ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՆԱՏՕ-ի կենտրոնակայանում ներկայացվեց Հայաստանի գեղատեսիլ վայրերը պատկերող նկարազարդ գրքույկ

20 նոյեմբերի, 2018 | 18:25

Նոյեմբերի 18-ին Բրյուսելում ՆԱՏՕ-ի կենտրոնակայանում ներկայացվեց ՆԱՏՕ-ում Հայաստանի Հանրապետության առաքելության կողմից լույս ընծայված Հայաստանի գեղատեսիլ վայրերը և մշակութային հարուստ ժառանգությունը պատկերող նկարազարդ գրքույկ:

Անգլալեզու հրատարակությունն ամփոփում է «Արմենպրես» լրատվական գործակալության կողմից ՆԱՏՕ-ում Հայաստանի Հանրապետության առաքելությանը տրամադրված Հայաստանի պատմամշակութային կոթողները ներկայացնող բարձրակարգ լուսանկարների շարքը, որոնք ընթերցողի ուշադրությանն են ներկայացնում Հայաստանով մեկ սփռված բազմադարյա տաճարների և քաղաքամայր Երևանի նորարարական լուծումների ուրույն համադրությունը։

Գրքույկն առաջին անգամ օտարերկրացիների ուշադրությանը ներկայացվեց ՆԱՏՕ-ի ամենամյա բարեգործական տոնավաճառի ընթացքում և բարձր գնահատանքի արժանացավ այցելուների կողմից։

Նոյեմբերի 18-ին ՆԱՏՕ-ում Հայաստանի Հանրապետության առաքելությունը մասնակցեց ՆԱՏՕ-ի կենտրոնակայանում անցկացվող ՆԱՏՕ-ի ամենամյա բարեգործական տոնավաճառին: Այս տարի միջոցառմանը մասնակցում էին ՆԱՏՕ-ի անդամ և գործընկեր 39 պետություններ։

Միջոցառման ընթացքում այցելուների ուշադրության կենտրոնում էր հայկական տաղավարում ներկայացված հայաստանյան կոնյակի և գինու հարուստ տեսականին, հրուշակեղենը, ինչպես նաև ձեռագործ հուշանվերներ ու զարդեր:

ՆԱՏՕ-ի բարեգործական տոնավաճառին Հայաստանի առաքելության մասնակցությանը մեծապես նպաստեցին Երևանի կոնյակի գործարանը և «Արմենպրես» լրատվական գործակալությունը։ Բարեգործական տոնավաճառի ողջ հասույթը տրամադրվում է տարաբնույթ միջազգային բարեգործական կազմակերպությունների ծրագրերի իրականացմանը:


Մեկնաբանություն

Վերջին լուրեր
1.Ավստրիայում ՀՀ դեսպան Արման Կիրակոսյանի հրաժեշտի միջոցառումը Ավստրիայի արտաքին գերատեսչությունում
2.Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
3.Ժնեւ. ՀՀ վարչապետի պաշտոնակատարի տիկին Աննա Հակոբյանի հանդիպումը Շվեյցարիայի հայ համայնքի հետ
4.«Այաս-Կիլիկիա» ռեստորանում այցելուներին փոխանցում են հայկական ավանդական ընտանիքի տրամադրությունները
5.ՊՐԱՀԱ. Ամանորյա տոնական հանդես մանուկների համար
6.Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում
7.Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
8.Բժիշկ Թոմ Քաթինան՝ «Ավրորա» մարդասիրական նախաձեռնության նախագահ
9.Թեքեյան կենտրոնը իրականացնում է «Անվճար դասագրքեր կարիքավոր երեխաների համար» ամենամյա ծրագիրը
10.Հայաստանի պատմական քարտեզների ցուցադրություն Կաունասի հանրային գրադարանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: