ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հրեա ցեղասպանագետի «Փրկիչներ և մարտիկներ» գրքի շնորհանդեսը Երեւանում

12 ապրիլի, 2017 | 08:34

2017 թ. ապրիլի 14-ին, ժամը 12:00-ին ՀՀ մշակույթի նախարարությունը և «Չոբանյան» ինստիտուտը հրավիրում են Կոմիտասի թանգարան-ինստիտուտ (Երևան, Արշակունյաց 28), որտեղ Յաիր Աուրոնի(Օրոն) ներկայությամբ տեղի կունենա նրա «Փրկիչներ և մարտիկներ» գրքի շնորհանդեսը։

jair aoronՅաիր Օրոնը տասնամյակներ շարունակ զբաղված է հայ-հրեական կապերի ուսումնասիրությամբ, հատկապես որ Իսրայելը պաշտոնապես չի ճանաչել Հայոց ցեղասպանությունը։

Ցեղասպանության 100-րդ տարելիցի հիշատակման միջոցառումների մեկնարկից առաջ գրված այս գիրքն ընթերցողին վերադարձնում է դեպի Ֆրանսիայի բռնազավթման տարիներ, ներկայացնում Ազնավուրյանների ընտանիքի զարմանալի պատմությունը։

Գրքի նախաբանի հեղինակ Շարլ Ազնավուրը գրել է. «Այն, ինչ մենք անում էինք բռնազավթման տարիներին, մեզ շատ բնական էր թվում, ու մենք մեր ծնողների արածը կամաց-կամաց մոռացանք մինչև այն օրը, երբ Յաիր Օրոնը եկավ ու մեզ հետ խոսեց այդ ամենի մասին… Յաիրը բարի մարդ է, սո′ւրբ մարդ։ Գրելով այս գիրքը՝ նա մեզ համար բացահայտել է մեր իսկ էությունը, նա մտել է հայոց պատմություն ու կմնա այնտեղ հավերժ։ Ինչ-որ չափով նա իր հերթին դառնում է այն, ինչ հրեաներն անվանում են «Արդար»:

Իսրայելցի հետազոտող ու դասախոս Յաիր Օրոնը ցեղասպանությունների, արդի հուդդայականության և իսրայելապաղեստինյան հարաբերությունների մասնագետ է։ Երկար տարիներ դասավանդում է Իսրայելում: Հրատարակել է Ցեղասպանությանը, նրա դասավանդմանը, Իսրայելում, Եվրոպայում ապրող հրեաների ինքնության հարցում Ցեղասպանության թողած հետևանքների մասին ավելի քան քսան աշխատություն, որոնք հասու են հրեերեն, ֆրանսերեն, անգլերեն, գերմաներեն, ռուսերեն, հայերեն ։

Հեղինակն ապրում է Նեվեհ Շալոմ-Վահատ էլ Շալոմում, որը միակ հրեա-պաղեստինյան խառը համայնքն է Իսրայելում։ Այս մասին տեղեկացնում է ՀՀ մշակույթի նախարարությունը։

ՕՐԵՐ


Առնչվող նյութեր
1. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
2. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
3. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
4. Ջորջ Բարսեղյանի եզակի նվիրատվությունը Հայոց ցեղասպանության թանգարանին
5. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում
6. Կոստադին Բոնեւի ցեղասպանության մասին ֆիլմը ,,Ոսկե ծիրան,,ում
7. Իսրայելում ՀՀ դեսպան Արմեն Սմբատյանն իր հավատարմագրերը հանձնեց Իսրայելի նախագահին
8. ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏԻ ՇՈՒՐՋ ՍՏԵՂԾՎԱԾ ԻՐԱՎԻՃԱԿԻ ՄԱՍԻՆ
9. Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
10. Սա մշակութային ցեղասպանություն է. Չեխական թերթը Թուրքիայում հայկական ժառանգության մասին

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: