ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նիդերլանդների Համագործակցող Հայկական Կազմակերպությունները կառավարությունից պահանջում են հանդես գալ՝ ընդդեմ հայ ժողովրդի նկատմամբ ատելություն սերմանելու Թուրք-ազերիական քաղաքականության դեմ

06 ապրիլի, 2016 | 10:48

holand parlՀաագա, 2016 թվականի ապրիլի 5 – Նիդերլանդների Համագործակցող Հայկական Կազմակերպություններն այսօր Նիդերլանդների խորհրդարանում Լեռնային Ղարաբաղի մասին պահանջագիր հանձնեցին խորհրդարանի Արտաքին Հարաբերությունների Մշտական Հանձնաժողովի նախագահ՝ տիկին Էյսինկին։ Հայկական կազմակերպությունների հետ հանդիպմանը մասնակցում էին նաև խորհրդարանի պատգամավորներ՝ Օմտզիխտը՝ Քրիստոնեա-Ժողովրդական Միավորում կուսակցությունից, Վան Ռոնը՝ Հանուն Ազատության կուսակցությունից, Շյորդսման՝ Ժողովրդավարներ-66 կուսակցությունից, Սերվաեսը՝ Աշխատավորական կուսակցությունից և Հարի Վան Բոմելը՝ Ընկերվար կուսակցությունից, որը բոլորովին վերջերս գտնվել է Լեռնային Ղարաբաղում։

Հայկական պատվիրակության կազմում էին Նիդերլանդների Հայկական Կազմակերպության անվան տակ հանդես եկող տարբեր կազմակերպությունների ներկայացուցիչներ։

Ներկայացվող պահանջագրի մեջ խստորեն դատապարտվում է Ադրբեջանի կողմից բռնության կիրառումը և արտահայտվում է ծանր մտահոգություն ստեղծված իրավիճակի վերաբերյալ։ Ռազմական բռնություններին համընթաց տեղի են ունենում անմարդկային խոշտանգումներ նաև մանուկների և տարեցների նկատմամբ։ Այս առնչությամբ ցուցադրվեց մի լուսանկար՝ Տավուշ գյուղում տարեց մարդկանց հանդեպ կատարված զարհուրելի արարքներից։

Պատվիրակությունը խորհրդարանի անդամներին խնդրեց, որպեսզի նրանք բռնության կիրառումը ծանր բնորոշումներով դատապարտեն, ինչպես նաև արտգործնախարարին հանձնարարեն նույնը անելու։ Օգտվելով հանգամանքից, որ Նիդերլանդները նախագահում են Եվրամիությունում, ցանկալի է, որ արտգործնախարարը հանդես գա Եվրամիության Արտգործնախարարների Խորհրդում՝ պահանջով, որ նրանք նույնպես պատշաճ գնահատական տան այս երևույթին։ Միաժամանակ Նիդերլանդների կառավարությանը խնդրվում է աշխուժորեն աշխատել հակամարտության լուծման ուղղությամբ, այնպես ինչպես դա անում է ԵԱՀԿ-ի Մինսկի խումբը, որի նախաձեռնությունները սակայն մինչև օրս Ադրբեջանի կողմից անընդհատ մերժվում են։

Պահանջագրի հանձնման ժամանակ պատվիրակությունը ներկաների ուշադրությունը հրավիրեց մի շարք կարևոր կետերի վրա, որոնք հաճախ մոռացվում են։ Օրինակ այն, որ ի՞նչ տարածքների գրավման մասին կարող է խոսք լինել, երբ հայ ժողովուրդն այնտեղ արդեն հազարամյակներ է, որ ապրում է։ Մյուսը հակամարտության սկզբնաղբյուրի մասին, որ Լեռնային Ղարաբաղը իր անկախությունը հռչակել է միանգամայն օրինական ճանապարհով՝ Խորհրդային Միության, այն ժամանակ դեռ ուժի մեջ գտնվող սահմանադրության հիմման վրա, իրեն օրենքով և առանց բռնության անջատելով Ադրբեջանից այն պահին, երբ վերջինս իր հերթին Խորհրդային Միությունից անկախացավ։ Եվ սակայն Ադրբեջանն այս օրինական քայլին հակադարձեց բռնության աննախընթաց կիրառությամբ։ Մեկ այլ ուշադրության արժանի կետ է այն, որ Ադրբեջանը բռնապետություն է, որն արմատական վարձկաններ է զինվորագրում։

Նիդերլանդների Համագործակցող Հայկական Կազմակերպությունները կառավարությունից պահանջում են աշխուժորեն և ուշադիր հանդես գալ՝ ընդդեմ հայ ժողովրդի նկատմամբ ատելություն սերմանելու Թուրք-ազերիական քաղաքականության դեմ, որը լայն կիրառություն ունի նաև Նիդերլանդներում։

Հանդիպման պաշտոնական մասի ավարտից հետո շարունակվեցին երկկողմանի զրույցները Լեռնային Ղարաբաղի վտանգավոր վիճակի վերաբերյալ և կատարվեցին մտքերի փոխանակություն հիմնախնդրի պատճառների և լուծման հնարավորությունների վերաբերյալ։

 

Հոլանդահայ Համագործակցող Կազմակերպությունները
միևնույն ժամանակ ուրբաթ’ ապրիլի 8-ի երեկոյան,
Ամստերդամի Դամ հրապարակում, ժամը
18-ին հանրահավաք-ցույցի են  հրավիրում բոլորին:


Առնչվող նյութեր
1. Հայաստանի եւ Արցախի նախագահները Ստեփանակերտի հուշահամալիրում հարգանքի տուրք են մատուցել հերոսների հիշատակին
2. Ադրբեջանական կողմին խորհուրդ եմ տալիս այդքան վստահ չլինել նրանում, որ ինքը վերահսկում է ռազմական դրության էսկալացիայի հարցը.Դավիթ Տոնոյան
3. Հասմիկ Պապյանի մենահամերգը Շուշիում
4. Ռոբին Հայկ Գելիջի. Մենք ավելի շատ կարող ենք օգտակար լինել Նոր Հայաստանին
5. «ԲրուտԱրտ» կավագործության միջազգային սիմպոզիումը Արցախում
6. ՀՈԼԱՆԴԻԱ. Մաստրիխտի քաղաքապետի այցը ,,ԱՆԻ,, հայ համայնք
7. Վարչապետը ժամանել է Արցախ. Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի
8. Հայաստանի եւ Արցախի նախագահները հանդիպել են Ստեփանակերտում
9. Հայաստանի Առաջին Հանրապետության և ՀՄԸՄ հիմնադրման 100-ամյակներին նվիրված միջոցառումներ Նիդերլանդներում
10. Հայաստանի ԱԳ նախարարն ընդունեց Մինսկի խմբի համանախագահներին

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: