ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայոց ցեղասպանության բանաձեւն առայժմ չի հաջողվել Չեխիայի խորհրդարանի նիստի օրակարգ մտցնել

29 հունիսի, 2016 | 17:55

Czech Parliament Poslanecka SnemovnaՊՐԱՀԱ-ՕՐԵՐ- Հունիսի 28-ին Չեխիայի խորհրդարանի պատգամավորների պալատի հերթական նիստի ժամանակ ԱՆՈ կուսակցությունից պատգամավոր Զդենեկ Սոուկուպը փորձել է գարնանային նստաշրջանի վերջին նիստի օրակարգ  մտցնել Հայոց ցեղասպանությունը դատապարտող բանաձեւ, սակայն նրա առաջարկը քվեարկությամբ չի անցել։

Մեզ հասած տեղեկությունների համաձայն, նա գործել է ինքնուրույն եւ քայլերը չի համաձայնեցրել Չեխիա-Հայաստան միջխորհրդարանական բարեկամության խմբի հետ՝ լինելով նույն խմբի անդամ։ Այնուամենայնիվ  ներկաներից 65-ը կողմ է քվեարկել բանաձեւը օրակարգ մտցնելուն, 21-ը՝ դեմ, իսկ 81-ը ձեռնպահ է մնացել։ Օրակարգ մտցնելու համար պահանջվում էր, որպեսզի ներկա 167 պատգամավորներից կողմ քվեարկի 84-ը։ Չի բավարարել 19 ձայն։

Այս մասին ֆեյսբուքյան իր էջում հաստատել է նաեւ պարոն Սոուկուպը եւ նշել է, որ  կատարվածն ամոթ է, քանի որ նման բանաձեւեր արդեն ընդունել են եվրոպական 20 երկրներ, վերջերս՝ նաեւ Գերմանիան։ Կայքէջերից մեկն էլ հրապարակել է  բոլոր այն պատգամավորների անունները, որոնք դեմ են քվեարկել՝ նրանց մեծ մասը սոցիալ-դեմոկրատական կուսակցությունից են՝ 19-ը, մեկը՝ ԱՆՈ-ից եւ մեկն էլ ՝ ԹՈՓ 09-ից։  Հետաքրքիր է, որ ամբողջությամբ կողմ են քվեարկել  USVIT աջ ծայրահեղական խմբակցությունը և քրիստոնյա-դեմոկրատ պատգամավորների մեծ մասը, ինչպես նաեւ ԱՆՈ կուսակցության ներկայացուցիչների մեծ մասը։ Սոցիալ-դեմոկրատներից  կողմ  է քվեարկել 8 պատգամավոր։

Քաղաքական դիտորդների կարծիքով, բանաձեւը նեկա պահին օրակարգում չընդգրկելուն նպաստեց նաեւ այն, որ Չեխիայի քաղաքական էլիտան զբաղված է ոստիկանության բարեփոխումների հետ կապված կոալիցիոն ճգնաժամով, նաեւ հրատապ խնդիրներ է առաջացրել բրիտանական Brexit-ը, որի պատճառով թե՜ վարչապետ Սոբոտկան,  եւ թե՜ արտաքին հարաբերությունների հանձնաժողովի նախագահ Կարել Շվարցենբերգը բացակայում էին հանրապետությունից։ Իսկ Պատգամավորների պալատի նախագահ Յան Համաչեկը ձեռնպահ է քվեարկել։ 

Ամենայն հավանականությամբ,Հայոց ցեղասպանությունը դատապարտող  բանաձեւը օրակարգ մտցնելու նպատակով կրկին կներկայացվի Պատգամավորների պալատի աշնանային նստաշրջանի ընթացքում։ Միայն թե պետք է ճիշտ պահ ընտրել, եւ լավ նախապատրաստվել, այլապես  ինքնագործունեությունը միշտ նման արդյունք է ունենում։

Հ.Ասատրյան

ՕՐԵՐ

Orer.eu


Առնչվող նյութեր
1. Դեսպան Տիգրան Սեյրանյանի հանդիպումը Չեխիայի խորհրդարանի Պատգամավորների պալատի նախագահ Ռադեկ Վոնդրաչեկի հետ
2. Դեսպան Տիգրան Սեյրանյանի հանդիպումը Չեխիայի արդյունաբերության և առևտրի նախարար Մարթա Նովակովայի հետ
3. Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
4. ՊՐԱՀԱ. Ամանորյա տոնական հանդես մանուկների համար
5. Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
6. Միքայել Զոլյան. Ոչ մեկին չի հաջողվել Հայաստանում բռնապետություն կառուցել
7. Թավշյա հեղափոխության ապագան. Ստեփան Գրիգորյանի բացառիկ հարցազրույցը ՕՐԵՐ-ին
8. Պրահայում նշվեց Սպիտակի երկրաշարժի 30-րդ տարելիցը
9. Հովհաննես Թումանյանի 150-ամյակին նվիրված հանդիպում եւ գրքի շնորհանդես Պրահայում
10. Չեխական Սոկոլովում բացվեց ռազմագերիներին նվիրված հուշարձան. նրանց թվում են տասնյակից ավելի հայեր

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: