ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 օգոստոսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայ բժշկուհիները օդանավում փրկեցին չինուհու կյանքը

15 դեկտեմբերի, 2016 | 10:33

sona-eritsian-ev-muisner

Դեկտեմբերի 14-ին Պեկին-Մոսկվա (Շերեմետևո) ՍՈՒ-201 չվերթի ինքնաթիռի օդ բարձրանալուց մեկ ժամ անց օդանավում հայտարարվել է ինքնազգացողությունը վատացած չինուհի ուղևորի մասին։ Կանչին արձագանքել են օդանավում գտնվող 3 հայ բժշկուհիները՝ Քրիստինե Ավագյանը, Սոնա Երիցյանը և Սոնա Մանասարյանը, ովքեր վերադառնում էին Հայաստան՝ Չինաստանում ժողովրդական բժշկության դասընթացներին մասնակցելուց հետո։

Ուղևորուհու վիճակը, իսկապես, ծանր է եղել՝ զարկերակը հազիվ է շոշափվել։ Բժշկուհիները գործի են դրել չինական ժողովրդական բժշկության հնարավորությունները և օդանավում եղած սահմանափակ դեղորայքային միջոցները, փրկել հիվանդի կյանքը՝ ինքնազգացողությունը հասցնելով բավարար վիճակի, դրանով իսկ բացառելով օդանավի հարկադիր վայրէջքը մոտակա օդանավակայաններից մեկում, ինչին նախապատրաստվում էր օդանավի անձնակազմը։

«Չինաստանում ժողովրդական բժշկության ասպարեզում մեր նոր ձեռքբերած գիտելիքները, ավանդական բժշկության միջոցների զուգակցմամբ, տվյալ պահին օդանավում գտնվող սահմանափակ քանակությամբ դեղորայքային միջոցների արագ կիրառումը հնարավորություն տվեցին կյանքի և մահվան սահմանագծում գտնվող կնոջը փրկել,- մեր թղթակցի հետ զրույցում ասաց Սոնա Երիցյանը,- մենք նախևառաջ կատարեցինք մեր մասնագիտական պարտքը՝ չինական ժողովրդական բժշկության զորեղ միջոցներից օգտվելով։ Այնպես որ Չինաստանում վերապատրաստումը, նոր գիտելիքներին ու ունակություններին տիրապետելը շատ օգտակար եղավ»։

Կ. Տիտանյան

հատուկ ՕՐԵՐ-ի համար

Orer.eu


Առնչվող նյութեր
1. Խաղողօրհնեք. Երկար դադարից հետո վերստին ղողանջեց Ախթալայի վանքի զանգը
2. Կառավարությունը ստեղծելու է բոլոր պայմանները, որպեսզի քաղաքացիները հարստանան ու հարստացնեն մեր երկիրը. շարունակվում է վարչապետի այցը Տավուշի մարզ
3. Մայիսից սկսած՝ ավելի շատ մարդ է գալիս Հայաստան, քան հեռանում. վարչապետը հանդիպել է Տավուշի մարզի բնակիչներին
4. 100 տարի առաջ այս օրը գումարվել է անկախ Հայաստանի խորհրդարանի Առաջին նիստը
5. Ինչքանո՞վ են ՀՀ նոր իշխանությունները գիտակցում Ջավախքի ռազմավարական նշանակությունը
6. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
7. Ինչպե՞ս մեկ օրում մաքրել Հայաստանն աղբից և սկսել ապրել մաքուր երկրում
8. Նիկոլ Փաշինյանն ամեն օր շոկի է ենթարկվում
9. ՀԲԸՄ-ն խթանում է Հայաստանի և Սփյուռքի միջև նոր շփումները
10. Նիկոլ Փաշինյանն ու Էմանուել Մակրոնը քննարկել են Երեւանում կայանալիք Ֆրանկոֆոնիայի գագաթնաժողովի հետ կապված հարցերը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: