ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
26 ապրիլի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Միլադա Կիլյանովան ապագա բժիշկներին ներկայացրեց Հայոց ցեղասպանության պատմությունը

11 մայիսի, 2017 | 11:50

ՊՐԱՀԱ.ՕՐԵՐ.- Հայագետ Միլադա Կիլյանովան մայիսի 10-ին Պրահայի Կարլի համալսարանի բժշկական 2-րդ ֆակուլտետի ուսանողների ուշադրությանը ներկայացրեց Հայոց ցեղասպանություն թեմայով դասախոսությունը՝ այն ուղեկցելով լուսանկարների ու քարտեզների, ինչպես նաեւ  ցեղասպանության մասին չեխերեն ֆիլմի ցուցադրությամբ։  Բանախոսը ուսանողներին ներկայացրեց նախ հայ ժողովրդի պատմության կարեւոր դրվագները, այդ թվում՝ քրիստոնեության ընդունումը։ Այնուհետեւ մանրամասն խոսեց Օսմանյան կայսրությունում հայերի վիճակի, իրենց հայրենիքից տեղահանման եւ սիրիական անապատներ բռնագաղթի մասին՝ քարտեզներով ցույց տալով այդ գաղթի աշխարհագրությունը։ Կիլյանովան անդրադարձավ նաեւ Համիդյան ջարդերին, երիտուրքերի կառավարության որդեգրած քաղաքականությանը, Հայոց ցեղասպանությունը չընդունելու պարագայում հայկական վրեժխնդրության եւ թուրք դիվանագետների ոչնչացման մասին, հայերի ոչնչացումը ծրագրավորած եւ իրականացրած թուրք ղեկավարների դատավարության, ,,Ցեղասպանություն,, տերմինի ստեղծման եւ ժամանակակից աշխարհի կողմից ցեղասպանության ճանաչման գործընթացին։ Բանախոսը նշեց, որ Հայոց ցեղասպանությունը ճանաչող երկրների թվին այս տարի ապրիլին միացավ նաեւ Չեխիան, եւ այդ թիվը հասավ  29-ի։

Այնուհետեւ նա պատասխանեց ուսանողների հարցերին, որոնցից մեկին հավելում կատարեց նաեւ դասախոսությանը ներկա Չեխիայում Հայաստանի դեսպան Տիգրան Սեյրանյանը, ով նշեց, որ ,,հինգերորդ շարասյուն,, համարվող հայերից զատ, թուրքերը Օսմանյան կայսրությունում ոնչնացրել են նաեւ հույներին ու մյուս ազգային եւ կրոնական փոքրամանություններին, ուստի թուրքական տեսակետը, թե հայերին սպանել են ռուսների հետ համագործակցության համար,եւ նրանք Առաջին Համաշխարհային պատերազմի զոհերն են,  ոչ մի քննադատության չի դիմանում։ ՙՙԻսկ ո՞ւմ հետ էին համագործակցում մյուս ազգերը՚՚ հռետորական հարցը դեսպանն ուղղեց լսարանին, եւ անդրադարձավ թուրքական կողմի մեկնաբանություններին եւ տվեց դրանց սպառիչ պատասխանները։ Հայաստանի դեսպանը նաեւ կարճ անդրադարձ կատարեց Չեխիայի կողմից ցեղասպանության ճանաչման գործընթացին եւ շնորհակալություն հայտնեց բոլոր նրանց, ովքեր պայքարեցին ճշմարտության հաստատման համար։

Իր շնորհակալական խոսքում, հանդիպման նախաձեռնող՝ բժշկական 2-րդ ֆակուլտետի ուսանող Յիրժի Սիկորան  շնորհակալություն հայտնեց Հայաստանի դեսպանությանը աջակցության համար եւ նշեց, որ թեեւ իրենք բժշկական կրթություն են ստանում, բայց իրենց համար անչափ հետաքրքիր էր ծանոթանալ հայ ժողովրդի պատմությանն ու այն ողբերգությանը, որին ենթարկվել է առաջինը քրիստոնեությունը պետական կրոն հռչակած ժողովուրդը։

Նա նաեւ նշեց, որ ՀՀ դեսպանության աջակցությամբ  Բժշկական  1-ին եւ 3-րդ ֆակուլտետների սրահներում բացվել է ՚՚Հայոց ցեղասպանությունը միջազգային մամուլի էջերում՚՚ լուսանկարչական ցուցահանդեսը։

Վերջում ներկաներին հրամցվեցին հայկական խորտիկներ, որոնք պատրաստել էր ՚՚Հացի՚՚ ռեստորանը։ Ուսանողները համտեսեցին նաեւ ,,Մարլենկա,, հայտնի տորթը եւ հայկական գինի։

Հ.Ա. , ՕՐԵՐ


Առնչվող նյութեր
1. Յիհլավա. Չեխահայ երիտասարդներն իրենց պարով միացան Հայաստանի իրենց հայրենակիցներին
2. «Նաիրի երկրի ողբը» խորագրով ձեռնարկը Բռնոյում
3. Չեխահայությունը նշեց Ապրիլի 24-ը. Երթ, ժամերգություն եւ համերգ
4. Պրահայի հայ երիտասարդներն իրենց աջակցությունն են հայտնում երևանյան ցույցերին
5. Զենքի վաճառքի մասին Չեխական հեռուստատեսության ռեպորտաժը մեծ արձագանք է գտել սլովակյան մամուլում
6. Գերմանիոյ Քէօլն Քաղաքին Մէջ Ցեղասպանութեան Յուշակոթող Կը Տեղադրուի
7. Ժնևում բացվեց Հայոց ցեղասպանության զոհերի հիշատակին նվիրված «Հիշատակի Լապտերներ» հուշահամալիրը
8. Արաքսիա Ղազարյանի «Մեր ակունքները» խորագրով ցուցահանդես Պրահայում
9. Յարոմիր Շտետինան դարձավ 75 տարեկան. Նոր գրքի շնորհանդեսը Պրահայում
10. Չեխիա. Դեսպան Սեյրանյանի և Սենատի նախագահի առաջին տեղակալ Միլուշե Հորսկայի հանդիպումը

Մեկնաբանություն

Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայաստանի տիկնիկային թատրոնը հաղթեց Պրահայի միջազգային փառատոնում
6.Հայ բժշկուհիները օդանավում փրկեցին չինուհու կյանքը
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.«Միկոյանն իրադրության պատանդն էր, ինչ-որ չափով՝ ստալինյան զոհ»
10.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: