ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 հունվարի, 2019
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայոց Ցեղասպանության հիշատակի ցույցեր, հանրահավաքներ եւ պատարագ Վիրահայոց թեմում

26 ապրիլի, 2016 | 08:44

vrastan 2016 genocide vrastan genocide 2016 Հայոց ցեղասպանության 101-րդ տարելիցի միջոցառումները Վիրահայոց թեմում մեկնարկեցին ապրիլի 23-ին հայոց եկեղեցիներում կատարված հանգստյան ժամերգությամբ:

Թբիլիսիի Սուրբ Էջմիածին եկեղեցում, երեկոյան տեղի ունեցավ հանգստյան ժամերգություն, որին իրենց մասնակցությունն էին բերել համայնքային տարբեր կառույցների երիտասարդներ: Հավարտ ժամերգության Վիրահայոց թեմի առաջնորդի օգնական Տեր Խորեն վարդապետ Հովհաննիսյանն իր պատգամը փոխանցեց ներկաներին, հորդորելով հավատարիմ և նախանձախնդիր լինել հայ Դատին և հայոց արդար պահանջատիրությանը: Ներկաները վառած մոմերով իրենց աղոթքը բարձրացրին առ Աստված:

Ապրիլի 24-ին մարդկանց հոսքը դեպի Թբիլիսիի Սուրբ Գևորգ առաջնորդանիստ և Սուրբ Էջմիածին եկեղեցիներ սկսվեց դեռևս վաղ առավոտյան՝ մասնակցելու եկեղեցում մատուցվող Երևման Սուրբ Խաչի տոնի և Հայոց Ցեղասպանության Սուրբ նահատակների հիշատակին մատուցվող Սուրբ և Անմահ Պատարագին:

Սուրբ Գևորգ առաջնորդանիստ եկեղեցում ներկա էին Վրաստանում Հայաստանի Հանրապետության արտակարգ և լիազոր դեսպան Յուրի Վարդանյանը, դեսպանության դիվանագետները, համայնքային գործիչներ, մտավորականներ, հավատացյալներ:

Պատարագիչ՝ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը հավուր պատշաճի քարոզ խոսեց օրվա խորհրդի մասին, անդրադառնալով Սուրբ խաչի երևմանը և կենարար խաչի մշտամնա զորությանն ու պահպանիչ ուժին:

Առաջնորդը հայցեց Հայոց ցեղասպանության Սուրբ նահատակների բարեխոսությունը հայ ժողովրդի, հայրենիքի ու նրա սահմանները պաշտպանող հայ զինվորի համար:

vrastan srbazan 2016Հավլաբարի Սուրբ Էջմիածին եկեղեցում, կիրակնօրյա Սուրբ և Անմահ Պատարագից հետո, եկեղեցու բակում կանգնեցված Ցեղասպանության հիշատակի խաչքարի մոտ, հոգեշնորհ Տեր Խորեն վարդապետ Հովհաննիսյանի նախագահությամբ կատարվեց հատուկ արարողություն, ոգեկոչելու Հայոց ցեղասպանության սուրբ նահատակների հիշատակը:

Այնուհետև Սուրբ Էջմիածին եկեղեցու հարակից տարածքում թբիլիսահայությունն իր մասնակցությունը բերեց Վրաստանի հայ համայնք կազմակերպության՝ Հայոց Ցեղասպանության 101-րդ տարելիցին նվիրված հանրահավաքին:

Օրհնության խոսքով դիմելով հանրահավաքի մասնակիցներին, Վիրահայոց թեմի առաջնորդի օգնական Տեր Խորեն վարդապետ Հովհաննիսյանը ապրիլի 24-ը անվանեց հայության համար ուխտի օր, կոչ արեց ներկաներին նախանձախնդրությամբ տեր կանգնել Հայ Դատին և հայոց արդար պահանջատիրությանը:

vrastan 2016 genocide 2Հանրահավաքին, որ ընթանում էր հայերեն և վրացերեն լեզուներով, դատապարտման, ճանաչման և հատուցման կոչով հանդես եկան Սամվել Մկրտչյանը, Լևոն Չիդիլյանը, Գիորգի Թումասյանը, Սուսաննա Խաչատրյանը և այլոք:

Հանրահավաքի ընթացքում հնչեցին հայրենասիրական բանաստեղծություններ և երգեր:

Ապրիլի 24-ին հիշատակի Պատարագներ, բողոքի ակցիաներ և խաղաղ հանրահավաքներ անցկացվեցին Վրաստանի հայաբնակ քաղաքներում, շրջաններում և գյուղերում:

Ապրիլի 24-ի միջոցառումները լուսաբանվեցին Վրաստանի զանգվածային լրատվության միջոցներով:

vrastan genocide patargvrastan genocide 2016vvrastan genocide 2016 tsutsahandesvrastan 2016 genocide


Առնչվող նյութեր
1. Ռաֆայել Լեմկինի անվան 2019 թ. հետազոտական կրթաթոշակային ծրագրի մեկնարկը Հայոց ցեղասպանության թանգարան-ինստիտուտում
2. Սամցխե Ջավախքում բացվեց Վարդգես Սուրենյանցի անվան կրթամշակութային կենտրոնը
3. Հայոց ցեղասպանության հիշողություն և ցեղասպանությունների կանխարգելում խորագրով համաժողով Հռոմում
4. Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
5. Ցեղասպանությունից 103 տարի անց մենք ապացուցել ենք ողջ աշխարհին, որ լույսը, բարին կհաղթեն. Արմեն Սարգսյան
6. Վրաստանի նորընտիր նախագահին շնորհավորել են Հայաստանի նախագահն ու վարչապետի պաշտոնակատարը, Վեհափառը
7. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
8. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
9. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
10. Մակրոնը այցելեց Հայոց ցեղասպանության հուշահամալիր

Մեկնաբանություն

Վերջին լուրեր
1.Թուրքիան ցեղասպանության իրականացման հավանականությամբ երկրների տասնյակում է
2.ՅԱՆ ԳԻԼԱՆԸ ՇԱՐՈՒՆԱԿՈՒՄ Է ԱՋԱԿՑԵԼ ԳՅՈՒՄՐԻԻ ԵՐԱԺՇՏԱԿԱՆ ԴՊՐՈՑԻՆ
3.Հայերը, հայկական բիզնեսն աշխարհում ամենուր են, ինչի շնորհիվ համագործակցության ներուժը անհամեմատ մեծանում է
4.Չեխ ուսանող Յան Պալախի ողբերգական մահվան 50-րդ տարելիցը
5.ԱՆԹԻԼԻԱՍԻ ՄԷՋ ԽՈՐՀՐԴԱԿՑԱԿԱՆ ՆԻՍՏԵՐ՝ ՀԱՅ ՄԱՄՈՒԼԻ ՏԱՐԻ ՀՌՉԱԿՈՒՄԻՆ ԱՌԻԹՈՎ
6.«Սրընթաց հեղափոխությունները տեղի են ունենալու նաև մեր ամենօրյա կյանքում». Նախագահ Արմեն Սարգսյան
7.Լենա Նազարյանը, Ալեն Սիմոնյանը եւ Վահե Էնֆիաջյանն ընտրվել են ՀՀ ԱԺ նախագահի տեղակալներ
8.Դեսպան Վարուժան Ներսեսյանն իր հավատարմագրերը հանձնեց ԱՄՆ նախագահին
9.Սահակ Սարգսյանը Սևծովյան տնտեսական համագործակցության կազմակերպությունում ՀՀ մշտական ներկայացուցիչ
10.Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
Դիտել բոլորը
© ORER.CZ 2003-2012, ORER.EU 2012-2019
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: