ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Մարսելի պատվավոր քաղաքացու կոչում Շառլ Ազնավուրին- Հունիսի 17-23-ը Մարսելում կայացավ Ֆրանս-հայկական գերազանցության շաբաթը

25 հունիսի, 2013 | 08:04

ՄԱՐՍԵԼ- Ինչպես արդեն տեղեկացրել ենք, հունիսի 17–23-ը Մարսելում կայացավ «Ֆրանս-հայկական գերազանցության շաբաթը»  որը կազմակերպել էին ՀՀ սփյուռքի նախարարությունը, Ֆրանսիայում ՀՀ դեսպանությունը, «Terre d` Armenie» կազմակերպությունը: Այն անցկացվեց Եվրոպայի մշակութային մայրաքաղաք հռչակված Մարսել քաղաքում: Միջոցառումներն իրականացվեցին ՀՀ սփյուռքի նախարար Հրանուշ Հակոբյանի,Մարսելում Հայաստանի Հանրապետության գլխավոր հյուպատոս Վարդան Սրմաքեշի մասնակցությամբ և Մարսելի քաղաքապետարանի հովանավորությամբ: «Ֆրանս-հայկական գերազանցության շաբաթի» անցկացմանն աջակցել են Ֆրանսիայի տասնյակից ավելի հայկական կազմակերպություններ, ֆրանսիական և հայկական լրատվամիջոցներ:

Հրանուշ Հակոբյանը ներկա գտնվեց նաև Ֆրանսիական երիտասարդների միության /ԺԱՖ-ի/ երգի և պարի խմբերի համերգին: Համերգի ավարտին տիկին Հակոբյանը հանդես եկավ ելույթով և ընդգծեց հայապահպանության հարցում սփյուռքի մշակութային կենտրոնների գործունեության կարևորությունը: Նախարարը մայրենի լեզվի պահպանման ու տարածման, սփյուռքահայ երիտասարդների հայեցի կրթության ու դաստիարակության գործում ունեցած ավանդի համար ՀՀ սփյուռքի նախարարության «Մայրենիի դեսպան» մեդալներ շնորհեց Ֆրանսահայ երիտասարդների միության ուսուցիչներ Էմմա Մարտիրոսյանին, Միքայել Վեմյանին և Մարիոն Շամասյանին: Այս մասին հաղորդում է ՀՀ սփյուռքի նախարարության մամուլի ծառայությունը։

«Ֆրանս-հայկական գերազանցության շաբաթվա» շրջանակներում հունիսի 20-ին ՀՀ սփյուռքի նախարարը մասնակցեց Շառլ Ազնավուրին Մարսելի քաղաքապետ Ժան Կլոդ Գոդենի կողմից Մարսելի պատվավոր քաղաքացու կոչում շնորհելու, ինչպես նաև նահանգապետ Միշել Վոզելի կողմից Սենատի մեդալով և նահանգի հուշամեդալով պարգևատրելու արարողությանը: Պարոն Գոդենը նշեց, որ Մարսելի պատվավոր քաղաքացու կոչումը վերջին անգամ շնորհվել է 1947 թվականին: Միջոցառմանը մասնակցում էին հայ և ֆրանսիացի բարձրաստիճան պաշտոնյաներ, մշակութային գործիչներ, հյուրեր: Արարողությանը հաջորդեց աշխարհահռչակ շանսոնյե Շառլ Ազնավուրի պատվին կազմակերպված ճաշկերույթը:

Տիկին Հակոբյանը «Ֆրանս-հայկական գերազանցության շաբաթվա» ընթացքում մասնակցեց նաև ֆրանսահայ մեծանուն ռեժիսոր Անրի Վերնոյի հրապարակի բացման արարողությանը, որին ներկա էին Վերնոյի չորս երեխաները: Հյուրերի թվում էին Մարսելի քաղաքապետ Ժան Կլոդ Գոդենը, փոխքաղաքապետեր Դիդիե Պարակյանը, Ռոլան Բլումը և Դանիել Հերմանը, Մարսելի 13-րդ և 14-րդ թաղամասերի թաղապետ Կարո Հովսեփյանը, ինչպես նաև այլ պաշտոնատար անձինք, ֆրանսահայ քաղաքական և հասարակական գործիչներ: Նրանք բարձր գնահատեցին Անրի Վերնոյի ունեցած ներդրումը համաշխարհային կինեմատոգրաֆիայում:

Անրի Վերնոյն ստեղծել է այնպիսի գործեր, որոնք տասնյակ տարիներ գրավում են հանդիսատեսին և չեն կորցնում իրենց արդիականությունը: Ներկաները հույս հայտնեցին, որ այս միջոցառումը օրինակ կծառայի աշխարհի տարբեր երկրներում կայացած մեր հայրենակիցներին մեծարելու, հայկական մշակույթն աշխարհին ներկայացնելու համար:

 

Orer.eu


Առնչվող նյութեր
1. «Իր հեռանալով Շառլն ինձ վերադարձրեց հայկական բեմ». Վարդան Պետրոսյան
2. ««Հայկական վալս» երգն ինձ համար խորհրդանշում է նաեւ սփյուռքի սերը դեպի հայրենիք». Ժերեմի Դելվեր
3. «Ազնավուր» հիմնադրամը ներկայացրել է Երևանում «Ազնավուր» կենտրոնի ծրագիրը
4. Փաշինյանի և Մակրոնի կողմից մարվել է մեկ նամականիշով գեղաթերթիկ՝ նվիրված «Աշխարհահռչակ հայեր. Շառլ Ազնավուր» թեմային:
5. Նիկոլա Ազնավուր. «Իմ հայրը գերմարդ էր»
6. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում
7. Ազնավուրի հոգեհանգստի քաղաքական ուղերձները
8. Ամենայն Հայոց Կաթողիկոսը նախագահեց Շառլ Ազնավուրի հուղարկավորությունը
9. Հոգեհանգստյան կարգ տեղի ունեցավ Պրահայի Սուրբ Հոգի եկեղեցում, իսկ ՀՀ դեսպանությունում ցավակցություններ գրանցվեցին սգո մատյանում
10. Ախալցխայում Շառլ Ազնավուրի նախնիների շիրիմի մոտ տեղի ունեցավ հոգեհանգստի արարողություն

Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: