ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Մեծ ասելիք՝ փոքր ծավալում. Վարդգես Դավթյանի ժողովածուները

04 հուլիսի, 2018 | 11:56

Ավետիք Իսահակյանի տուն – թանգարանում պարբերաբար կազմակերպվում են տարբեր գրողներին նվիրված ցերեկույթներ, ընթերցումներ: Այս անգամ սեղանին գրող Վարդգես Դավթյանի տարբեր տարիներին ժողովածուներն էին, քննարկման առարկան՝ նրա գրական ժառանգությունը:

«Վարդգես Դավթյանի ստեղծագործությունները աչքի են ընկնում փոքր  ծավալով եւ մեծ խորքայնությամբ: Նրա հերոսը մարդն է, սովորական հայ մարդը  որն ապրում է Հայաստանում  կամ Ամերիկայում՝ իր խնդիրներով  ու հույզերով»,- նկատում է հեղինակի ընթերցողներից մեկը՝ Էդուարդ Շահվերդյանը:

Նա այս ցերեկույթին մասնակցելու համար Ալավերդուց հատուկ է ժամանել: Հեղինակին անձամբ չի ճանաչում, առցանց տիրույթում են ծանոթացել: «Վարդգես Դավթյանին երբեւէ  չեմ հանդիպել, բայց նա ինձ շատ հարազատ մարդ է դարձել :  Իմ պարտքն եմ համարում  նրա գրականությունը  տարածել ընթերցասեր մարդկանց շրջանում, քանի որ, կարծում եմ, նոր խոսք է ասում հայ գրականության մեջ: Այ, հիմա էլ  դժվարանում եմ կողմնորոշվել, որ պատմվածքը ընթերցել, մեկը մյուսից լավն են….»,- պատմում է Ալավերդու Ե.  Չարենցի անվան դպրոցի պատմության ուսուցիչն ու ձեռքը վերցնում հեղինակի գրքերից մեկը:

Հեղինակի ստեղծագործություններն է ընթերցում նաեւ Ավետիք Իսահակյանի տուն- թանգարանի տնօրեն Անժելա Խորենյանը: Անկեղծանում է.  Վարդգես Դավթյան գրողին  մի քանի ամիս է, ինչ հայտնաբերել է իր համար: «Վարդգես Դավթյանը ինձ համար իրոք բացահայտում էր: Նրա ստեղծագործությունները  մարդկային դիմանկարների պատկերասրահ է: Ընդամենը մի քանի շտրիխ, մի քանի վրձնահարված եւ բացահայտվում է մարդկային ճակատագիրը: Նա խոսում է հայ մարդու մասին՝ բացահայտելով համամարդկային խնդիրներ::  Ուրախ եմ, որ դեռ շատ կան գործեր, որ «վայելելով» պիտի կարդամ»,- ասում է Անժելա  Խորենյանը:

Վարդգես Դավթյանը իրեն նվիրված  գրական ցերեկույթին  ներկա չէ, շուրջ 20 տարի  նա ապրում եւ ստեղծագործում է ԱՄՆ-ում, որտեղ էլ լույս են տեսել  նրա ստեղծագործությունների վերջին չորս ժողովածուները: Մինչ այդ հեղինակը ապրել, աշխատել եւ ստեղծագործել է Հայաստանում: Մասնագիտությամբ հոգեբույժ է: Գրել  սկսել է պրակտիկ գործունեությանը  զուգահեռ: Նրա հեղինակած հոդվածները 90-ական թվականներին լույս են տեսել նորանկախ Հայաստանի  տարբեր պարբերականներում: Ժողովածուների թիվը մոտենում  է երկու տասնյակին:

«Վարդգեսը հոգեբույժ է եւ միաժամանակ գրող: Նրա պատմվածքների համար հիմնականում հիմք են հանդիսանում առողջ եւ հիվանդ մարդկանց հետ նրա ունեցած զրույցները: Անգամ փոքր դրվագը կարող է դառնալ մեծ ասելիք ունեցող պատմվածքի նյութ»,-   ասում է «Զինվորի մայր» հասարակական կազմակերպության նախագահ Անահիտ Հովնանյանը, որի նախաձեռնությամբ էլ  Ավետիք Իսահակյանի տուն – թանգարանի հետ համատեղ կազմակերպվել է գրական ցերեկույթը:

« Մեր կազմակերպությունը կոչվում է «Զինվորի մայր»: Թվում է՝  այն ոչ մի կապ չունի արվեստի եւ գրականության հետ: Սակայն ես կարծում եմ, հայ գրականությունը, հայի ինքնությունը արտերկրում տարածողները նույնպես զինվորներ են եւ մեր պարտքն է աջակցել եւ օգնել, որ նրանց գործերը հանրայնացվեն նաեւ հայրենիքում»,- ասում է Անահիտ Հովնանյանը:

orer.eu


Առնչվող նյութեր
1. Սմբատ Բունիաթյանի «Ով է Աստծո նման» վիպակի շնորհանդեսը սեպտեմբերի 11-ին
2. Սոֆիայում տեղի ունեցավ հանդիպում արձակագիր Նարինե Աբգարյանի հետ
3. Էրիխ Մարիա Ռեմարկի «Արևմտյան ճակատում նորություն չկա» վեպի հայերեն թարգմանության շնորհանդեսը
4. Հանդիպում գրող Կիմա Կիրակոսյանի հետ
5. «Հրանտ Մաթեւոսյան» կենտրոն-թանգարանը պատրաստ կլինի 2020 թվականին՝ մեծ գրողի 85-ամյա հոբելյանին
6. Գրախոսական. Արամ Քերովբեան. Ձայն յանապատի. եկեղեցական երաժշտութեան բարեկարգումը ԺԹ. դարու վերջաւորութեան
7. Վանաձորցի երիտասարդ դրամատուրգը Հայաստանը ներկայացրեց Գերմանիայում
8. Լիպարիտ Սարգսյանի ծննդյան 80-ամյակը
9. Յարոմիր Շտետինան դարձավ 75 տարեկան. Նոր գրքի շնորհանդեսը Պրահայում
10. Անժելա Սահակյանի ,,Ճշմարտության պարտադրանքով,, թուրքերեն գրքի շնորհանդեսը Երեւանում

Մեկնաբանություն

Վերջին լուրեր
1.Ին՞չ եփել այսօր՝ քաղաքական կաթսայում. հայացք Երեւանից
2.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
3.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
4.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
5.Րաֆֆի Հերմոն Արաքսին՝ սփյուռքի նախարարության պատվոգիր
6.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
7.Արեւմտյան Հայաստանի Ազգային ժողովի (Խորհրդարանի) 2-րդ գումարման պատգամավորների ընտրությունները կայացան. 101 պատգամավոր 45 երկրից
8.Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր
9.ՀՀՇ-ի, ՀՀԿի ճանապարհով չգնաք, որպեսզի բումերանգի պես այն չխփի պետությանը. Րաֆֆի Հովհաննիսյանը՝ ՔՊ-ին
10.Նիկոլ Փաշինյան. Մենք մեզ համար ազգովի բացել ենք երազանքները կյանքի կոչելու ժամանակաշրջան
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: