ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
13 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՀԲԸՄ Նախագահն ու Հայաստանի Նոր Ղեկավարությունը Քննարկում են Համագործակցության Հնարավորություններն ու Փոխադարձ Հետաքրքրության Ոլորտները

18 հունիսի, 2018 | 21:37

Յունիսի 10-ի շաբաթվա ընթացքում, ՀԲԸՄ նախագահ Պերճ Սեդրակյանը, ՀԲԸՄ Հայաստանի նախագահ Վազգեն Յագուբյանի ու Կենտրոնական Վարչության անդամ Երվանդ Զորյանի ուղեկցությամբ մի շարք աշխատանքային հանդիպումներ ունեցավ Հ.Հ. նախագահ Արմեն Սարգսյանի, վարչապետ Նիկոլ Փաշինյանի, Ազգային ժողովի նախագահ Արա Բաբլոյանի, արտաքին գործերի, պաշտպանության, սփյուռքի, կրթության և գիտության նախարարների, ինչպես նաև Կենտրոնական բանկի նախագահի հետ: Ս. Էջմիածին կատարած այցելությամբ, պրն. Սեդրակյանը հանդիպեց Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի հետ:

Ըստ նախագահ Սեդրակյանի, «Ազգային ծառայության տարբեր ոլորտների բարձրաստիճան պաշտոնատարների հետ հանդիպումները հնարավորություն տվեցին առավել խորը պատկերացում կազմելու կառավարության նախատեսած ծրագրերի վերաբերյալ, գտնելով նաև փոխադարձ հետաքրքրություն ներկայացնող ոլորտներ: Այս հանդիպումները բացառիկ առիթ էին պետական մարմիններին ներկայացնելու ՀԲԸ.Միության պատկերացումները, որոնք հիմնված են կյանքի տարբեր ոլորտներն ընդրգրկող ծրագրերի միջոցով Հայաստանի քաղաքացիների հետ երկարատև, ընդգրկուն ներգրավվածության վրա»: Նա նաև նշեց, որ «արդյունավետ այս խորհրդակցությունները ընթացք են տալու նոր նախաձեռնությունների՝ համապատասխան ոլորտներում կողմերի փոխադարձ պատասխանատվությամբ, ընդարձակելով փոխգործակցութեան շրջագծերը կրթության, սոցիալական-տնտեսական զարգացման, մշակույթի և այլ կենսական բնագավառներում»: Նա ընդգծեց, որ նման հանդիպումները աշխուժացնում և ամրապնդում են Հայաստան-սփյուռք հարաբերությունները, «որոնք համաշխարհայնական ազգի ուժականությամբ հզորացնում են Հայաստանի ինքնիշխան պետությունը՝ նրան տալով յուրահատուկ կարգավիճակ»:

Կառավարության անդամերն իրենց հերթին գնահատանքով արտահայտվեցին Հայաստանի ու հայ ժողովրդի բարեկեցությանն ու բարգավաճմանն ուղղված ՀԲԸՄ-ի հետևողական և նվիրյալ ծառայությունների մասին, որոնք բաղկացուցիչներն են նրա առաքելության և որոնք նպաստում են պետականության հիմքերի զորացմանը:

Ամենայն Հայոց Վեհափառ Հայրապետի հետ հանդիպման ընթացքում նախագահ Սեդրակյանն իր զորակցությունը հայտնեց ազգային արժեքների պահպանման ուղղությամբ եկեղեցու կատարած կարևոր դերի կապակցությամբ: Նա հաստատեց, որ ՀԲԸՄ-ն շարունակելու է աջակցել եկեղեցու այդ նախաձեռնություններին: Նա նշեց, որ կարևոր է հանրությանը շարունակաբար իրազեկել սոցիալական, կրթական և մարդասիրական ոլորտներում եկեղեցու առաջ տարած լայն գործունեության մասին, կրկին անգամ շեշտելով իր այն համոզումը, որ կառավարությունն ու եկեղեցին իրենց յուրահատուկ դերն ունեն կատարելիք մեր ազգը հատկանշող իդեալներն ու անժամանցելի արժեքները ժողովրդի մոտ վառ պահելու գործում:

 

Հիմնված 1906-ին, Հ.Բ.Ը.Մ.ը (www.agbu.org), աշխարհի մեծագույն ոչ-շահամետ հայկական կազմակերպությունն է: Միության կետրոնը գտնվում է Նյու Յորքում, Ամերիկայի Միացյալ Նահանգներ: Հ.Բ.Ը.Մ. -ը սատարում է հայեցի ինքնության և ժառանգության պահպանմանը եւ մշակմանը՝ կրթական, մշակութային եւ մարդասիրական ծրագրերով: Միության գործունեությունները ընդգրկում են տարեկան աւելի քան 500,000 հայեր՝ աշխարհի տարածքում:


Առնչվող նյութեր
1. Նոր հնարավորություներ՝ Հայաստանի ֆրանսախոսների համար
2. ՀԲԸՄ-ն սգում է հայ ժողովրդի հպարտություն Շառլ Ազնավուրի կորուստը
3. Ուշագրավ համերգների և դասախոսությունների շարքը հայկական երաժշտությունը հասցրեց Ասիա՝ կամրջելով դարավոր ժողովրդական ավանդույթները
4. Ամենայն Հայոց Կաթողիկոսը և ՀԲԸՄ նախագահը քննարկեցին հայրենական կյանքին և Սփյուռքին վերաբերող հարցեր
5. ՀԲԸՄ-ը նոր թափով պիտի սկսի հասարակական-տնտեսական ծրագիրներու իրականացումը
6. Հ.Բ.Ը.Մ.-Ը ՈՒՍՈՒՄՆԱԿԱՆ ԴՐԱՄԱՇՆՈՐՀՆԵՐ ԿԸ ՏՐԱՄԱԴՐԷ ԼՈՅՍ ՀԻՄՆԱԴՐԱՄԻ ԼՈՒԾԱՐՄԱՆ ՊԱՏՃԱՌՈՎ ՏՈՒԺԱԾ ՈՒՍԱՆՈՂՆԵՐՈՒ
7. ՀԲԸՄ-ն խթանում է Հայաստանի և Սփյուռքի միջև նոր շփումները
8. Creative Armenia-ն և Հայկական Բարեգործական Ընդհանուր Միությունը հայտարարում են նորարար տաղանդավոր արվեստագետներին օժանդակող ծրագրի մեկնարկը
9. ՀԲԸՄ-ն ներկայացնում է անհրաժեշտ էլեկտրոնային գրքեր ու հավելվածներ Հայաստանի մասին
10. Գարեգին Բ Կաթողիկոսը և ՀԲԸՄ նախագահը խոսել են ներհայաստանյան քաղաքական վերջին զարգացումների մասին

Մեկնաբանություն

Վերջին լուրեր
1.Սարիկ Անդրեասյանի «Չներվածը» ներկայացվեց Պրահայի հանդիսատեսին
2.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
3.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
4.Գագիկ Ղալաչյանը՝ Ղազախստանում Հայաստանի դեսպան
5.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
6.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
7.Հայկ Մարությանն ընդունել է Չեխիայի դեսպանին
8.Սիմոն Մարտիրոսյան.Ութ տարի անց Հայաստանն ունեցավ աշխարհի նոր չեմպիոն և կրկնակի ռեկորդակիր
9.Յուրի Վարդանյանը կհուղարկավորվի Երևանի Կոմիտասի անվան պանթեոնում
10.Սա Ձեր ապրած կյանքի գնահատականն է. նախագահ Սարգսյանը Երվանդ Մանարյանին հանձնել է Հայաստանի Հանրապետության ժողովրդական արտիստի կրծքանշանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: