ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայ-լիտվական գործարար համաժողով Վիլնյուսում

01 դեկտեմբերի, 2014 | 17:25

litva forum Նոյեմբերի 27-28-ին Լիտվայում ՀՀ դեսպանության աջակցությամբ Զարգացման հայկական գործակալությունը Լիտվայի Արդյունաբերողների միության հետ համատեղ Վիլնյուսում կազմակերպել էին հայ-լիտվական գործարար համաժողով և հայկական արտադրանքի համտես: Համաժողովին մասնակցում էին տարբեր որոլտներ ներկայացնող 15 ընկերությունների ներկայացուցիչներ Հայաստանից և 55 ընկերությունների ներկայացուցիչներ Լիտվայից: Ներկա էին նաև Լիտվայի տարբեր գերատեսչությունների ներկայացուցիչներ:

Համաժողովին բացման խոսքով հանդես եկան Լիտվայի Արդյունաբերողների միության նախագահ Ռոբերտ Դարգիսը, Հայկական զարգացման գործակալության տնօրեն Ռոբերտ Հարությունյանը, Լիտվայում ՀՀ դեսպան Արա Այվազյանը և Լիտվայի Սեյմասի Հայաստանի հետ բարեկամության պատգամավորական խմբի նախագահ Դանգուտե Միկուտիենեն:

Իր խոսքում Ռոբերտ Դարգիսը նշեց, որ չնայած առևտրաշրջանառության փոքր ծավալներին` Հայաստանը մեծ հետաքրքրություն է ներկայացնում և՛ տնտեսական, և՛ աշխարհագրական իմաստով` դիտարկելով Հայաստանը որպես նոր շուկա և հարթակ` Միջին Արևելքի երկրներ ներթափանցելու համար, ինչը հաստատում են տարբեր ընկերությունների միջև ստորագրված համագործակցության վերաբերյալ հուշագրերը: Լիտվայի արդյունաբերողների միության նախագահը, հաշվի առնելով ֆորումին ցուցաբերված երկկողմ հետաքրքրությունը, ցանկություն հայտնեց 2015թ. սկզբին այցելել Հայաստան:

Հայկական զարգացման գործակալության տնօրեն Ռոբերտ Հարությունյանն իր խոսքում նշեց, որ Հայաստանը ցանկանում է ընդլայնել իր տնտեսական համագործակցության աշխարհագրությունը և դիտարկում է Լիտվան որպես դարպաս դեպի Բալթյան և Հյուսիսային Եվրոպայի երկրներ:

Դեսպան Այվազյանն, իր ելույթում անդրադառնալով ԵՏՄ-ին Հայաստանի անդամակիցությանը, գոհունակույամբ նշեց, որ ինչպես վիճակագրական տվյալները, այնպես էլ համաժողովի մասնակիցների թիվը վկայում են Լիտվայի կողմից Հայաստանը որպես տնտեսական կարևոր հանգույց և գործոն ընկալելու մասին:

Համաժողովի ընթացքում տեղի ունեցան երկկողմ հանդիպումներ գործարար շրջանակների միջև, եղան այցելություններ լիտվական գործարաններ, ընկերությունների միջև ձեռք բերվեցին հետագա համագործակցության մի շարք պայմանավորվածություններ, ստորագրվեց 9 հուշագիր:

Հայ-լիտվական համաժողովը լայնորեն լուսաբանվեց լիտվական հեղինակավոր լրատվամիջոցներով, ինչպես նաև Լիտվայի հանրային հեռուստատեսությամբ:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
3. 52 տարի` օգտակար լինելու ցանկությամբ
4. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
5. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
6. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
7. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
8. Մենք կարող ենք լինել նոր աշխարհի ու նոր Մետաքսի ճանապարհի կարևոր մասը. Արմեն Սարգսյան
9. Հայաստանի վարչապետը՝ Ֆրանկոֆոնիայի գործարար ֆորումում
10. Գանա – Հայաստան. հաստատվեցին դիվանագիտական հարաբերություններ

Մեկնաբանություն

Վերջին լուրեր
1.Արման Նուռի անհատական մեծ ցուցահանդեսը Վենոզայում
2.Հայաստանի դպրոցներում կներդրվի Աշխարհատեղեկատվական համակարգը
3.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
4.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
5.Յուրի Վարդանյանի հուղարկավորությունը Կոմիտասի պանթեոնում
6.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
7.Չեխական «Դոմեստիկ» ֆիլմը կցուցադրվի Երեւանում
8.Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
9.Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
10.Վահագն Աթաբեկյանը՝ Լիբանանում Հայաստանի դեսպան
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: