ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայ-լեհական միջկառավարական հանձաժողովի նիստ Վարշավայում

05 դեկտեմբերի, 2014 | 12:09

Armenia-Polska_flagsԴեկտեմբերի 2-4-ը Վարշավայում տեղի ունեցավ հայ-լեհական միջկառավարական տնտեսական համագործակցության հանձաժողովի համատեղ 4-րդ նիստը:

Հայկական պատվիրակությունը գլխավորում էր Հայաստանի էկոնոմիկայի նախարարի առաջին տեղակալ, հայ-լեհական միջկառավարական տնտեսական համագործակցության հանձնաժողովի համանախագահ Գարեգին Մելքոնյանը, իսկ լեհական պատվիրակությունը` Լեհաստանի էկոնոմիկայի նախարարության փոխպետքարտուղար Տոմաշ Տոմչիկևիչը:

Հայկական պատվիրակության կազմում էին ՀՀ էներգետիկայի և բնական պաշարների, գյուղատնտեսության նախարարի տեղակալերը, Լեհաստանում ՀՀ դեսպան Էդգար Ղազարյանը, ՀՀ արտաքին գործերի, բնապահպանության, ֆինանսների, կրթության և գիտության, պաշտպանության, առողջապահության, տրանսպորտի և կապի նախարարությունների, ՀՀ Կառավարության և Անվտանգության խորհրդի ներկայացուցիչներ:

Դեկտեմբերի 3-ին Վարշավայի «Գրանդ Մերկուրի» հյուրանոցի «Օլիմպ» սրահում մեկնարկեց նիստի` ընդլայնված կազմով հանդիպումը: Բացման և ողջյունի խոսքով հանդես եկան համանախագահներ Գարեգին Մելքոնյանն ու Տոմաշ Տոմչիկևիչը: Համանախագահները, ընգծելով հայ-լեհական առևտրատնտեսական հարաբերությունների ակտիվացման անհրաժեշտությունը, կարևորեցին միջկառավարական համատեղ հանձնաժողովների գործունեությունը և հույս հայտնեցին, որ 4-րդ նիստի արդյունքում ձեռք բերված պայմանավորվածությունները, ինչպես նաև քննարկումների արդյունքում երկու կողմերից արված նոր առաջարկությունները, ևս կընդգրկվեն նիստի արձանագրության մեջ, ինչը նոր շունչ կհաղորդի երկկողմ առևտրատնտեսական հարաբերությունների արդյունավետ համագործակցությանը:

Համանախագահները վստահեցրին, որ երկու երկրների միջև առկա իրավապայմանագրային ընդգրկուն դաշտը լավ հնարավորություն է` զգալիորեն ընդլայնելու առևտրատնտեսական կապերը: Նախանշվեցին Հայաստան-Լեհաստան տնտեսական համագործակցության զարգացման տեսակետից առավել կարևոր և հեռանկարային համարվող հիմնական ուղղությունները` գյուղատնտեսություն, ֆինանսական ներդրումներ, էներգետիկա, մաքսային, տրանսպորտ և հաղորդակցություն, առողջապահություն, զբոսաշրջություն, մշակույթ և գիտություն: Նշյալ ոլորտներում համագործակցությունն աշխուժացնելու համար կողմերը կարևորեցին նաև մասնավոր սեկտորի ակտիվ մասնակցությունն ու ներգրավածությունը:

Լիագումար նիստին հաջորդեց աշխատանքային խմբերի մասնագիտական քննարկումները: Այնուհետև նույն սրահում լեհ գործարարների մասնակցությամբ մեկնարկեց «Հայաստանի տնտեսութունը և ներդրումային դաշտը» խորագրով սեմինարը:

Դեկտեմբերի 4-ին Լեհաստանի էկոնոմիկայի նախարարությունում կայացավ համատեղ հանձնաժողովի ամփոփիչ նիստը, 4-րդ նիստի Արձանագրության ստորագրման հանդիսավոր արարողությունը և երկու համանախագահների մասնակցությամբ մամլո ասուլիս:

Այցի շրջանակում պատվիրակությունը մի շարք հանդիպումներ ունեցավ Լեհաստանի տարբեր գերատեսչություններում:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
3. Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
4. Սամվել Մկրտչյանը՝ Լեհաստանում Հայաստանի դեսպան
5. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
6. 52 տարի` օգտակար լինելու ցանկությամբ
7. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
8. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
9. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
10. Աբովյանի «Վերք Հայաստանի» գիրքը լեհերեն. շնորհանդես Կրակովում

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: