ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Շանթ 2015» զորավարժությունները շարունակվում են

05 սեպտեմբերի, 2015 | 08:47
Movses HakobyanՀայաստանի Հանրապետության տարածքում շարունակվում են սեպտեմբերի 3-ին մեկնարկած «Շանթ 2015» ռազմավարական հրամանատարաշտաբային զորավարժությունները:
Համապետական նշանակության «Շանթ-2015» զորավարժությունը պլանային բնույթի է և նպատակաուղղված է պաշտպանությանը պետության անմիջական նախապատրաստության և ագրեսիայի հետմղման ընթացքում պետական և ռազմական կառավարման մարմինների զորահավաքային նախապատրաստության, պատրաստականության բարձր աստիճանների բերման ունակության վերստուգմանը, փոխգործակցության և գործողությունների ներդաշնակության մակարդակի բարձրացմանը:
Պետական և ռազմական կառավարման մարմինների հետ անցկացվող զորավարժության մտահաղացման, նպատակների և արդեն իրականացված միոջոցառումների վերաբերյալ սեպտեմբերի 4-ին լրատվամիջոցների ներկայացուցիչների հետ հանդիպման ընթացքում մանրամասներ է ներկայացրել ՀՀ ԶՈւ ԳՇ պետի տեղակալ, գեներալ-լեյտենանտ Մովսես Հակոբյանը:
Ընդգծվել է, որ զորավարժություններն աննախադեպ են իրենց մասշտաբներով: Դրանցում ներգրավված են հանրապետության բոլոր պետական գերատեսչությունները:
Հաշվի առնելով Հայաստանի շուրջ և մերձակա տարածքում ստեղծված ռազմաքաղաքական իրադրությունը՝ զորավարժության սցենարում առկա է մտացածին հակառակորդ և իրավիճակն առավելապես համապատասխանեցված է իրականությանը: Զորավարժությունների շրջանակում խաղարկվում են բազմաթիվ բարդ խնդիրներ, հավանական իրավիճակներ, որոնք կարող են լինել պատերազմական գործողությունների ժամանակ:
Զորավարժության սցենարի համաձայն՝ սեպտեմբերի 4-ին ՀՀ պետական պատկերասրահում և Մատենադարանում կազմակերպվել է աշխատակազմի և ունեցվածքի տարհանում, «Էրեբունի» բժշկական կենտրոնում տեղադրվել են հավելյալ 100, Արտաշատի հիվանդանոցում` լրացուցիչ 50 մահճակալներ պայմանական վիրավորների համար:
Խաղարկային սցենարի համաձայն՝ այսօր ժամը 18:00-ից բնակչության պայմանական տարհանման նպատակով Երևանում՝ Հանրապետության հրապարակում, 30 ավտոբուսից բաղկացած շարասյուն է ձևավորվելու: Երևանի Ավան թաղամասում խաղարկվելու է պայմանական պարետային ժամ:
mil.am

Առնչվող նյութեր
1. Հայ զինծառայողները Գերմանիայում մասնակցում են բազմազգ զորավարժությանը

Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: