ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայկական օրեր Ռումինիայի Հարգիտա նահանգի Գեորգեն քաղաքում

11 սեպտեմբերի, 2018 | 17:51

Սեպտեմբերի 7-ից 9-ը Ռումինիայի Հարգիտա նահանգի Գեորգեն քաղաքում անցկացվեցին հայկական օրեր` Գեորգենի Հայկական արվեստի 8-րդ փառատոնը, որի պատվավոր հյուրերն էին Ռումինիայում ՀՀ դեսպան Սերգեյ Մինասյանն ու Ռումինիայում հավատարմագրված դիվանագիտական կորպուսի դուայեն, Սուրբ Աթոռի պապական նվիրակ կարդինալ Միգել Մաուրի Բուենդիան:


Փառատոնին մասնակցեցին Հարգիտայի նահանգային և Գեորգենի քաղաքային իշխանությունների ղեկավարներ, հոգևոր դասի ներկայացուցիչներ, Ռումինիայի, ինչպես նաև Հունգարիայի տարբեր քաղաքներից ժամանած հայազգի հյուրեր:

Միջոցառմանը դեսպան Մինասյանը հանդես եկավ ողջույնի խոսքով:
Փառատոնի ծրագրում ընդգրկված էին 1733թ. կառուցված Հայ կաթոլիկ եկեղեցու մերձակա տարածքում տեղադրված հայկական խաչքարի մոտ ծաղիկների զետեղման արարողություն, այնուհետև հայկական գորգերի, Երևանի 2800-ամյակի, Գեորգենի հայկական վայրերի, հայկական մոտիվներով այլ նկարների ցուցադրություններ:

Այցի շրջանակներում դեսպան Մինասյանը հանդիպումներ ունեցավ նաև Հարգիտայի նահանգային և Գեորգենի քաղաքային իշխանությունների ղեկավարների հետ` քննարկելու հետագա համագործակցության հնարավորությունները համապատասխանաբար Լոռվա մարզի և Ալավերդի քաղաքի հետ:

S

Բացի այդ Հարգիտայի Փոքրամասնությունների գեղարվեստական 2-րդ փառատոնի շրջանակներում, որտեղ ներկայացված էին հունգարական, հայկական, հրեական, գերմանական, գնչուական ու հունական ազգային փոքրամասնությունների պարեր և երգեր, մասնակցեց նաև Գեորգենի Հայկական արվեստի փառատոնը` ժողովրդական ստեղծագործությունների, հայկական հոգևոր երգերի ու ժողովրդական պարերի ցուցադրություններով, տեղի հայկական խոհանոցի ուտեստների ու հայկական կոնյակի հրուրասիրությամբ:

Սեպտեմբերի 9-ին Գեորգենիի հայ կաթոլիկ եկեղեցում տեղի ունեցավ հանդիսավոր պատարագ:

Փառատոնի ավարտից հետո դեսպան Մինասյանն այցելեց Ֆրումոասա քաղաք և այնտեղ գտնվող 18-րդ դարի 2-րդ կեսին կառուցված տեղի հայ կաթոլիկ եկեղեցին և հայ համայնքի գործունեությանը նվիրված թանգարանը:

Հայկական արվեստի փառատոնը լայնորեն լուսաբանվեց տեղական հեռուստատեսության և մամուլի կողմից:
orer.eu


Առնչվող նյութեր
1. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
2. Ռումինիայում նշվեց Կոնստանցայի Ս. Աստվածածին եկեղեցու ուխտի օրը
3. Բուրգասում բացվեց Վազգեն Վեհափառի անվան թանգարանը
4. Բոտոշան. Հայաստանին ու Ռումինիային նվիրված ցուցահանդես
5. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը
6. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում
7. Մեծ շուքով նշվեց Պիտեշտի Ս. Հովհաննես Մկրտիչ եկեղեցու ուխտի օրը
8. Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
9. Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
10. Բուխարեստ. «Հայերենի ինքնուսույց ռումինախոսների համար» գրքի շնորհանդեսը

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: