ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 օգոստոսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նիկոլ Փաշինյանն այցելել է Ռուսաստանի և Նոր Նախիջևանի թեմի Առաջնորդանիստ Սուրբ Պայծառակերպություն եկեղեցի

14 հունիսի, 2018 | 13:16

ՀՀ վարչապետ Նիկոլ Փաշինյանը և տիկին Աննա Հակոբյանը Ռուսաստան կատարած աշխատանքային այցի շրջանակում այցելել է Մոսկվայի Հայ Առաքելական եկեղեցու Ռուսաստանի և Նոր Նախիջևանի թեմի Առաջնորդանիստ Սուրբ Պայծառակերպություն եկեղեցի: Նրան այստեղ դիմավորել են Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանն ու հայ համայնքի բազմաթիվ ներկայացուցիչներ: Նիկոլ Փաշինյանը եղել է Սուրբ Պայծառակերպության Մայր տաճարում, կատարել մոմավառություն:


Վարչապետը շրջայց է կատարել Տապան թանգարանում՝ ծանոթացել այստեղ ներկայացված հայ մշակույթին և Հայ Առաքելական եկեղեցուն վերաբերող ցուցանմուշներին:
Նիկոլ Փաշինյանն այցելել է նաև եկեղեցական համալիրի տարածքում գտնվող Սուրբ Գրիգոր Նարեկացու անվան վարժարան, որն իր գործունեությունը կսկսի սեպտեմբերից: Վարժարանում կարող է սովորել մինչև 200 աշակերտ: Վարչապետ Փաշինյանը ծանոթացել է վարժարանում ստեղծված պայմաններին և հնարավություններին: Նշվել է, որ այն հագեցված է ժամանակակից սարքավորումներով: Վարժարանում դասավանդելու են բարձր որակավորում ունեցող դասախոսներ:

Ինչպես գրում է ԺԱՄ ամսագիրը Մոսկվայից, խմբագրություն ուղարկված գրեթե բոլոր նամակներում «ԺԱՄ»-ի ընթերցողները համեմատում էին սիրելի վարչապետի հետ ժողովրդի մոսկովյան և Սոչիի հանդիպումները:

Ամսագրի ֆեյսբուքյան էջում երեք հարց է ուղղվել վարչապետի մոսկովյան հանդիպումների կազմակերպիչներին։

Երեք հարց «ԺԱՄ» ամսագրի մեր ընթերցողներից Փաշինյանի հանդիպումները մոսկովյան հայերի հետ կազմակերպողներին.

1) Ինչո՞ւ ՀՀ վարչապետի հետ հանդիպումներին հրավիրված չեն մոսկովյան իրականության այն ներկայացուցիչները, որոնք օր ու գիշեր զորակցում էին հեղափոխական շարժմանը:

2) Արդյո՞ք ոչինչ չի փոխվել Թավշյա հեղափոխությունից առաջ և հետո ՀՀ պաշտոնական ներկայացուցիչների և մոսկվայաբնակ հայերի հետ հանդիպումների կազմակերպման ձևաչափի և բովանդակության մեջ:

3) Կատարվածն արդյոք համընկնո՞ւմ է ձևավորվող Հայստան-Սփյուռք նոր հարաբերություններին, թե՞ մոսկովյան իրականությունն առանձնահատուկ է և շարունակում է հին ոճով:


Առնչվող նյութեր
1. Խորհրդարանական արտահերթ ընտրություններից առաջ՝ սահմանադրական փոփոխություններ եւ անցումային արդարադատության մարմիններ. ասել է Ն. Փաշինյանը հանրահավաքում
2. Նազարէթ Սրմաքեշ. Նիկոլ Փաշինեանի խաղաղ յեղափոխութեան 100 օրուայ առիթով
3. Կառավարությունը ստեղծելու է բոլոր պայմանները, որպեսզի քաղաքացիները հարստանան ու հարստացնեն մեր երկիրը. շարունակվում է վարչապետի այցը Տավուշի մարզ
4. Մայիսից սկսած՝ ավելի շատ մարդ է գալիս Հայաստան, քան հեռանում. վարչապետը հանդիպել է Տավուշի մարզի բնակիչներին
5. Վարչապետության 100-րդ օրվա կապակցությամբ Նիկոլ Փաշինյանը օգոստոսի 17-ին հանրահավաք է հրավիրում
6. Նիկոլ Փաշինյանը և Սերջիո Մատարելլան կարևորել են տարածաշրջանում կայունության ամրապնդումը
7. «Մենք պատրաստ ենք Թուրքիայի հետ հաստատել դիվանագիտական հարաբերություններ՝ առանց որևէ նախապայմանի».Նիկոլ Փաշինյան
8. Ուրախ կլինեմ եթե Իլհամ Ալիեւն էլ իր որդուն ուղարկի առաջնագիծ ծառայելու. Նիկոլ Փաշինյան
9. Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
10. ՀՅԴն Իր Ամբողջական Զօրակցութիւնն Է Յայտնում Հայաստանեայց Առաքելական Սուրբ Եկեղեցուն

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: