ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՀՀ անկախության 25-ամյակին նվիրված միջոցառումներ Մարսելում եւ Մադրիդում

30 սեպտեմբերի, 2016 | 08:08

France MarselleՍեպտեմբերի 23-ին Մարսելում ՀՀ գլխավոր հյուպատոսության կողմից կազմակերպվել էր ՀՀ անկախության 25-ամյակին նվիրված ընդունելություն:

Միջոցառմանը մասնակցում էին Ֆրանսիայում ՀՀ դեսպան Վիգեն Չիտեչյանը, Էքս-Մարսել-Պրովանս տարածաշրջանի նախագահ-պատգամավոր Գի Տեսիեն, Պրովանս-Ալպ-Կոտ- դ’Ազուր մարզի փոխպրեֆեկտ, նույն մարզի փոխնախագահներ, քաղաքապետեր, մարզային, շրջանային և համայնքային իշխանությունների ներկայացուցիչներ, Ֆրանսիայի խորհրդարանականներ, Մարսելում հավատարմագրված գլխավոր և պատվավոր հյուպատոսեր, հայ առաքելական և կաթոլիկ եկեղեցիների հոգևորականներ, քաղաքական, հասարակական և մշակութային գործիչներ, հայ համայնքի անդամներ։

Ողջունելով ներկաններին՝ Մարսելում ՀՀ գլխավոր հյուպատոս Վարդան Սիրմաքեշը ներկայացրեց Անկախության օրվա խորհրդի կարևորությունը հայ ժողովրդի նորագույն պատմության մեջ, անկախությունից ի վեր Հայաստանի ձեռքբերումները և առկա մարտահրավերները, արտաքին քաղաքականության առաջնահերթությունները: Նա անդրադարձավ նաև հայ-ֆրանսիական դարավոր բարեկամությանը, երկկողմ տնտեսական և մշակութային համագործակցությանը, հայրենիքի զարգացման գործում ֆրանսիահայերի մեծագույն ավանդին:

Շնորհավորական ելույթներով հանդես եկան Մարսելի սենատոր-քաղաքապետ Ժան Կլոդ Գոդենի անունից Մարսելի 4-րդ շրջանի քաղաքապետ Իվ Մորենը, Պրովանս-Ալպ-Կոտ-դ’Ազուր մարզի նախագահ Քրիստիան Էստրոզիի անունից փոխնախագահ Կարոլին Պոզմանտիեն, Էքս-Մարսել-Պրովանս տարածաշրջանի նախագահ-պատգամավոր Գի Տեսիեն: Վերջիներս անդրադարձան հայ-ֆրանսիական դարավոր բարեկամությանը՝ ևս մեկ անգամ հավաստելով բարեկամ Ֆրանսիայի աջակցությունը Հայաստանի Հանրապետությանը և հայ ժողովրդին նորանոր հաջողությունների նվաճման գործում:

Միջոցառումն ուղեկցվեց հայ անվանի կոմպոզիտոր Արամ Խաչատրյանի ստեղծագործությունների կատարումներով:

adonts ispania Սեպտեմբերի 27-ին Իսպանիայում ՀՀ դեսպանության կողմից Մադրիդում կազմակերպվել էր ընդունելություն` նվիրված Հայաստանի Հանրապետության անկախության 25-ամյակին:

Իր շնորհավորական ուղերձում Իսպանիայում ՀՀ դեսպան Ավետ Ադոնցն անդրադարձավ Հայաստանի Հանրապետության անկախության 25 տարիների գլխավոր ձեռքբերումներին, տարածաշրջանում տևական կայունություն և խաղաղություն հաստատելու կարևորությանը, ՀՀ-ԵՄ հարաբերություններին:

Դեսպան Ադոնցը խոսեց նաև հայ-իսպանական բարեկամական հարաբերությունների և դրանց մեծ ներուժի մասին: Իր խոսքում ՀՀ դեսպանն առանձնահատուկ ընդգծեց երկկողմ հարաբերությունների զարգացման գործում հայ համայնքի դերակատարությունը:

Միջոցառմանը մասնակցեցին Իսպանիայի օրենսդիր և գործադիր մարմինների ներկայացուցիչներ, ԻԹ արտաքին քաղաքական և այլ պետական գերատեսչությունների բարձրաստիճան պաշտոնյաներ, ռեգիոնալ իշխանությունների ներկայացուցիչներ, հոգևորականներ, Իսպանիայում հավատարմագրված դիվանագիտական կորպուսի, գիտնական և գործարար շրջանակների ներկայացուցիչներ, մշակութային գործիչներ, հայ համայնքի անդամներ։

ispaniaispania 2016


Առնչվող նյութեր
1. Մտորումներ Լատվիայի անկախության 100-ամյակի առթիվ
2. Նիկոլ Փաշինյանը Փարիզում մասնակցել է Առաջին աշխարհամարտում կնքված զինադադարի 100-ամյակին նվիրված արարողությանը
3. ՀՀ անկախության 27-ամյակին նվիրված ընդունելություն Փարիզում
4. Վալանս. մանուկներու մշակոյթի արուեստանոցը այս անգամ նուիրուած էր Շարլ Ազնաւուրին
5. «ԱՐԵՎԵԼՅԱՆ ՃԱԿԱՏԻՑ 100 ՏԱՐԻ ԱՆՑ. ՀԱՅԱՍՏԱՆԸ ԵՎ ՄԵՐՁԱՎՈՐ ԱՐԵՎԵԼՔԸ ՊԱՏԵՐԱԶՄԻ ՈՒ ԽԱՂԱՂՈՒԹՅԱՆ ՄԻՋԵՎ» խորագրով միջազգային գիտաժողով Լիոնում՝ նոյեմբեր 9-10
6. Մակրոնը այցելեց Հայոց ցեղասպանության հուշահամալիր
7. «Հայաստան» բառը շատ նուրբ ու հուզիչ զգացում է առաջացնում ֆրանսիացիների հոգում-Էմանուել Մակրոն
8. Բացառիկ հայկական ցուցահանդես՝ չեխական հրաշագեղ դահլիճում
9. Ստրասբուրգ. Եվրոպայի խորհրդում նշվեց Հայաստանի Անկախության տոնը
10. Նախագահ Արմեն Սարգսյանը Փարիզում եւ Շամոնում՝ Մտքերի գագաթնաժողովի շրջանակում հանդիպել է տասնյակից ավելի ընկերությունների ղեկավարների հետ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: