ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայոց ցեղասպանության 103-րդ տարելիցին նվիրված միջոցառումներ Լիտվայի Շյաուլյայ քաղաքում

01 մայիսի, 2018 | 16:16

Ապրիլի 29-ին Շյաուլյայի Սբ. Պետրոսի և Պողոսի անվան մայր տաճարում Շյաուլյայի եպիսկոպոս Եվգենյուս Բարտուլիսի կողմից մատուցվեց Սուրբ պատարագ՝ նվիրված Հայոց ցեղասպանության նահատակների հիշատակին:


Պատարագին, որը նախաձեռնվել էր Լիտվայում ՀՀ դեսպանության կողմից, մասնակցում էին Շյաուլյայի հարյուրավոր բնակիչներ, ինչպես նաև հայ համայնքի ներկայացուցիչներ:

Եպիսկոպոս Բարտուլիսն իր խոսքում անդրադարձավ պատմական փաստերի՝ ընդգծելով, որ Հայոց ցեղասպանության ոճրագործության իրագործման հրամանն արձակվել է Օսմանյան կայսրության կառավարության կողմից ու այն եղել է կանխամտածված և ծրագրված հանցանք: Եպիսկոպոսն անդրադարձավ Հայոց ցեղասպանության զոհերի ոգեկոչման ավանդույթին՝ որպես յուրահատուկ խորհրդանիշ հիշատակելով Ծիծեռնակաբերդի հուշահամալիրում վառվող անմար կրակը:

Պատարագի ընթացքում ելույթ ունեցավ Լիտվայում ՀՀ դեսպան Տիգրան Մկրտչյանը, ով ներկայացրեց Հայոց ցեղասպանության վերաբերյալ որոշ փաստեր՝ ընդգծելով, որ Վատիկանի գաղտնի փաստաթղթերի հրապարակումը նոր հնարավորություններ է ընձեռել Հայոց ցեղասպանության հետազոտության համար:

Դեսպանն անդրադարձավ Հռոմի Պապ Բենեդիկտոս XV-ի, կաթոլիկ հոգևորականներ Անջելո Դոլչիի, Մայքլ Լիբլի գրագրությանը և նշեց, որ ցեղասպանության ժամանակ սպանվեցին 48 եպիսկոպոսներ, 4500 հոգևորականներ, հայ կաթոլիկների 87% -ը բնաջնջվեց, 2200 եկեղեցիներ թալանվեցին կամ ոչնչացվեցին: Եզրափակելով իր խոսքը, դեսպանը նշեց, որ դա հանցանք էր ոչ միայն մարդկության, այլ նաև քաղաքակրթության դեմ: Արարողության ավարտին հնչեց հայկական հոգևոր երաժշտություն:

Նույն օրը եպիսկոպոսարանի հարակից տարածքում բացվեց «Արմենպրես» լրատվական գործակալության հետ միասին դեսպանության կողմից կազմակերպած հայկական միջնադարյան եկեղեցիների ֆոտո-ցուցահանդեսը, որը գործելու է մեկ ամիս։ Ցուցադրության են ներկայացվել 8-15-րդ դարերի հայկական եկեղեցիների շուրջ երեք տասնյակ լուսանկարներ, որոնք կատարվել են «Արմենպրես» գործակալության կողմից իր շուրջ մեկդարյա գործունեության ընթացքում:

Շյաուլյայի տաճարում, ինչպես նաև նույն օրը՝ ավելի վաղ, Շյաուլյաի լիտվական «Խաչերի սար» կոչվող սրբավայրում Բալթյան երկրներում Հայոց առաքելական եկեղեցու հոգևոր հովիվ Տեր Խոսրով Ստեփանյանը հանդես եկավ աղոթքով:


Առնչվող նյութեր
1. Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
2. Հայաստանի պատմական քարտեզների ցուցադրություն Կաունասի հանրային գրադարանում
3. Ցեղասպանությունից 103 տարի անց մենք ապացուցել ենք ողջ աշխարհին, որ լույսը, բարին կհաղթեն. Արմեն Սարգսյան
4. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
5. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
6. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
7. Մակրոնը այցելեց Հայոց ցեղասպանության հուշահամալիր
8. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
9. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
10. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է

Մեկնաբանություն

Վերջին լուրեր
1.Ավստրիայում ՀՀ դեսպան Արման Կիրակոսյանի հրաժեշտի միջոցառումը Ավստրիայի արտաքին գերատեսչությունում
2.Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
3.Ժնեւ. ՀՀ վարչապետի պաշտոնակատարի տիկին Աննա Հակոբյանի հանդիպումը Շվեյցարիայի հայ համայնքի հետ
4.«Այաս-Կիլիկիա» ռեստորանում այցելուներին փոխանցում են հայկական ավանդական ընտանիքի տրամադրությունները
5.ՊՐԱՀԱ. Ամանորյա տոնական հանդես մանուկների համար
6.Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում
7.Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
8.Բժիշկ Թոմ Քաթինան՝ «Ավրորա» մարդասիրական նախաձեռնության նախագահ
9.Թեքեյան կենտրոնը իրականացնում է «Անվճար դասագրքեր կարիքավոր երեխաների համար» ամենամյա ծրագիրը
10.Հայաստանի պատմական քարտեզների ցուցադրություն Կաունասի հանրային գրադարանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: