ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Միքայել Օհանջանյանի նոր հաղթանակը Իտալիայում. գլխավոր մրցանակ Ֆլորենցիայի մրցույթում

29 հունիսի, 2018 | 07:58

ՕՐԵՐ-ը տարբեր առիթներով անդրադարձել է  շուրջ 20 տարի Իտալիայում ապրող եւ ստեղծագործող հայաստանցի քանդակագործ Միքայել Օհանջանյանի ստեղծագործական հաջողություններին։

Վենետիկի բիենալեից մինչեւ լոնդոնյան նշանավոր ,,Frieze», Յորքշիրի  հայտնի քանդակի զբոսայգուց մինչեւ Փարիզի Գրանդ Պալե, Միլանի համալսարան, միջազգային մրցույթների ու ֆորումների մասնակցություն եւ հաղթանակներ… Օրեր առաջ ստացանք նոր  ստեղծագործական նվաճման մասին ավետիսը։

Բազմաշնորհ մեր հայրենակիցը հաղթող է ճանաչվել  իտալական վերածննդի օրրան Ֆլորենցիայում  անցկացվող քանդակի միջազգային մրցույթում եւ արժանացել Էնրիկո Մարինելլի անվան գլխավոր մրցանակին։ Խրախուսական մրցանակի է արժանացել իտալացի քանդակագործ Մարկո Բեգնոլին։

Մրցույթը կազմակերպել է ֆլորենցիայի նշանավոր գլուխգործոց՝ հմայիչ Սանտա Մարիա դել Ֆիորե տաճարին առնչվող  ,, Օպերա դել Դուոմո,, թանգարանը։ Թանգարանում պահպանվում եւ ցուցադրվում  են աշխարհահռչակ տաճարին, նրա զանգակատանը եւ մկրտարանին նվիրված բազմաթիվ  մեծարժեք քանդակների բնօրինակներ, որոնց հեղինակներն են Գիբերտին, Դոնատելլոն, Միքելանջելոն  եւ վերածննդի շատ ուրիշ հանճարներ։

Այս տարվա մրցույթը, որն անցկացվում էր առաջին անգամ, նվիրված էր արվեստի հովանավոր մեկենաս Էնրիկո Մարինելլի հիշատակին, նպատակ ունենալով թանգարանի հավաքածուին հաղորդակից դարձնելու նաեւ ժամանակակից արվեստի շունչը։

Մրցույթին մասնակցում էին 45 արվեստագետներ աշխարհի տարբեր երկրներից։ Եզրափակիչ փուլին հասան նրանցից հինգը, երկուսը՝ Իտալիայից, մեկական արվեստագետներ Հնդկաստանից եւ Կամերունից, իսկ Հայաստանը ներկայացրեց Միքայել Օհանջանյանը։

Օհանջանյանի գործն ունի բազմախորհուրդ անվանում՝  ,,Շեմը,,  ակունք է,, իսկ  մրցանակաբաշխության թեման էր՝  ,,Հույսը,,։ Ինչպես արվեստագետն է ասել այդ առիթով. «Հույսը ինձ համար դինամիկ շարժում է, գործողություն, կյանքի կայծ, ես կասեի՝ հենց ինքը՝ կյանքը, հույս է…»։

Շնորհավորելով մեր տաղանդավոր հայրենակցին հերթական եւ կարեւոր ձեռքբերման առիթով, ավելացնենք, որ ՕՐԵՐ-ը կրկին կանդրադառնա  այս թեմային, երբ աշխատանքը ավարտված կլինի եւ վերջնականապես կհանգրվանի թանգարանում։ Իսկ այն կտեղադրվի 2018-ի հոկտեմբերին՝ 6 ամիս ժամանակով։

Սեփ. թղթակից

Ֆրանսիա

Տես նաեւ՝

The five concurring artist

 

 

 

 


Առնչվող նյութեր
1. Վատիկանում ՀՀ դեսպանը հրաժեշտ է տվել Հռոմի Պապին
2. Ամենայն Հայոց Կաթողիկոսը Հռոմում. հանդիպում Ֆրանչիսկոս Սրբազան Քահանայապետի հետ
3. Իտալիա. Հայրապետական Սուրբ Պատարագ Միլանի Սուրբ Քառասուն մանկանց եկեղեցում
4. Հայկական տոներին նվիրված համերգ Հռոմում.
5. Իտալիա. «Նարեկացի» ժողովրդական գործիքների նվագախմբի ելույթը Սալենտոյի միջազգային 15-րդ կինոփառատոնի փակմանը
6. Դեսպան Բաղդասարյանը Հռոմի քաղաքապետին հրավիրել է Երևանի հիմնադրման 2800-ամյա հոբելյանին
7. Ցուցահանդես՝ նվիրված Հովհաննես Զարդարյանի ծննդյան 100-ամյակին
8. «Լաւագոյն հայկական կրթօջախ» ` Հայ Լեզուի և Մշակոյթի Ամառնային Խտացեալ Դասընթացքին
9. Լիլիթ Տոնականյանի անհատական ցուցահանդեսը Նկարիչների միությունում
10. Իտալիայի Հանրապետության նախագահն այցելեց Մայր Աթոռ Սուրբ Էջմիածին

Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: