ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Հողի կանչը» ֆիլմը՝ նվիրված Լևոն Մելիք-Շահնազարյանի հիշատակին

16 փետրվարի, 2018 | 14:58

2018 թ․ փետրվարի 7-ին հայ ժողովրդի նվիրյալ զավակ, Լեռնային Ղարաբաղի Գերագույն խորհրդի արտաքին հարաբերությունների մշտական հանձնաժողովի նախագահ, «Ոսկանապատ» վերլուծական կենտրոնի հիմնադիր Լևոն Մելիք-Շահնազարյանը կդառնար 60 տարեկան։

Հայաստանի համար ամենադժվարին տարիներին և իր կարիերայի գագաթնակետին, հայտնի քաղաքագետ, հրապարակախոս և հասարակական գործիչ Լևոն Մելիք-Շահնազարյանը թողեց ամեն ինչ, Տաշքենդի այդ տարիների իր ապահով կյանքը և վերադարձավ Հայրենիք, իր ժողովրդի կողքին լինելու համար։ 1988-ի անհանգստություններով և վտանգներով լի տարին էր, երբ նա կնոջ ու մանկահասակ երեխաների հետ եկավ ոչ թե պարզապես Հայաստան, այլ Ստեփանակերտ, որտեղ լուրջ ռազմական գործողություններ էին հասունանում։ Այդ ժամանակից ի վեր շատ տարիներ են անցել, սակայն Լ․Հ․Մելիք-Շահնազարյանը երբեք չզղջաց իր ընդունած որոշման համար։

Ինչպես կարծում էր Լևոն Մելիք-Շահնազարյանը, յուրաքանչյուր հայի պարտքն է ոչ միայն ծառ տնկել ու որդի ծնել, այլև հոգ տանել Հայրենիքի մասին, որը ինչպես և մայրը միակն է։ Նա ասում էր․ «Արդյոք մեր ֆինանսական բարեկեցությունն ավելի՞ արժեքավոր է, քան մեր երեխաների ապագան»։

Ասել, թե ինչ հսկայածավալ աշխատանք է կատարել Լևոն Մելիք-Շահնազարյանը Հայրենիքի և հայ ժողովրդի համար, նշանակում է՝ ոչինչ չասել։ Նրա հեռանալով փուլ եկավ սյունը, և նրա կորուստն անփոխարինելի է թվում․․․

«Կամուրջ» մեդիա կենտրոնը պատրաստել է «ՀՈՂԻ ԿԱՆՉԸ» ֆիլմը՝ նվիրված մեծ Հայրենասերի հիշատակին և կատարելով նրա կամքը։ Մենք հավատում ենք, որ նրա անմահ հոգին մեզ հետ է, և նրա գործերն ու մտքերը հավիտյան ապրելու են մեր սրտերում․․․

«Կամուրջ» մեդիա կենտրոն


Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: