ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Մարդկային իրաւանց եւրոպական ատեանին գայթակղեցուցիչ վճիռէն ետք՝ Տողու Փէրինչէք յայտարարած է, թէ Թուրքիոյ համար լուծուած է Հայկական հարցը

21 դեկտեմբերի, 2013 | 22:27

Dogu_PerincekԹրքական Aydinlik թերթին մէջ լոյս տեսած իր յայտարարութեան մէջ Տողու Փէրինչէք նշած է, թէ բոլոր խնդիրներու լուծման բարձրագոյն կէտը դատական համակարգն է, եւ Հայկական հարցը այդ համակարգին մէջ լուծում ստանացած ըլլալով՝ կը մնայ միայն զայն կիրարկել։ Այս մասին հաղորդում է Փարիզի «Նոր Յառաջ» երկօրեայ թերթը։

“Երբ կ՚ուզէինք դիմել ՄԻԵԱ-ին, թրքական իշխանութիւնները եւ ընդդիմութեան կարեւոր դէմքերը փորձեցին մեզ տարհամոզել որպէսզի չդիմենք այդ քայլին՝ պատճառաբանելով, որ ատիկա կրնայ յաւելեալ հարցեր ստեղծել Թուրքիոյ համար։ Բայց մենք խօսք տուինք մեր ազգին, որ Հայկական հարցը պիտի լուծենք։ Այլեւս Թուրքիոյ համար Հայկական հարց չկայ, ան լուծուեցաւ”,- ըսած է Տողու Փէրինչէք՝ շեշտելով, թէ Հայկական հարցը լուծուած է ճիշդ ռազմավարութեամբ, ճիշդ քաղաքականութեամբ, ճիշդ պայքարով եւ ազգի հզօրութեամբ։

«Նոր Յառաջ» երկօրեայ թերթը նաեւ գրում է, որ նման վճիռը կրնայ վնասել ֆրանսայէն ակնկալուող օրինագիծին։

Սթրազպուրկի դատարանին կողմէ Դեկտեմբեր 17ին արձակուած այս վճիռը կրնայ խիստ բացասական հետեւանքներ ունենալ նաեւ Ֆրանսայի կառավարութենէն ակնկալուող ժխտողականութեան պատժելիութեան օրինագիծին ճակատագրին վրայ: Արդարեւ, վճիռին մէջ ըսուած է. «1915ին եւ յաջորդող տարիներուն՝ Հայաստանի մէջ գործուած բարբարոսութիւնները ցեղասպանութիւն որակելու ժխտումը պատժելու անհրաժեշտութիւնը չէ ապացուցուած»: Հետաքրքրական է նկատել, թէ դէպքերու վայրը յիշատակուած է որպէս «Հայաստան», ինչ որ թերեւս կրնայ իրաւաբանականօրէն այլ ճամբաներ բանալ Հայկական դատի պաշտպաններուն առջեւ:

Ինչպէս գրած էինք, Ատեանը գլխաւորապէս հիմնուած է արտայայտութեան ազատութեան սկզբունքին վրայ: ՄԻԵԱ-ն իր վճիռին մէջ այս մասին կ՚ըսէ. «Ատեանը կը յիշեցնէ, որ զգայուն եւ դժգոհութիւն պատճառելու հակամէտ հարցերու շուրջ բացէ ի բաց ու ազատօրէն վիճարկելու իրաւունքը արտայայտութեան ազատութեան հիմնական բաղադրիչներէն է, եւ թէ ան կը զանազանէ ժողովրդավար, հանդուրժող եւ բազմակարծիք ընկերութիւն մը՝ ամբողջատիրական եւ բռնատիրական վարչակարգէ մը»:

Գալով «ցեղասպանութիւն» եզրին, Ատեանին համար ան «սեղմ գիծերու մէջ բնութագրուած իրաւաբանական ըմբռնում մըն է, որու փաստը բերելը դժուար է»: Ատեանին կարծիքով, Փէրինչէք երբեք չէ հերքած ջարդերը եւ տարագրութիւնները, եւ երբեք արհամարհական արտայայտութիւն չէ ունեցած դէպքերու զոհերուն նկատմամբ: Դատաւորները նաեւ յատուկ փութկոտութիւն ցուցաբերած են պատմական այլ դէպքերու ժխտումը Ողջակիզումի ժխտումին հետ չշփոթելու համար: Արդարեւ, ըսուած է. «Այդ դատավարութիւններուն (խօսքը Շօահի մասին է – «ՆՅ») դիմողները ժխտած էին երբեմն շատ շօշափելի պատմական դէպքեր, ինչպէս օրինակ, կազի սենեակներու գոյութիւնը: Կը ժխտէին նացիական վարչակարգին կողմէ գործուած ոճիրներ, որոնք իրաւաբանական յստակ հիմք ունէին» եւ որոնք «յստակօրէն հաստատուած էին միջազգային օրէնսդրութեան կողմէ»:

Զուիցերիա երեք ամսուան պայմանաժամ մը ունի բողոքելու համար այս վճիռին դէմ:

Խնդրոյ առարկայ վճիռէն ետք Զուիցերիա-Հայաստան ընկերակցութիւնն ալ հաղորդագրութիւն մը հրապարակած է, ուր գլխաւորաբար կ՚ըսուի թէ մարդկային արժանապատւութիւնը Զուիցերիոյ համար պէտք է մնայ նախապատւութիւն մը:

 


Առնչվող նյութեր
1. «ՈՎ ՄԱՐԴԿԱՅԻՆ ԱՐԴԱՐՈՒԹԻՒՆ…» ԹՈՒՐՔԻԱՆ «ՄՏԱՀՈ՜Գ» Է ԿՈՏՈՐԱԾՆԵՐՈՎ…
2. ԹՈՒՐՔԻԱ. ԿԻՆՈՌԵԺԻՍՈՐ-ԱՐՏԱԴՐՈՂ՝ ԱՐԱՄ ԳՅՈԻԼՅՈՒԶԸ ՈՉ ԵՎՍ Է
3. Ոստիկանները բաց են թողել Կարո Փայլանին
4. Արա Գյուլերի թանգարան Թուրքիայում
5. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
6. Կարո Փայլանն ու Մարգար Եսայանը ընտրվեցին Թուրքիայի խորհրդարանի անդամ
7. Թուրքիայում համացանցով կարող ես պարզել նախնիներիդ ազգությունը
8. Պոլսոյ Կուսակալութիւնը Անվաւեր Նկատեց Պատրիարքի Տեղապահին Ընտրութիւնը
9. Թուրք պատգավորների հերթական հարձակումը Փայլանի վրա
10. Երեւանը պատասխանում է Անկարային. պատրաստ չեք կարգավորել հայ-թուրքական հարաբերությունները

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: