10. Հայ երեխաները դարձան Պրահայի միջազգային երաժշտական փառատոնի դափնեկիրներ

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: