ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
25 մայիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նիկոլ Փաշինյան. Սփյուռքի ներկայացուցիչները պետք իրենց ավելի ու ավելի ինտեգրված զգան Հայաստանում

16 մայիսի, 2018 | 14:57

«Մեր նպատակը մեծ հայրենադարձությունն է, սփյուռքի ներուժը Հայաստանում կենտրոնացնելը». ՀՀ վարչապետ Նիկոլ Փաշինյանն այցելեց սփյուռքի նախարարություն

Մայիսի 15-ին ՀՀ վարչապետ Նիկոլ Փաշինյանը սփյուռքի նախարարությունում ներկայացրեց նորանշանակ նախարար Մխիթար Հայրապետյանին: Հանդիպմանը ներկա էր սփյուռքի նախկին նախարար Հրանուշ Հակոբյանը:

Վարչապետը կարևորեց սփյուռքի ներուժի ներգրավման համար բավարար պայմանների ստեղծումը: «Սփյուռքի հետ հարաբերակցության մեր գլխավոր խնդիրըը, որ պետք է դնենք, մեծ հայրենադարձությունն է: Դա ենթադրում է նաև կապիտալի, մտավոր պոտենցիալի հայրենադարձություն: Պետք է արձանագրենք այդ պրոցեսի ողջ բարդությունը, հայրենադարձության առաջին փուլում պետք է ստեղծենք աշխատատեղեր, որպեսզի ապահովենք երկրորդ փուլում ոչ միայն վերադառնալը, այլև Հայաստանում ապրելու պայմանների գոյությունը:

Սփյուռքի հետ կապված մեկ այլ խնդրի մասին պետք է խոսեմ, որ իմ կարծիքով շատ հրատապ է: Այսօր Հայաստանի սահմանադրությամբ սահմանված են որոշ օրինագծեր, որոնք ըստ էության խոչընդոտում են սփյուռքի ներուժի ներգրավումը պետական կառավարման համակարգում: Եվ հատկապես, այս նոր իրավիճակում մենք պետք է լրջորեն մտածենք այդ խնդրի մասին, որը սահմանադրական խնդիր է և մեկ օրում չի լուծվի, բայց պետք է հնարավորինս արագ զբաղվենք այդ խնդրի լուծման ուղղությամբ: Պետք է փորձենք խնդրի լուծման այլընտրանքային տարբերակներ:

Սփյուռքի ներկայացուցիչները պետք իրենց ավելի ու ավելի ինտեգրված զգան Հայաստանում, պետք է զգան, որ իրենց ձայնը լսելի է, պետք է զգան իրենց լիարժեք շահառու և պոտենցիալ քաղաքացի: Եվ սփյուռքի նախարարությունը պետք է ապահովի այդ դաշտը, այդ հարթակը, որը առանց չափազանցության ռազմավարական առաջնահերթություն է մեր կառավարության համար: Հայաստանի Հանրապետության կառավարությունը պետք է ի վիճակի լինի իր շուրջ համախմբել ոչ միայն ՀՀ քաղաքացիներին, այլև սփյուռքի ներկայացուցիչներին: Արտագաղթի անիվը, որ հազար տարի պտտվում է, պետք է փորձենք ետ պտտել և արտագաղթը վերածել ներգաղթի: Ես համոզված եմ որ Հայաստանի Հանրապետության գոյության առանցքային իմաստը որպես պետություն՝ հայության գիտական, մշակութային, տնտեսական ներուժը կամ նրա զգալի մասը սեփական տարածքում կենտրոնացնելը և այդ ներուժի անվտանգությունը և բնականոն զարգացումը ապահովելն է: Ահա Հայաստանի կառավարության գոյության իմաստը և ռազմավարության առանցքը»:

Դիմելով Հրանուշ Հակոբյանին՝ վարչապետը շնորհակալություն հայտնեց նրան երկարամյա արդյունավետ աշխատանքի համար և շեշտեց. «Ըստ էության նախարարության հիմնադրման օրից նախարարն եք եղել, այս կառույցը զրոյից եք ստեղծել և հույս ունեմ, որ արդյունավետ և գործունյա կառույց է ձևավորվել»:

Հրանուշ Հակոբյանն իր հերթին, շնորհավորեց նախարար Մխիթար Հայրապետյանի նշանակումը, ապա ծննդյան տարեդարձը՝ նշելով, որ նրան է հանձնում արդեն կայացած, մեծ աշխատանք ու բազում հաջող ծրագրեր իրականացրած նախարարությունը։ Հրանուշ Հակոբյանը ողջունեց երիտասարդ նախարարների ներգրավումը կառավարության կազմում՝ նշելով, որ երիտասարդ տարիքը խոչընդոտ չի կարող հանդիսանալ լավ աշխատանքի համար: Նա իր պատրաստակամությունը հայտնեց նախարարության աջակիցը դառնալու։ «Թողնում եմ հարուստ տեղեկատվություն, մեծ կապեր ու հարաբերություններ, կայացած և գործուն թիմ, որը նոր նախարարի հետ պետք է շարունակի կարևոր ծրագրերը: Մաղթում եմ մեր նոր նախարարին և նախարարության աշխատակիցներին արդյունավետ աշխատանք և հաջողություն», – հավելեց նա:

Վարչապետը համոզմունք հայտնեց, որ սփյուռքի նորանշանակ նախարար Մխիթար Հայրապետյանը պատրաստ է նշված խնդիրները ամենժամյա, ամենօրյա ռեժիմով լուծել:

Սփյուռքի նախարարը շնորհակալություն հայտնեց վստահության համար և հավելեց. «Ուզում եմ շնորհակալության խոսք ասել տիկին Հակոբյանին նախարարությունը հիմնադրելու, հսկայական աշխատանքի համար և ուզում եմ ասել, որ ագահաբար կօգտվեմ Ձեր թողած հարուստ ժառանգությունից: Շնորհակալություն օգնելու, աջակցելու պատրաստակամության համար: Սա պետությանը, Հայրենիքին ծառայելու խնդիր է: Կարևորում եմ սփյուռքի նախարարության գոյությունը, որովհետև մենք՝ որպես պետություն ունենալով հզորանալու, զարգանալու տեսլական, իհարկե, պետք է լծվենք հայրենադարձություն կազմակերպելու գործին: Եվ այս իմաստով, ես նաև ստանձնել եմ այս չափազանց կարևոր ու պատասխանատու պաշտոնը, որովհետև ես ինքս ուզում եմ մի փոքր մասով մասնակից լինել այդ շատ կարևոր առաքելությանը»:

 


Առնչվող նյութեր
1. Նիկոլ Փաշինյանի հետ հանդիպումից հետո Գարեգին Չուգասզյանը դադարեցրեց հացադուլը
2. Գարեգին Չուգասզյանը շարունակում է հացադուլը. 30 օր
3. Կիպրոսի հայ համայնքի ներկայացուցիչ Վարդգես Մահտեսյանը հանդիպեց սփյուռքի նախարարին
4. Լեւոն Տեր-Պետրոսյանը զգուշացնում է. նոր կառավարության դեմ որոշ ակցիաներ հրահրվում են նաև նախկին ռեժիմի կողմից
5. ԱՄՆ նախագահ Թրամփը շնորհավորել է վարչապետ Փաշինյանին
6. Հայաստանի արտաքին քաղաքականության օրակարգում կան լրջագույն հարցեր. Նիկոլ Փաշինյան
7. Վարչապետ Նիկոլ Փաշինյանին շնորհավորական ուղերձ է հղել Չեխիայի Հանրապետության վարչապետը
8. Ինչպես չղեկավարել կառավարությունը և իշխանությունից զրկվել ժողովրդի կողմից
9. Սոչիում կայացել է Նիկոլ Փաշինյանի և Վլադիմիր Պուտինի հանդիպումը
10. Մեր նպատակը մեծ հայրենադարձությունն է, հայության մարդկային, ֆինանսական, տնտեսական ներուժը ՀՀ-ում կենտրոնացնելը. վարչապետը հանդիպել է Սոչիի հայ համայնքի ներկայացուցիչներին

Մեկնաբանություն

Վերջին լուրեր
1.Վարչապետը բարձրագույն սպայակազմին է ներկայացրել ԶՈւ գլխավոր շտաբի նորանշանակ պետ Արտակ Դավթյանին
2.Ազատ և երջանիկ Հայաստան կառուցելու գործընթացն անշրջելի է. Նիկոլ Փաշինյան
3.Հրաչուհի Բասենցն ու Լիպարիտ Ավետիսյանը երգելու են Քովենթ Գարդենի ,,Գարնանային Գալա,, համերգին
4.«Արի Պարի Քոչարի» համահայկական ֆլեշմոբ կանցկացվի Պրահայում, Ստրասբուրգում, Նիդերլանդներում եւ եվրոպական այլ երկրներում
5.Մենք հորդորում ենք անխախտ ու անսասան պահել մեր համազգային միասնականությունը. կոչ է անում հայ հոգեւորականությունը
6.Հանրապետության Նախագահի 2017 թվականի մրցանակները՝«Ռոբերտ Պողոսյան և որդիներ» հիմնադրամի կողմից
7.Նիկոլ Փաշինյանի հետ հանդիպումից հետո Գարեգին Չուգասզյանը դադարեցրեց հացադուլը
8.Գարեգին Չուգասզյանը շարունակում է հացադուլը. 30 օր
9.Հայաստանի պատմական քարտեզների ցուցադրություն Տարտուի համալսարանում
10.Շվեդիա. Առաջին Հանրապետությանը նվիրված դասախոսություն Մալմյոյի համալսարանում
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.«Միկոյանն իրադրության պատանդն էր, ինչ-որ չափով՝ ստալինյան զոհ»
10.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: