ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Մեդիամաքս»-ը ներկայացրել է Ցեղասպանության ականատեսների վկայությունների վրա հիմնված «100 վայրկյան» նախագիծը

23 մարտի, 2015 | 21:17

100-seconds-pan-photo«Մեդիամաքս» մեդիա ընկերությունը և «ՎիվաՍել-ՄՏՍ»-ը մարտի 23-ին Երևանում ներկայացրել են «100 վայրկյան» նախագիծը:

 

Կոմիտասի թանգարան-ինստիտուտում տեղի ունեցած նախագծի շնորհանդեսին մասնակցել է նաև Հայոց ցեղասպանության 100-րդ տարելիցին նվիրված միջոցառումները համակարգող, ՀՀ նախագահի աշխատակազմի ղեկավար Վիգեն Սարգսյանը: 

 

«Մեդիամաքսի» տեղեկացմամբ՝ «100 վայրկյան» նախագիծը հիմնված է Ցեղասպանության ականատեսների վկայությունների վրա, որոնք հրապարակվել են Հայաստանի Ազգային արխիվի կողմից: Աշխարհում կամ իրենց երկրներում հայտնի մարդկանց՝ գրողներին, երաժիշտներին, դերասաններին, լրագրողներին, առաջարկվել էր կարդալ 100 վայրկյան տեւողությամբ հատվածներ վկայություններից:

 

Ընդանուր առմամբ, նկարահանվել են 24 տեսահոլովակներ, որոնք մարտի 23-ից ապրիլի 23-ը ներկայացվելու են www.mediamax.am/100seconds հղումով և Youtube-ում բացված ալիքում:

«100 վայրկյան» նախագծի գլխավոր նպատակը աշխարհի մարդկանց ուշադրությունը գրավելն է այն սոսկալի տառապանքներին, որոնց 100 տարի առաջ կրել են հայերը: Այդ վկայությունները հեշտ չէ կարդալ և լսել, սակայն որքան շատ մարդ ցնցվի լսածից, այդքան մեծ կլինի հավանականությունը, որ նրանք կանեն հնարավոր ամեն ինչ՝ նոր ցեղասպանություններ թույլ չտալու համար: Մեր նախագիծը կոչված է հերքել Ադոլֆ Հիտլերի այն խոսքերը, որոնք նա ասել էր 1939 թ-ին՝ Լեհաստան ներխուժելուց մեկ շաբաթ առաջ. «Եվ ո՞վ է այսօր հիշում հայերի վերացման մասին», – ասել է «Մեդիամաքսի» տնօրեն Արա Թադևոսյանը:

 

Հայոց ցեղասպանության 100-րդ տարելիցի միջոցառումները համակարգող պետական հանձնաժողովի քարտուղար Վիգեն Սարգսյանը շնորհակալություն է հայտնել «Մեդիամաքս»-ին՝ «100 վայրկյան» նախաձեռնության համար: Հիշեցնելով, որ Ցեղասպանության 100-րդ տարելիցի ոգեկոչումը կառուցվում է չորս հիմնական սյուների շուրջ՝ հիշողություներախտագիտությունմիջազգային պայքար և վերածնունդ՝ նա հավելել է, որ «100 վայրկյան» նախագիծը մեծ ներդրում է «հիշողություն» բաժնում: «Ցեղասպանությունը վերապրածների պատմությունների տարածումը բացառիկ նշանակություն ունի, որովհետեւ այդպիսով կարող ենք ցույց տալ, թե ինչպես է այս հանցագործությունը մուտք գործել յուրաքանչյուր ընտանիք», – ասել է Վիգեն Սարգսյանը:

 

«100 վայրկյան» նախագծի վերաբերյալ առավել մանրամասն՝ սկզբնաղբյուր կայքում:

 

http://armeniangenocide100.org


Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: