ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայոց ցեղասպանության հիշատակման միջոցառում Դանիայում

29 ապրիլի, 2018 | 15:21

Ապրիլի 29-ին Դանիայի Օդեր քաղաքի Գիլինգ ավանում` դանիացի միսիոներ Կարեն Եփփեին նվիրված հուշաքարի մոտ, տեղի ունեցավ Հայոց ցեղասպանության զոհերի 103-րդ տարելիցի հիշատակի ոգեկոչման և Կարեն Եփփեին հարգանքի տուրք մատուցելու արարողություն:

Միջոցառման մեկնարկին դանիահայերի հոգևոր հովիվ Տեր Ստեփանոս Հովհաննիսյանի կողմից կատարվեց ցեղասպանության նահատակների ոգեկոչմանը նվիրված բարեխոսական կարգ: Այնուհետեւ ելույթ ունեցան Դանիայում ՀՀ դեսպան Ալեքսանդր Արզումանյանը, Օդերի քաղաքապետ Ուֆֆե Յենսենը եւ Գիլինգի պատմական արխիվի տնօրեն Մոգենս Հոյմարկը:

Դեսպան Արզումանյանն իր ելույթում նշեց, որ Հայոց ցեղասպանության հիշատակի օրերը կարևոր առիթ են հարգանքի տուրք մատուցելու բոլոր նրանց, ովքեր հայ ժողովրդի համար ողբերգալի իրադարձությունների ընթացքում օգնության ձեռք են մեկնել ու բազմաթիվ հայերի կյանքեր փրկել: Խոսելով դանիացի միսիոներուհի Կարեն Եփփեի հայանպաստ գործունեության մասին` դեսպանն իր երախտիքն արտահայտեց ավելի քան 300 հայ որբերի կյանքը փրկելու եւ աշխարհին հայերի կոտորածների մասին տեղյակ պահելու նրա ջանքերի համար:

Օդերի քաղաքապետ Ուֆֆե Յենսենը և Գիլինգի պատմական արխիվի տնօրեն Մոգենս Հոյմարկն իրենց խոսքում ընդգծեցին, որ արդեն 5-րդ տարի է ինչ մասնակցում են Գիլինգում անցկացվող այս միջոցառմանը, որն իրենց համար մարդասիրության և անձնվիրության խորհուրդ ունի: Նրանք խոսեցին դանիացի միսիոներուհիներ Մարիա Յակոբսենի և Կարեն Եփփեի առաքելության մասին, ովքեր իրենց կյանքը նվիրաբերել են հազարավոր հայերի փրկության համար:

Արարողության ավարտին դեսպանն այցելեց Գիլինգի պատմական արխիվ` ծանոթանալու հայերի ցեղասպանության մասին Կարեն Եփփեի բազմաթիվ վկայություններին, հոդվածներին, արխիվային նյութերին:

Միջոցառմանը ներկա էին Դանիայի հայ համայնքի ներկայացուցիչներ եւ բազմաթիվ դանիացիներ:


Առնչվող նյութեր
1. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
4. Մակրոնը այցելեց Հայոց ցեղասպանության հուշահամալիր
5. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
6. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
7. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
8. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
9. Ջորջ Բարսեղյանի եզակի նվիրատվությունը Հայոց ցեղասպանության թանգարանին
10. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում

Մեկնաբանություն

Վերջին լուրեր
1.Քիմիական զենքի կոնվենցիայի մասնակից պետությունների 23-րդ կոնֆերանսը
2.Գավառում վերաբացվեց Լևոն Քալանթարի անվան դրամատիկական թատրոնը
3.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
4.Մտորումներ Լատվիայի անկախության 100-ամյակի առթիվ
5.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
6.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
7.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
8.Եվրամիությունը աջակցում է «Հայաստանում ընտրական գործընթացների աջակցություն» ծրագրին
9.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
10.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: