ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հովհաննես Մարիկյանի «Մայրամուտ» և Սերգեյ Առաքելյանի «Դոկտոր Սանջայ» ժողովածունները Թբիլիսիում

10 դեկտեմբերի, 2013 | 10:47

books arakelian marikian vrastanՎիրահայոց թեմի «Հայարտուն» կենտրոնի աջակացությամբ, ՀՀ Սփյուռքի նախարարության և Գալուստ Գյուլբենկյան հիմնարկության հովանավորությամբ լույս տեսան Վրաստանի հայ գրողների «Վերնատուն» միության անդամներ Նինոծմինդայի բնակիչ Հովհաննես Մարիկյանի «Մայրամուտ» բանաստեղծությունների և թբիիսաբնակ լրագրող Սերգեյ Առաքելյանի «Դոկտոր Սանջայ» արձակ գործերի ժողովածունները:

Գրքերի շնորհանդեսը տեղի ունեցավ դեկտեմբերի 8-ին, «Հայարտուն» կենտրոնում, որին ներկա էին Վրաստանի ստեղծագործական միությունների ղեկավարները, Վրաստանի հայ գրողների «Վերնատուն» միության անդամները, մտավորականներ, գրականության և մշակույթի ճանաչված դեմքեր, հասարակայնության ներկայացուցիչներ: Շնորհանդեսին մասնակցում էր Նինոծմինդայից հատուկ ժամանած պատվիրակությունը՝ Վրաստանի հայ գրողների «Վերնատուն» միության նախագահ Գևորգ Սնխչյանի գլխավորությամբ: Պատվիրակության կազմում էին շրջանային «Արշալույս» թերթի խմբագիր Մանուկ Կարախանյանը, բանաստեղծ Հովհաննես Մարիկյանը, Համլետ Արոյանը, Հմայակ Գրիգորյանը, Դիվին Քաշանյանը, Արթուր Քուրդօղլյանը:

books vrastan erekoՄիջոցառումը սկսվեց Տերունական աղոթքով, որից հետո միջոցառումը բացեց Վիրահայոց թեմի մշակույթի բաժնի պատասխանատու Լևոն Չիդիլյանը:

«Վերնատուն» միության նախագահ Գևորգ Սնխչյանը անդրադարձ կատարեց գրատպության գործում միության ձեռքերումներին և ներկայացրեց Հովհաննես Մարիկյանին,ով արդեն 7- գրքի հեղինակ է: Վարպետ ստեղծագործողը, թեև բանաստեղծությունների ժողովածուն անվանել է «Մայրամուտ», սակայն այն խոհական-զգացմունքայնության ու լուսավոր գաղափարների գեղեցիկ արտահայտություն է: Իսկ Սերգեյ Առաքելյանի «Դոկտոր Սանջայ» արձակ գործերի ժողովածուում տպագրված վիպակը հետաքրքիր պատմություն է հնդիկ ժողովրդի սոցիալական ծանր վիճակի մասին:

Բանախոսները՝ հայ-վրացական «Կամուրջ» գրական կապերի հասարակական կազմակերպության նախագահ, բանաստեղծ-թարգմանիչ Անահիտ Բոստանջյանը, «Վրաստան» թերթի խմբագիր Վան Բայբուրթյանը, «Արշալույս« շրջանային թերթի խմբագիր Մանուկ Կարախանյանը արժևորեցին Վիրահայոց թեմի «Հայարտուն» կենտրոնի կողմից տարեկան 2-3 գրքի հրատարակությունը, որի ընտրությունը կատարվում է տարբեր տարիքի հեղինակների ստեղծագործություններից: Ելույթ ունեցողները յուրաքանչյուր նոր գիրք նոր ծնունդ անվանելով, շնորհավորեցին հեղինակներին իրենց ստեղծագործությունները հրատարակված գրքով ընթերցողին ներկայացնելու կապակցությամբ:

Այնուհետև ելույթ ունեցան գրքերի հեղինակները: Հովհաննես Մարիկյանը և Սերգեյ Առաքելյանը գնահատանքի խոսքեր ուղղեցին «Հայարտուն» կենտրոնի համակարգող Լևոն Չիդիլյանին, ում ջանքերով լուծվում են հրատարակության հետ կապված հարցերը և իրենց խոնարհումը բերեցին Վիրահայոց թեմի առաջնորդին, ում նվիրական մոտեցմամբ և աջակցությամբ հեղինակներն արժանանում են իրենց ստեղծագործությունների լույս ընծայմանը:

Միջոցառումն ավարտվեց Վիրահայոց Թեմի առաջանորդ Գերաշնորհ Տեր Վազգեն եպիսկոպոս Միրզախանյանի օրհնության խոսքով: Թեմակալ առաջնորդը գնահատանքի խոսքեր ուղղեց «Վերնատուն» միության նախագահ Գևորգ Սնխչյանին և արժևորեց այն ազգանվեր գործունեությունը, որը իրականացնելու է Գևորգ Սնխչյանը ստանձնելով Նինոծմինդայում նորերս բացված «Ռաֆայել Ջավախք Ղարսլյան» կենտրոնի համակարգողի պարտականությունը: Սրբազան Հայրը երախտագիտության խոսքեր ուղղեց Սփյուռքի նախարարությանը, Գալուստ Գյուլբենկյան հիմնարկությանը, որոնք սիրով աջակցում և հովանավորում են Թեմի նախաձեռնությունները: Շնորհավորելով հեղինակներին, Սրբազան Հայրը նշեց, որ Թեմի միջնորդությամբ կրկին շարունակվելու են գրքեր հրատարակվել և շնորհանդեսներ կազմակերպվել:

Վաստակաշատ ուսուցչուհի և «Վերնատուն» միության վարչության անդամ Ռոզա Զոհրաբյանի նախաձեռնությամբ ,Թբիլիսիի թիվ 104 և 110 դպրոցների բարձրդասարանցիներ Լիզա Թորոսյանը, Արամ Մելիքյանը, Արամ Մովսիսյանը, Աննա Հարությունյանը ընթերցեցին հատվածներ և բանաստեղծություններ Սերգեյ Առաքելյանի և Հովհաննես Մարիկյանի արձակ և չափածո ժողովածուներից:

Գրքերի շնորհանդեսին քնարական հմայք հաղորդեցին դաշնակահար Եսայի Աբովյանի, մենակատարներ Նինա Կարապետյան-Գեվորկովայի, Հենրիխ Պետրոսյանի, «Վանք» պարային համույթի (պարուսուց՝ Լիանա Կաշավանիձե)ի ելույթները: Ներկաները ստացան հեղինակի ստորագրությամբ «Մայրամուտ« և «Դոկտոր Սանջայ» գրքերը:

Orer.eu


Առնչվող նյութեր
1. Հայաստանի և Վրաստանի վարչապետների հանդիպում. առևտրաշրջանառությունը հասցնել 1 մլրդ ԱՄՆ դոլարի մակարդակի
2. Հանդիպում գրող Կիմա Կիրակոսյանի հետ
3. Ինչքանո՞վ են ՀՀ նոր իշխանությունները գիտակցում Ջավախքի ռազմավարական նշանակությունը
4. Մենք վճռական ենք հայ-վրացական դարավոր եղբայրական հարաբերությունները բոլորովին նոր մակարդակի բարձրացնելու. Նիկոլ Փաշինյան
5. Նիկոլ Փաշինյանը և Գիորգի Կվիրիկաշվիլին հանդես են եկել ԶԼՄ ներկայացուցիչների համար հայտարարությամբ
6. Թբիլիսիում բացվել է Հայաստանի Առաջին Հանրապետության 100-ամյակին նվիրված հուշատախտակ և տեղի ունեցել պաշտոնական ընդունելություն
7. Նախագահ Սարգսյանը հանդիպել է վիրահայ համայնքի ներկայացուցիչների հետ
8. Հայաստանի նախագահը մասնակցել է Վրաստանում կազմակերպված բարձր մակարդակի քննարկմանը
9. Վրաստանի Առաջին Ժողովրդավարական Հանրապետության 100-ամյակին նվիրված հանդիսավոր արարողություն Թբիլիսիում
10. Արմեն Սարգսյանը հանդիպել է Վրաստանի նախագահին եւ վարչապետին

Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: