ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հոկտեմբերի 5-ից 8-ը Թեհրանում կկայանա «Հայաստան էքսպո» ցուցահանդեսը

28 սեպտեմբերի, 2016 | 08:22

IRAN TumanyanՍեպտեմբերի 25-ին ԻԻՀ-ում ՀՀ դեսպան Արտաշես Թումանյանը հանդիպեց Իրանի առևտրի, արդյունաբերության, հանքերի և գյուղատնտեսության պալատի նախագահ Ղոլամ Հոսեյն Շաֆեիի հետ:

Հանդիպմանն անդրադարձ կատարվեց հայ-իրանական միջպետական բարձր մակարդակի հարաբերություններին և դրանց առևտրական բաղադրիչին: ՀՀ դեսպանն առանձնահատուկ կարևորեց բանկային, ապահովագրական, ՏՏ և մի շարք այլ ոլորտներում համագործակցությունը, ներկայացրեց այդ ոլորտներում իրականացված բարեփոխումները և ստեղծված բարենպաստ պայմանները:

Պալատի նախագահ Շաֆեին հայտնեց իրանական կողմի պատրաստակամությունը զարգացնել հարաբերությունները, հատկապես, բանկային և ապահովագրության ոլորտներում, ինչն էականորեն կնպաստի երկու երկրների միջև գործարար կապերի ամրապնդմանը:

Զրուցակիցներն անդրադարձան նաև մաքսային, հարկային և առևտրային ռեժիմներին առնչվող մի շարք խնդիրների:

Շաֆեին կարևորեց ՀՀ-ի դերը ԵԱՏՄ-ի հետ Իրանի հարաբերությունների զարգացման գործում:

ՀՀ դեսպանը ներկայացրեց հոկտեմբերի 5-ից 8-ը Թեհրանում կայանալիք «Հայաստան էքսպո» ցուցահանդեսի նախապատրաստական աշխատանքները: Այս համատեքստում Իրանի առևտրի պալատի նախագահը առանձնահատուկ կարևորեց Թեհրանում առաջին անգամ հայկական ապրանքներին և ծառայություններին նվիրված նման խոշոր ցուցահանդեսի անցկացման փաստը՝ միաժամանակ հայտնելով պալատի լիակատար աջակցությունը ցուցահանդեսի մասին տեղեկատվությունը իրանական գործարար հանրությանը հասցնելու գործում:

Դեսպան Թումանյանը հրավիրեց պալատի նախագահ Շաֆեին այցելել Հայաստան` տեղում ծանոթանալու ՀՀ տնտեսության հնարավորություններին և գործարար միջավայրի առանձնահատկություններին, որը սիրով ընդունեց վերջինիս կողմից:


Առնչվող նյութեր
1. Չինական գեղագրությունը և գրաֆիկան Հայաստանում
2. «ՈՎ ՄԱՐԴԿԱՅԻՆ ԱՐԴԱՐՈՒԹԻՒՆ…» ԹՈՒՐՔԻԱՆ «ՄՏԱՀՈ՜Գ» Է ԿՈՏՈՐԱԾՆԵՐՈՎ…
3. Լեհաստանաբնակ հայ նկարիչներ Հելեն Հարութի եւ Սուրեն Վարդանյանի ցուցահանդեսը Լուբաչով քաղաքում
4. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
5. «Քարերի պոեզիա. Անի». ցուցահանդես Երեւանում
6. Անդրանիկ Խեչումյան՝ Հայ-Իրանական բարեկամության դրոշակիր
7. Առաջին Հանրապետության 100-ամյակին նվիրված ցուցահանդեսի բացում Երեւանում
8. ԲՈԼՏՈՆԵԱՆ «ՀԱԿԱԻՐԱՆ ՃԱՆԱՊԱՐՀԱՅԻՆ ՔԱՐՏԷԶԸ»…
9. Հայաստանի Ազգային Պատկերասրահում բացվեց Վալմարի հոբելյանական ցուցահանդեսը
10. Իրանցի արդյունաբերողներն ու գործարարները մեկ հարկի տակ․ Երևանում բացվեց Իրանի Ալբորզ նահանգի արտադրանքների առաջին ցուցահանդեսը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: