ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նոր գիրք. «Բոլոնիայի գործընթացի ուղենիշները. Երևանից Փարիզ»

20 հոկտեմբերի, 2017 | 08:45

ԿՐԹԱԿԱՆ ԲԱՐԵՓՈԽՈՒՄՆԵՐԻ ՁԵՌՔԲԵՐՈՒՄՆԵՐՆ ՈՒ ՀԵՌԱՆԿԱՐՆԵՐԸ

«Էդիթ-Պրինթ» հարատարակությունը լույս Է ընծայել բանասիրական գիտությունների դոկտոր, պրոֆ. Սերգո Երիցյանի և տնտեսագիտության դոկտոր, պրոֆ. Արմեն Ճուղուրյանի համահեղինակած “Բոլոնիայի գործընթացի ուղենիշերը. Երևանից Փարիզ” խորագրով վերլուծական ձեռնարկը:

Գաղտնիք չէ, որ Բոլոնիայի գոր­ծըն­թացի քսանամյա զարգացումների ընթացքում եղան և ձեռք­բերումներ, և նաև դժվարություններ։ Մասնավորապես գործընթացին մասնակից բոլոր երկրներն էլ մեկ տասնամյակ անց համոզվեցին, որ կրթական բարեփոխումները երկար ժամանակ են պահանջում։ Եվ պատահական չէ, որ Բոլոնիայի գոր­ծըն­թացի զարգացումները թևակոխել են երկրորդ տասնամյակի վերջը: Սակայն, որքան էլ որ այդ գործընթացի ընթացքում ձեռքբերված արդյունքները բազմազան ու նպատակային են, այնուամենայնիվ՝ բավարար չեն ոչ միայն մեր հանրապետությունում, այլև Բարձրագույն կրթական եվրոպական տարածքի (ԲԿԵՏ) երկրներում անհրաժեշտ որակի կրթություն ապահովելու գործում, քանի որ կրթությունը միշտ էլ զարգանում է կյանքին համընթաց:

Բնակա­նաբար, ստեղծված աշխարհաքաղաքական բարդ իրավիճակը չէր կարող չանդրադառնալ Բոլոնիայի գործընթացի հետագա ընթացքի վրա, որի մասին համընդհանուր կողմերով նշվեց նաև Երևանյան հռչակա­գրում (2015) և իր հրատարակված ձեռնարկում ներկայացված է խորը վերլուծությամբ:

Գրքում հեղինակները ներկայացնում են նաև Բոլոնիայի համաձայնագրի զարգացումները, միասնական կրթական տարածքի ձևավորման ճարտարապետությունը, այն արդյունքները, որոնց հիմնական սկզբունքների  արմատավորման գործում հասել են մասնակից երկրները:

Սկզբունքորեն անդրադառնալով Բոլոնիայի  գործընթացի  քսանամյա հետագծին` հեղինակները  շեշտը դնում են այն իրողությանը, որ բարեփոխումները կրթական ասպա­րեզում ժամանակատար՝ երկար ժամանակ պահանջող են, քանի որ առաջ են գալիս տարբեր իրավիճակներ` տարբեր երկրների հնարավորություններից ելնելով: Մի կողմից՝ կյանքին համաքայլ լինելու  իրողությունը, աշխատաշուկայի պահանջները հաշվի առնելու  գործոնները, մյուս կողմից էլ` ինտեգրման, ընդհանուր  տարածք ձևավորելու անհրաժեշտությունը ավելի կշռադատված, ծրագրային  ու  հեռահար են դարձնում  կատարվող քայլերը: Այս պարագայում հրամայական է դառնում  կրթական տարածքը ավելի ու ավելի բաց պահելու անհրաժեշտությունը, մասնավորապես ապահովելու, ինչպես ուսանողների, այնպես էլ դասախոսների շարժունակությունը: Մանավանդ, որ նման զարգացումները արդեն ձևավորել են կրթական երեք  աստիճանների անելիքները: Եվ եթե Հայաստանի կրթական տարածքը ընդհանուր առմամբ  անցում է կատարել  առաջին երկու աստիճաններին` բակալավրիատ ու մագիստրատուրա, ապա դոկոտորանտուրայի աստիճանը դեռևս լիովին գիտակցված, ընկալված, մշակված չէ: Հեղինակները դրան անդրադառնում են «Հետբուհական կրթության հիմնախնդիրները» հատվածի շարադրանքում:

Ինչ խոսք, որ ամփոփելով  իրենց ասելիքը  << Փարիզյան գագաթնաժողովին ընդառաջ >> գլխում  ձգտել են ներկայացնել այն խնդիրները, որոնք ծառայացած են կրթական համակարգի առջև:

Օրինակ Երևանյան գագաթնաժողովում,  բարձրացվեց  կրթական աստիճանների  ավտոմատ ճանաչման  մեխանիզմների ստեղծումը` առաջին պլան մղելով  կրթական աստիճանների  ճանաչման  դյուրացումը:  Ընդգծվեց նաև, ժամանակն է, որ  փոխ­վստահության միջոցով  քանակական ցուցանիշներից անցում  կատարվի որակակա­նին:

Հեղինակները ընդհանրացնելով ասելիքը ընդգծում են, որ «ներկայիս գլոբալացումը,  փակ տեխնոլոգիական զարգացումները  ուսուման նոր ձևեր են  պահանջում: Ուսանողա­կենտ­­րոն  ուսուցումը և շարժունությունը  ուսանողներին կօգնեն զարգացնել կարողություններ, որոնք նրանց անհրաժեշտ են փոփոխվող աշխատաշուկայում»:

Բոլոնիայի գործընթացի հաջորդ հան­գրվանը Փարիզի գագաթնաժողովն է, որը ձեռնարկի հեղինակ­ներին նոր խոհերի ու մտորումների առիթներ կարող է տալ: Իրոք, բարձրագույն կրթության եվրոպական տարածքի ձևավորման ուղղությամբ նոր հիմնախնդիրներ են առաջ գալիս Երևանից Փարիզ ճանապարհին, և սպասում իրենց լուծումներին, օրինակ, մասնավորապես, թե ինչո՞ւ է դանդաղում կրթական արդյունքների փոխճանաչման գործընթացը, կամ թե ինչո՞ւ է դեռևս ոչ այնքան լավ վիճակում գտնվում ուսանողների շարժու­նությունը եվրոպական կրթական տարածքում:

Ահա այս և նմանատիպ հարցադրումներով են հանդես գալիս հեղինակները,  հանրության դատին հանձնելով Բոլո­նիայի գործընթացի հետագա ուղենիշներին առնչվող իրենց մեկ­նա­բանություններն ու մտորումները, որոնք ոչ միայն կհետաքրքրեն կրթության կառավարիչներին, ուսանող­ներին և պրոֆեսորադասախոսական համակազմին, այլև կրթա­կան բարեփոխումներին  հետամուտ լինող ընթերցողին:

 

Կարինե Տիտանյան

 

 

 

 


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. Հանրակրթության հիմնական խնդիրը ոչ ճիշտ կառավարումն է
3. Հայ-բուլղարական կրթական պայմանագրի ստորագրում Սոֆիայում
4. Մամուլի օր. հին ու նոր «Ազդարարներ»
5. Թումանյան` մեծ նվիրյալը
6. Համագործակցության և բարեկամության ներկապնակի գույները
7. Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
8. Վանում մեծ ոճրագործություններ են կատարվել. Հովսեփ Թոքատ
9. Ֆիզմաթ. ժամանակը կրթության մեջ
10. Կրթության խնդիրները, գումարները, հարգանքն ու ապագան. հանդիպում- քննարկում

Մեկնաբանություն

Վերջին լուրեր
1.Քիմիական զենքի կոնվենցիայի մասնակից պետությունների 23-րդ կոնֆերանսը
2.Գավառում վերաբացվեց Լևոն Քալանթարի անվան դրամատիկական թատրոնը
3.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
4.Մտորումներ Լատվիայի անկախության 100-ամյակի առթիվ
5.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
6.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
7.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
8.Եվրամիությունը աջակցում է «Հայաստանում ընտրական գործընթացների աջակցություն» ծրագրին
9.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
10.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: